Hawˇseˬ 10:10 - Akha

¹⁰ Bahˬ dui dui-eu tsawˇ haˬ deuˬ-ahˇ, kʼehˬ-eu kʼaˆ-eu lehˇ ngaˇ oe ma. Iˬ baˇ aˇ dzehˬ dzeuˇ-eu miˇ neh, aˬ yawꞈ maꞈ-ahˇ kʼehˬ-eu gʼaˇ duˬ, tsawˇ jeuˬ dawˬ tawˆ gm leˇ tehꞈ-a.

Hawˇseˬ 10:10 Referans Kwoze

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.

Yeˬlaˬmiˇ 16:16

Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Maꞈtehˬ 22:7

Kʼoeˇ ngeh jawˇ, sahˬ paˬ kʼoeˇ gʼaˬ nui ma pehˇ laˇ-awˇ, aˬ yawꞈ-euˬ guiˇ maꞈ pyehˬ gʼeh-awˇ, aˬ yawꞈ-euˬ zaˬ kʼaˆ deuˬ-ahˇ sehꞈ-euˬ tsawˇ haˬ kʼoeˇ deuˬ-ahˇ bi sehꞈ-awˇ, aˬ yawꞈ maꞈ-euˬ meuˬ-ahˇ miˬ dzaˬ bi keuˬ dzeh-euˬ meh.

Hawˇseˬ 8:10

Aˬ yawꞈ maꞈ-ahˇ kuˇ uiˬ jiˇ-awˇ, ngaˇ kʼehˬ nehˬ-eu lehˇ gʼeh-eu ma. Aˬshuˇliˆ miˇ kʼahˬ-euˬ sahˬ paˬ, yawꞈ maꞈ-ahˇ kʼehˬ le kʼaˆ le gaˇ, gʼawˬ myahˇ maˬ gʼeh-ehˇ ya daˬ meh.

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Yeˬsaˬgeˬlaˇ 23:46

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ nyaꞈ-ahˇ bi laˆ guˆ-awˇ tahˇ joe bi joe-eu tsawˇ haˬ tiˬ muˇ sheuˬ leꞈ-awˬ.

Yeˬsaˬgeˬlaˇ 23:9

Kʼoeˇ miˇ neh, aˬ yawꞈ mawꞈ dui dui leˇ-eu Aˬshuˇliˆ tsawˇ haˬ deuˬ-euˬ laꞈ-ahˇ aˬ yawꞈ-ahˇ ngaˇ a ahˇ nehˬ-euˬ ma.

Yeˬsaˬgeˬlaˇ 16:42

Kʼoeˇ ngeh jawˇ, ngaˇ nui ma pehˇ-eu taˬ leˇ-awˇ, ciˬ cuˇ ni jawˇ ma. Nui ma naˇ-awˇ myaˆ naˆ-eu jeˬ maˬ paˇ bi ahˇ ma.

Yeˬsaˬgeˬlaˇ 16:37

Nawˇ kʼoeˇ loꞈ-ehˇ jahˇ-eu baˬ da neh, yaw beh nawˬ-euˬ zaˬ kʼaˬ kʼaˇ ngeuˇ-eu dawˬ tawˆ luꞈ, nawˇ gaˬ-eu deuˬ maˬ ehˇ, bye-eu deuˬ maˬ ehˇ, ngaˇ sheuˬ uiˬ laꞈ jiˇ ma. Aˬ yawꞈ maꞈ-ahˇ nawˬ-euˬ tiˬ jawˬ sheuˬ uiˬ-awˇ, nawˬ-ahˇ mehˬ tsoeˬ neˇ myawˆ ni lehˆ dzeh-awˇ bi haw ma.

Yeˬlaˬmiˇ 21:4

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Zeˬdaˬkiˇ-ahˇ bi tsaꞈ kʼoꞈ leˇ-euˬ ma. “Zeˬdaˬkiˇ-oˇ, Baˬbuˇloˬ sahˬ paˬ hawˇ-eu aˬ yawꞈ-euˬ guiˇ maꞈ nehˬ-ehˇ guiˇ deuˆ luꞈ-eu nawˬ-euˬ guiˇ maꞈ-ahˇ ngaˇ bi smˬ-iˇ ma. Nawˬ-euˬ yehˇ deuˬ-euˬ guiˇ deuˆ-eu keu ka deuˬ-ahˇ, meuˬ-euˬ gʼahˇ ceh ngaˇ gʼoˆ bymˇ ma.

Yeˬlaˬmiˇ 15:6

Naw maꞈ ngaˬ-ahˇ byehˇ dzeh-euˬ meh. Naw maꞈ ngaˬ-ahˇ naˇ kʼah ciˬ pyawˇ nehˬ laꞈ-euˬ meh. Kʼoeˇ baˬ da neh ngaˇ nui ma pehˇ-eu maˬ dzahˬ tehˬ coeˇ-ehˇ, ngaˬ-euˬ aˬ laꞈ cawˬ doˆ leꞈ-awˇ, naw maꞈ-ahˇ baꞈ deh leꞈ-euˬ ma.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Dawˬmehˬ 28:63

Nawˇ baw le za le-awˇ, myaˬ laˇ behˇ laˇ ni jahˇ nehˬ-eu gʼaˇ duˬ Sahˬpaˬ Miˬyehˇ laˬ kʼaˬ cehˇ-eu loꞈ-ehˇ, nawˇ luˬ-iˇ seˇ-iˇ-awˇ, nawˬ-euˬ kʼoeˇ taˆ yaw cawˆ jeˬ keuˆ le ni mˇ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ aˬ yawꞈ nawˬ-ahˇ gʼeu dzeh doˆ tehꞈ-a.

Hawˇseˬ 10:9

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Giˇbyaˬ meuˬ-ahˇ aˇ dahˬ beh-euˬ, iˬ baˇ mˇ-eu maˬ naˬ-aˬ siˬ. Kʼoeˇ baˬ da neh Giˇbyaˬ meuˬ-ahˇ, guiˇ deuˆ-eu jeˬ keuˆ le tehꞈ-a.

1 Sahˬpaˬ 12:28

Aˬ yawꞈ kʼoeˇ loꞈ-ehˇ noeˬ mawˇ-awˇ, shuiˇ mawˇ neˇ mawˇ kawˇ nyiˬ kawˇ kʼaˇ-awˇ, aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Naw maꞈ Yeˬluˇsaˬlehˬ meuˬ-ahˇ iˇ iˇ-ehˇ uˬ duˬ tahˬ-eu myahˇ laˇ-euˬ meh. Iˇsaˬleˬlaˆ tsawˇ haˬ deuˬ-oˇ, heu deuˬ-aˬ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ naw maꞈ-euˬ miˬ yehˇ deuˬ meh.”

Yawˇbaˆ 39:10

Nehꞈ nyoˬ-ahˇ nawˇ aˇ caˆ paꞈ-awˇ deh yaˇ tsehˬ nya te loˇ. Maˬ ngeuˇ naˇ jehˆ kaˆ bi kaˆ nya te loˇ.

Hawˇseˬ 4:19

Jaˬ lehˇ lehˇ ma neh lehˬ yoˆ-awˇ, aˬ yawꞈ maꞈ-ahˇ hehˇ byoˆ gʼeh ngeh, lawˇ ciꞈ zaˬ-euˬ lawˇ guiˇ baˬ da, aˬ yawꞈ maꞈ daˬ ya ga tehꞈ-a.