Hawˇseˬ 14:1 - Akha

¹ Iˇsaˬleˬlaˆ tsawˇ haˬ deuˬ-oˇ, nawˬ-euˬ Sahˬpaˬ Miˬyehˇ pyeuꞈ-eu, Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ-euˬ iˬ baˇ baˬ da neh, naw maꞈ pehˆ toˆ tahˬ sehꞈ-euˬ meh.

Hawˇseˬ 14:1 Referans Kwoze

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Yeˬlaˬmiˇ 4:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-oˇ, gʼoꞈ laˇ mawꞈ naˇ ngaˇ jawˇ gaˇ gʼoꞈ laˇ-awˬ. Ngaˇ maˬ haw nahˇ-eu tahˬ pahˬ aˬ ma mawˇ kawˇ kʼoeˇ deuˬ-ahˇ, naw maꞈ byehˇ-awˇ ngaˬ-ahˇ saˇ jaˇ ziꞈ naˇ,

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Hawˇseˬ 5:5

Iˇsaˬleˬlaˆ yaw doeˇ mˇ-euˬ, yawˬ ha-ahˇ paˇ guˇ poˆ luꞈ meh. Yawˬ ha neh mˇ-euˬ iˬ baˇ-ahˇ, yawˬ ha pehˆ toˆ-awˇ coˬ-iˇ gaˇ, Yuˇdaˆ tsawˇ haˬ coˬ caw tehꞈ-a.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 33:14

Haiˬ-eu tsawˇ haˬ ya shiˇ tehꞈ-a lehˇ ngaˇ ehˇ-euˬ ma. Ehˇ kʼawꞈ iˬ baˇ mˇ-eu jeˬ-ahˇ aˬ yawꞈ byehˇ dzeh-awˇ, yaw tsaˬ yaw dawˇ jeˬ hawˇ-eu yaw muiˬ jeˬ mˇ dahˬ beh-eu ehˇ-awˬ.

Hawˇseˬ 4:8

Ngaˬ-euˬ tsawˇ jeuˬ iˬ baˇ mˇ-eu, yawꞈ maꞈ dzaˬ gʼo doˆ-eu miˇ neh, iˬ baˇ ngehˬ mˇ ngehˬ mawꞈ-eu meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Hawˇseˬ 10:12

Aˬ yawꞈ maꞈ-ahˇ ngaˇ ehˇ nehˬ-euˬ, ‘Deh yaˇ yaw shuiꞈ tsehˬ paˇ geuꞈ-awˇ, yaw tsaˬ yaw dawˇ jeˬ ka paˇ-awˇ, ngaˬ-ahˇ gʼoe-eu laꞈ kʼoeˇ za-eu, guiˬ lahˬ yaw dzahˇ deuˬ yehˬ dzaˬ-awˬ. Sahˬpaˬ Miˬyehˇ jawˇ paw pyawˇ-eu aˇ yamˬ keuˆ laˇ-euˬ siˬ nya-awˬ. Naw maꞈ jawˇ gaˇ ngaˇ oe keuˆ-awˇ, guiˬ lahˬ yaw dzahˇ shehˆ daˆ nehˬ ma.’

Hawˇseˬ 12:8

‘Nga maꞈ smˇ muiˬ muiˬ dui dui ma. Maˬ sui maˬ dawˇ-eu jeˬ laꞈ kʼoeˇ, pyuˇ shuiˇ laˆ jaˆ taˬ-euˬ meh lehˇ, tsawˇ haˬ tiˬ gʼaˬ-iˬ nga maꞈ-ahˇ, maˬ ngehˬ nya-a’ lehˇ ehˇ-eu meh.

2 Sahˬpaˬ 8:12

“Nawˇ aˬ jeˬ miˇ neh ngoeˇ te” lehˇ, Eˇliˇshehˇ-ahˇ Haˬzeˬlaˇ naˇ haˬ ngeh, Eˇliˇshehˇ ehˇ-eu, “Iˇsaˬleˬlaˆ tsawˇ haˬ deuˬ-ahˇ nawˇ yaw haiˬ jeˬ mˇ nehˬ tehꞈ-a lehˇ ngaˇ siˬ nya-eu miˇ neh ngoeˇ-eu ma. Aˬ yawꞈ maꞈ neh ziꞈ dah ni tsoˆ taˬ-euˬ nymˇ-ahˇ nawˇ miˬ dzaˬ dzah-awˇ, aˬ yawꞈ maꞈ-euˬ zaˬ guˬ deuˬ-ahˇ nawˇ deuˆ sehꞈ-eu uˬ taꞈ, aˬ yawꞈ maꞈ-euˬ zaˬ yaw nyiˇ deuˬ-ahˇ miˇ tsa ciˬ jeˬ nehˬ-awˇ, aˬ nyiˇ pi luꞈ-eu zaˬ miˬ zaˬ deuˬ-ahˇ uˬ maˆ ceuꞈ paˆ nehˬ tehꞈ-a.”

Yeˬsaˬgeˬlaˇ 16:46

“Nawˬ-euˬ mehˇ nmˇ aˬ buˇ aˬ yuiꞈ yuiꞈ saˬ gʼaˬ-aˬ, kʼoeˇ taˆ paw jawˇ-eu Saˬmaˬliˆ meuˬ pyeuꞈ-awˇ, aˬ yawꞈ-euˬ aˬ buˇ pyeuꞈ-eu pu deuˬ nehˬ-ehˇ jawˇ luꞈ-eu meh. Nawˬ-euˬ aˬ nyiˇ aˬ buˇ gʼaˬ-aˬ, laꞈ oˆ paw jawˇ-eu Sawˇdoˬ meuˬ pyeuꞈ-awˇ, aˬ yawꞈ-euˬ aˬ buˇ pyeuꞈ-eu pu deuˬ nehˬ-ehˇ jawˇ luꞈ-eu meh.

Hawˇseˬ 9:13

Iˇsaˬleˬlaˆ-euˬ zaˬ deuˬ-ahˇ, shaˬ teh teh-awˇ sehꞈ-eu loꞈ-ehˇ, bi teh sehꞈ gaˇ ngaˇ mawˇ-euˬ ma.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.