Haˬbaˬkuˆ 3:6 - Akha

⁶ Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Haˬbaˬkuˆ 3:6 Referans Kwoze

Aˇ dahˬ 49:26

Aˇ siˬ hawˇ-eu aˇ yehˆ guiˬ lahˬ biꞈ laꞈ tehꞈ-a. Aˇ hu ba neh jaˆ-eu gawˬ jawˬ gawˬ duˇ deuˬ pyeuꞈ-eu, Mˬ maˬ maˬ byaˆ zaˇ ziˇ ziꞈ-eu gawˬ jawˬ gawˬ duˇ deuˬ laꞈ kʼoeˇ jaˆ luꞈ-eu muiˬ-eu guiˬ lahˬ deuˬ hawˇ-eu Nui kʼahˇ shiˇ dui dui paˬ-ehˇ gʼeh-eu jeˬ dawˬ tawˆ luꞈ biꞈ nehˬ laꞈ tehꞈ-a. Guiˬ lahˬ yaw dzahˇ heu deuˬ dawˬ tawˆ luꞈ, Aˬ yawꞈ-euˬ mehˇ nmˇ deuˬ-ahˇ maˬ taꞈ-eu Yoˇsehˆ-euˬ uˬ duˬ naˇ kʼawˇ kʼoeˇ taˆ keuˆ le luꞈ-uˇ.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Dawˬmehˬ 33:15

Mˬ ga miˇ seu ngeh neh jaˆ-euˬ, gawˬ jawˬ gawˬ duˇ kʼoeˇ deuˬ tiˬ gʼoeˬ, aˇ siˬ aˇ lu loˆ le luꞈ-uˇ.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

Luˇkaꞈ 1:50

Aˬ yawꞈ-ahˇ taˬ huiˬ-eu deuˬ-ahˇ, aˬ yawꞈ-euˬ gʼawˬ shaˬ gaˬ-eu jeˬ, mˬ maˬ maˬ byaˆ zaˇ ziˇ gmˬ meh.

HeˬByehˇ 13:8

Yeˬsuˇ Ka liˬ-aˬ, miˇ nah, iˬ nah hawˇ-eu, mˬ maˬ maˬ byaˆ zaˇ ziˇ tiˬ kawˆ meh.

Maꞈtehˬ 24:35

Mˬ hawˇ-eu miˇ tsaˬ maˬ jaˆ coeˇ ni ya byoˆ-iˇ tehꞈ-a. Ehˇ kʼawꞈ, ngaˬ-euˬ dawˬ tiˬ jawˇ-iˬ maˬ byoˆ-iˇ-aˇ.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Iˇsaˬyaˇ 51:6

Mˬ-ahˇ gʼawˇ leuˇ haw-awˇ, miˇ tsaˬ-ahˇ awˆ kʼoꞈ-awˇ haw-awˬ. Uˬ kʼoeˬ loꞈ-ehˇ mˬ byoˆ-iˇ-awˇ, mehˬ tsoeˬ paˇ cehˇ loꞈ-ehˇ miˇ tsaˬ peuˬ-iˇ tehꞈ-a. Miˇ tsaˬ zaˬ deuˬ puˬ saˆ loꞈ-ehˇ shiˇ jiˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-euˬ jeˬ maˬ poˆ maˬ paˇ laˇ-a.

Jaceuq 103:17

Ehˇ kʼawꞈ, Sahˬpaˬ Miˬyehˇ-ahˇ taˬ huiˬ taˬ mahˇ-eu deuˬ-ahˇ, aˬ yawꞈ gaˬ-eu jeˬ maˬ byoˆ-iˇ-ehˇ, aˬ yawꞈ-euˬ muiˬ-eu guiˬ lahˬ mˬ maˬ maˬ byaˆ zaˇ ziˇ bi keuˆ le-eu meh.

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 68:16

Baoˬ huiˬ-eu nawˬ-euˬ gawˬ jawˬ pu cu deuˬ-ahˇ neh, Miˬyehˇ jawˇ-eu lehˇ tseˇ doˆ-euˬ gawˬ jawˬ-ahˇ, aˬ jeˬ miˇ neh nawˇ haw teˬ te. Mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Yaˇ kʼaˬ daˇ 5:5

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, Siˇnaˆ gawˬ jawˬ-euˬ Sahˬpaˬ Miˬyehˇ mehˬ shi, gawˬ jawˬ deuˬ miˇ luˆ luˆ-eu meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.

Doˆ-iˇ 21:31

Mawˇ neˇ kʼoeˇ mawˇ aˬ buˇ aˬ li tiˬ gʼaˬ na-ahˇ tahˬ sehꞈ-euˬ kʼawꞈ, kʼoeˇ loꞈ-ehˇ ya jahˇ tehꞈ-a.

Doˆ-iˇ 15:17

Nawˬ neh yawˬ haˇ yawˬ ha tsoˆ taˬ-euˬ Uˬ duˬ tahˬ nymˇ nymˇ ma, Sahˬpaˬ Miˬyehˇ nawˇ jawˇ-eu lehˇ tseˇ doˆ taˬ-euˬ jawˇ duˬ pyeuꞈ-eu nawˬ-eu gawˬ jawˬ kʼoeˇ taˆ, aˬ yawꞈ maꞈ-ahˇ nawˇ sheuˬ uˇ laꞈ-awˇ, ka ziꞈ taˬ-euˬ meh.

Yawˇbaˆ 21:18

jaˬ lehˇ neh bi hehˇ dzaˬ gʼeh-euˬ gʼo yoeˬ loꞈ-ehˇ bi baw byoˆ gʼeh-awˇ, jaˬ lehˇ lehˇ ma neh bi baw ha gʼeh-euˬ kʼaˬ lehˇ loꞈ-ehˇ jahˇ nehˬ-euˬ jaˆ ta loˇ.

Jaceuq 35:5

Jaˬlehˇgʼo yoeˬhehˇ-eu loꞈ-ehˇ, mˬtaˆgʼaˬkʼehˇneh teh luꞈ-uˇ.

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Doˆ-iˇ 15:14

Gaˇ kawˆ heu aˬ cawˬ tsawˇ jeuˬ deuˬ ya gaˬ-awˇ, aˬ yawꞈ maꞈ guˆ dui dui-eu laꞈ kʼoeˇ yaw dzuˬ dzuˬ-euˬ meh. Piˇliˇtiˆ tsawˇ haˬ deuˬ noeˬ shaˬ dui dui meh.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Yawˇbaˆ 9:5

Maˬ siˬ laˇ mi naˆ-ehˇ gawˬ jawˬ-ahˇ aˬ yawꞈ ciˬ jiˆ-awˇ, nui ma pehˇ-eu laꞈ kʼoeˇ laˆ cawˆ nehˬ-eu meh.

Jaceuq 97:5

Gawˬ jawˬ deuˬ Sahˬpaˬ Miˬyehˇ mehˬ shi, miˇ tsaˬ dawˬ tawˆ luꞈ-euˬ Sahˬpaˬ Miˬyehˇ mehˬ shi, byaˬ shahˬ loꞈ-ehˇ guiˇ ka-eu meh.

Jaceuq 104:32

Miˇ tsaˬ tahˬ kʼawˇ-ahˇ aˬ yawꞈ haw ka gʼeh ngeh, miˇ tsaˬ tahˬ kʼawˇ yaw dzuˬ dzuˬ-eu meh. gawˬ jawˬ-ahˇ aˬ yawꞈ toeˬ ciˆ ngeh, uˬ kʼoeˬ tahˬ doˆ laꞈ-eu meh.