Hawˇseˬ 13:10 - Akha

¹⁰ Sahˬpaˬ hawˇ-eu aˬ yuiꞈ aˬ tsu, bi laꞈ lehˇ naw maꞈ shaˇ-eu meh. Ehˇ kʼawꞈ, naw maꞈ-euˬ tsawˇ jeuˬ-ahˇ, yawꞈ maꞈ ka kʼoꞈ nehˬ nya nmˇ loˇ.

Hawˇseˬ 13:10 Referans Kwoze

Hawˇseˬ 8:4

“Aˬ yawꞈ maꞈ sahˬ paˬ ka-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yuiꞈ aˬ tsu tseˇ doˆ-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yawꞈ maꞈ-euˬ pyuˇ kʼoˇ shuiˇ kʼoˇ, tahˬ pahˬ aˬ ma mawˇ kawˇ kʼaˇ-awˇ, yawˬ ha ya luˬ ya seˇ-iˇ ni, yawˬ haˇ yawˬ ha bymˬ luꞈ-eu meh.

Hawˇseˬ 10:3

Aˬ yawꞈ maꞈ heu loˆ ehˇ tehꞈ-a. “Aˬ dui -euˬ Sahˬpaˬ Miˬyehˇ-ahˇ, aˬ dui maˬ guˆ-euˬ baˬ da neh, aˬ dui sahˬ paˬ maˬ paˇ jawˇ ma. Ehˇ kʼawꞈ, sahˬ paˬ jawˇ law hawˇ kʼawꞈ, aˬ jeˬ jahˇ nehˬ laꞈ nya nmˇ” lehˇ, aˬ yawꞈ maꞈ ya ehˇ gaˇ keuˆ meh.

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Hawˇseˬ 13:4

Sahˬpaˬ Miˬyehˇ ehˇ-eu dawˬ-aˬ, “Sahˬpaˬ Miˬyehˇ pyeuꞈ-eu ngaˇ-aˬ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ nehˬ laꞈ-euˬ, naw maꞈ-euˬ Miˬyehˇ pyeuꞈ-eu ma. Naw maꞈ-euˬ Miˬyehˇ ngaˇ tehꞈ ma. Ka kʼoꞈ nehˬ-euˬ gʼaˬ ngaˇ tehꞈ ma.

Yeˬlaˬmiˇ 8:19

Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Iˇsaˬyaˇ 43:15

Ngaˇ-aˬ, muiˬ-eu shawˇ-eu Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ ma. Naw maꞈ Iˇsaˬleˬlaˆ tsawˇ haˬ deuˬ-ahˇ ngaˬ neh beh-awˇ, ngaˇ naw maꞈ-euˬ sahˬ paˬ ma.”

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 89:18

Sahˬpaˬ Miˬyehˇ-oˇ, nga maꞈ-ahˇ bi haw piˇ-eu gʼaˬ nawˇ tseˇ doˆ nehˬ laꞈ-euˬ meh. Iˇsaˬleˬlaˆ-euˬ Muiˬ-eu shawˇ-eu Miˬyehˇ-oˇ, nawˇ nga maꞈ-ahˇ sahˬ paˬ biꞈ laꞈ-euˬ meh.

Jaceuq 74:12

Ehˇ kʼawꞈ, Miˬyehˇ nawˇ-aˬ, aˇ dahˬ beh ngeh neh nga maꞈ-euˬ sahˬ paˬ pyeuꞈ-eu ma. Nga maꞈ-ahˇ nawˇ gʼawˬ mya poˆ ka kʼoꞈ nehˬ laꞈ-euˬ meh.

Jaceuq 44:4

Ngaˬ-euˬsahˬpaˬpyeuꞈ-eu gʼaˬ-oˇ, ngaˬ-euˬMiˬyehˇpyeuꞈ-eu gʼaˬ-oˇ, Yaˬkoˆ-euˬzaˬdeuˬuˆdeuˬ-ahˇ, gʼaˬleˇ-eu jeˬnawˇbiꞈ-euˬmeh.

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

2 Sahˬpaˬ 17:4

Ehˇ kʼawꞈ, tiˬ kʼoꞈ-aˬ, Soˇ lehˇ myahˇ-euˬ Iˇjiˇtuˆ sahˬ paˬ jawˇ gaˇ Awˇsheˬ tsawˇ haˬ pyehˬ gʼeh-awˇ, laꞈ jeuˬ shaˇ-eu laꞈ kʼoeˇ, Aˬshuˇliˆ miˇ kʼahˬ-ahˇ kawˬ maˬ doˆ nehˬ ni jawˇ-euˬ meh. Gaˇ kawˆ kʼoeˇ Shaˬmaˬneˬzaˬ ya siˬ ngeh, Awˇsheˬ-ahˇ nyehꞈ-awˇ, tawˬ-ahˇ dawˆ-euˬ meh.

1 Sahˬpaˬ 12:20

Yeˬyawˇbamˬ gʼaˬ Iˇjiˇtuˆ miˇ kʼahˬ-ahˇ neh gʼoꞈ keuˆ laˇ-euˬ gaˇ kawˆ, Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ ya gaˬ ngeh, tsawˇ haˬ aˇ maꞈ aˇ muˇ uiˬ leˇ taˬ-euˬ gaˇ aˬ yawꞈ-ahˇ kuˇ keuˆ laꞈ-awˇ, Iˇsaˬleˬlaˆ miˇ kʼahˬ-euˬ sahˬ paˬ ka nehˬ-euˬ meh. Yuˇdaˆ tsawˇ jeuˬ tiˬ jeuˬ tehꞈ-ehˇ, Daˬbiˇ-euˬ zaˬ deuˬ uˆ deuˬ-ahˇ saˇ jaˇ ziꞈ-euˬ meh.

Hawˇseˬ 3:4

Kʼoeˇ loꞈ-ehˇ duˇ ni, Iˇsaˬleˬlaˆ tsawˇ haˬ deuˬ kʼawꞈ, sahˬ paˬ maˬ baw, aˬ yuiꞈ aˬ tsu maˬ baw ni, lawˇ-eu shehˇ-eu jeˬ maˬ mˇ-ehˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu shawˇ-eu kʼaˬ lo kʼawˇ zeuˇ deuˬ kʼawꞈ maˬ bi jaˆ-eu uˬ taꞈ, mah loˬ ja maw mˇ-eu gʼaˇ duˬ tahˬ pahˬ aˬ ma mawˇ kawˇ deuˬ kʼawꞈ maˬ bi jaˆ ni, aˇ yamˬ gʼawˬ myahˇ ni ya dehꞈ meh.

Hawˇseˬ 7:7

“Yawꞈ maꞈ nui pehˇ lahˇ dui dui-awˇ, sahˬ paˬ sahˬ ma-ahˇ sehꞈ-euˬ meh. Sahˬ paˬ tiˬ gʼaˬ saˇ-iˬ tiˬ gʼaˬ, sehꞈ byoˆ sehꞈ laˆ jiˇ nehˬ-euˬ kʼawꞈ, caw ba laꞈ lehˇ ngaˬ-ahˇ shaˇ-eu, tsawˇ haˬ tiˬ gʼaˬ-iˬ maˬ jawˇ-a.”

1 Saˬmeuˬlaˆ 8:7

Kʼoeˇ ngeh, Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ ehˇ gaˇ naˇ haˬ nehˬ-awˬ. Nawˬ-ahˇ aˬ yawꞈ maꞈ byehˇ dzeh-eu maˬ ngeuˇ-a. Ngaˬ-euˬ mawˇ do aˬ yawꞈ maꞈ kʼoeˇ taˆ maˬ bi uˆ lahˇ-eu gʼaˇ duˬ, aˬ yawꞈ maꞈ ngaˬ-ahˇ byehˇ dzeh-euˬ meh.

Ngoeˇ dawˬ 4:20

Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.