Haˬbaˬkuˆ 3:4 - Akha

⁴ Mˬ myawꞈ myawꞈ ngeh bya-eu loꞈ-ehˇ, aˬ yawꞈ oe-eu yaw shehꞈ bya-awˇ, baoˬ tuˆ zaꞈ-euˬ aˬ laꞈ kʼoeˇ laꞈ, yaw shehꞈ bya cehˆ ni jaˆ-eu meh.

Haˬbaˬkuˆ 3:4 Referans Kwoze

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Yawˇbaˆ 26:14

Ehˇ kʼawꞈ, heu deuˬ-aˬ aˬ yawꞈ-euˬ baoˬ aˇ kʼawꞈ tehꞈ-a siˬ. Aˬ yawꞈ jaˬ cehˇ cehˇ-eu ya gaˬ-eu naˆ ni tehꞈ-a siˬ. Aˬ diˇ aˬ maˇ Miˬyehˇ aˇ naˆ ni huiˬ-eu mahˇ-eu aˬ suˇ gʼaˬ siˬ nya nmˇ.”

Doˆ-iˇ 14:20

Iˇsaˬleˬlaˆ tsawˇ haˬ hawˇ-eu Iˇjiˇtuˆ tsawˇ haˬ yaw kaˬ-ahˇ jawˇ-iˇ-euˬ meh. Mˬ dmˇ kʼoeˇ Iˇjiˇtuˆ tsawˇ haˬ jawˇ gaˇ zahˇ tsui ni bi pyeuꞈ-iˇ-awˇ, Iˇsaˬleˬlaˆ tsawˇ haˬ-ahˇ yaw shehꞈ bya nehˬ-euˬ meh. Kʼoeˇ miˇ neh, guiˇ guiˇ maꞈ kʼoeˇ nyiˬ maꞈ, uˬ ciꞈ miˇ lah ni, tiˬ maꞈ tiˇ maꞈ dawˬ peh maˬ iˇ peh nya ni jawˇ-euˬ meh.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Jaceuq 104:2

yaw shehꞈ neh tsahˇ lahˇ taˬ-euˬ meh. Mˬ-ahˇ sehˬ gʼawˆ loꞈ-ehˇ nawˇ sheu taw-awˇ,

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Doˆ-iˇ 13:21

Uˬ ciꞈ nah gʼahˇ maˬ-ehˇ, aˬ yawꞈ maꞈ gaˇ ma doˆ-iˇ nya ni, nah gʼahˇ paw aˬ yawꞈ maꞈ-ahˇ gaˇ ma mehˬ-eu gʼaˇ duˬ, mˬ dmˇ kʼawˇ zeuˇ laꞈ kʼoeˇ, Sahˬpaˬ Miˬyehˇ aˬ yawꞈ maꞈ-euˬ mehˬ hu iˇ-awˇ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ aˬ yawꞈ maꞈ-euˬ meh hu aˬ yawꞈ iˇ-eu laꞈ kʼoeˇ, aˬ yawꞈ maꞈ-ahˇ yaw shehꞈ bya nehˬ-euˬ meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Jaceuq 18:12

Aˬyawꞈmehˬshi mˬmyawꞈmyawꞈngeh, uˬyehˇaˇsiˬhawˇ-eu miˬjiˆ, mˬdmˇ-ahˇneh doˆle-eu meh.

Yeˬsaˬgeˬlaˇ 1:27

Tsawˇ haˬ-ahˇ duˇ-eu kʼoeˇ gʼaˬ miˬ dzaˬ gʼahˇ ceh guiˬ shuiˇ loꞈ-ehˇ guiˇ nyiˬ ni jaˆ-awˇ, dawˬ tawˆ luꞈ kʼoeˇ taˆ yaw shehꞈ bya-eu meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.