Hawˇseˬ 14:7 - Akha

⁷ Ngaˇ bo saˆ haw piˇ-eu uˬ moˆ. Aˬ yawꞈ maꞈ paˇ jawˇ poˆ laˇ-awˇ, dzaˬ la gʼo cehˇ paˇ ka poˆ-awˇ, aˬ gaꞈ siˬ dui dui-eu loꞈ-ehˇ, baw dui za dui dui le tehꞈ-a. Leˬbaˬnoˬ gawˬ jawˬ-ahˇ doˆ-eu, muiˬ-eu aˬ gaꞈ dzaˇ uiˇ loꞈ-ehˇ, aˬ yawꞈ maꞈ tsawˇ myahˇ doˆ tehꞈ-a.

Hawˇseˬ 14:7 Referans Kwoze

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Yoˇhaˬ 11:25

Yeˬsuˇ ehˇ-eu, “Ngaˇ-aˬ, gʼoꞈ dehꞈ laˇ-eu jeˬ hawˇ-eu saꞈ laˇ dehꞈ-eu jeˬ pyeuꞈ-eu ma. Ngaˬ-ahˇ kʼaˇ jah-eu tsawˇ haˬ-aˬ, shiˇ-euˬ kʼawꞈ, dehꞈ tehꞈ-a.

Zaˬkaˬliˇ 8:12

Aˬ yawꞈ maꞈ nui saˇ oꞈ-eu laꞈ kʼoeˇ siˬ yoeˬ ya sehˬ dzaˬ tehꞈ-a. Aˬ yawꞈ maꞈ-euˬ aˬ gaꞈ baw duˆ aˇ siˬ siˬ le-awˇ, dzaˬ la gʼo cehˇ za le-eu uˬ taꞈ, uˬ yehˇ jaˆ tehꞈ-a. Ngaˬ-euˬ miˇ kʼahˬ heu laꞈ kʼoeˇ kʼaˇ dzeˇ-eu tsawˇ haˬ deuˬ-ahˇ, guiˬ lahˬ kʼoeˇ deuˬ dawˬ tawˆ luꞈ ngaˇ biꞈ ma.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Yeˬsaˬgeˬlaˇ 17:23

Iˇsaˬleˬlaˆ gawˬ jawˬ laꞈ kʼoeˇ, goˇ dzehˬ-eu jawˬ kʼoeˇ taˆ ka ma. Uˬ laꞈ sahˇ-awˇ aˇ siˬ loˆ-eu, kʼahˬ sehˇ za-eu siˬ daˬ pyeuꞈ-awˇ, aˇ jiˇ yawˬ jeˬ na luꞈ kuꞈ ni, aˇ bawˇ naˇ shmˇ awˆ le tehꞈ-a.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Jaceuq 138:7

Shaˬ-eu zahˬ-eu jeˬ ngaˬ-euˬ tiˬ jawˬ keuˆ le ngeh, nawˇ ngaˬ-ahˇ dah teˬ-euˬ meh. Ngaˬ-ahˇ nui ma pehˇ-eu muiˇ-eu deuˬ-euˬ mehˬ shi nawˇ aˬ laꞈ cawˬ doˆ-awˇ, nawˬ-euˬ baoˬ neh ngaˬ-ahˇ ka kʼoꞈ-euˬ meh.

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Yoˇhaˬ 12:24

Ngaˇ naw nyaꞈ-ahˇ maˇ jawˆ ni ehˇ-eu ma. Cehˇ cehˇ nuiˆ tiˬ nuiˆ-aˬ, miˇ tsaˬ-ahˇ ga-iˇ-awˇ maˬ shiˇ kʼoeˇ keuˆ ni, cehˇ cehˇ nuiˆ tiˬ nuiˆ tehꞈ meh. Ehˇ kʼawꞈ, cehˇ cehˇ nuiˆ kʼoeˇ nuiˆ shiˇ ngeh, cehˇ cehˇ nuiˆ gʼawˬ mya ni paˇ myaˬ laˇ-eu meh.

Hawˇseˬ 2:21

Aˇ nah aˇ yamˬ kʼoeˇ keuˆ laˇ ngeh, ngaˬ-euˬ tsawˇ jeuˬ Iˇsaˬleˬlaˆ shaˇ-euˬ dawˬ-ahˇ ngaˇ naˇ haˬ ma. Miˇ tsaˬ tahˬ kʼawˇ heu-euˬ kʼoeˇ taˆ, uˬ yehˇ yehˇ le ni ngaˇ jahˇ ma. Cehˇ, aˬ gaꞈ, saˬ loˬ heu deuˬ-ahˇ, miˇ tsaˬ neh bi loˆ le tehꞈ-a.

Dawˬ caˇ 4:11

Ngaˬ-euˬ zaˬ kʼaˬ-oˇ, nawˬ-euˬ mehˬ luˬ byaˬ byaˬ uiˇ loꞈ-ehˇ coeˇ nya. Nawˬ-euˬ mehˬ laˇ-aˬ, mawˇ neˇ aˬ coeˇ hawˇ-eu byaˬ byaˬ uiˇ-ahˇ duˇ nya. Nawˬ-euˬ mehˬ tsoeˬ-aˬ, Leˬbaˬnoˬ gawˬ jawˬ-ahˇ kʼaˇ jaˆ-eu yaw saw jeˬ loꞈ-ehˇ saw dui dui nya.