Haˬbaˬkuˆ 3:2 - Akha

² “Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Haˬbaˬkuˆ 3:2 Referans Kwoze

Jaceuq 85:6

Nga maꞈ-ahˇ gʼaˬ yaw shuiꞈ biꞈ nehˬ laꞈ. Nawˬ-euˬ tsawˇ haˬ pyeuꞈ-eu nga maꞈ nawˬ-ahˇ ja ceuˬ ma.

Ngoeˇ dawˬ 3:32

Tsawˇ haˬ zaˬ-ahˇ bi noeˬ shaˬ kʼawꞈ, aˬ yawꞈ gaˬ-eu gʼaˬ kʼaˆ luꞈ meh.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Piˇliˇpiˆ 1:6

Muiˬ-eu gaˇ heu hmˬ-ahˇ naw maꞈ laꞈ kʼoeˇ aˇ dahˬ beh le-euˬ gʼaˬ pyeuꞈ-eu Miˬyehˇ-aˬ, gaˇ heu hmˬ mˇ jiˇ-eu aˇ nah pyeuꞈ-eu Yeˬsuˇ Ka li zaꞈ le-eu Aˇ nah-ahˇ keuˆ ni mˇ daˆ gʼeh leꞈ tehꞈ-a lehˇ ngaˇ jah duˬ taˬ-euˬ ma.

Yeˬlaˬmiˇ 10:24

Sahˬpaˬ Miˬyehˇ-oˇ, nawˬ-euˬ tsawˇ jeuˬ-ahˇ mehˬ nehˬ tsoˆ nehˬ laꞈ-awˬ. Ehˇ kʼawꞈ, aˇ dzehˬ taˬ dzeuˇ nehˬ laꞈ. Nga maꞈ-ahˇ nawˇ nui ma pehˇ-awˇ kʼehˬ ngeh, aˇ saˬ saˬ-eu jeˬ taˬ bi keuˆ le laꞈ.

Iˇsaˬyaˇ 63:15

Mˬ taˆ jaˆ-awˇ yaw shehꞈ kʼahˬ sehˇ huiˬ-eu, muiˬ-eu shawˇ-eu nawˬ-euˬ nuiˇ duˬ kʼoeˇ taˆ nuiˇ-awˇ, nga maꞈ kʼoeˇ taˆ haw ka leꞈ-awˬ. Nawˇ nga maꞈ-ahˇ gʼawˬ shaˬ gaˬ-eu aˬ gaˇ jaˆ te. Nawˬ-euˬ baoˬ aˬ geu gaˇ jaˆ te. Nawˬ-eu gʼoeˇ-eu gaˬ-eu jeˬ aˬ geu tsahˇ jaˆ te. Nga maꞈ-ahˇ taˬ byehˇ dzeh nehˬ laꞈ.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Yoˇhaˬ 10:10

Smˇ kʼoeˬ tahˇ joe-aˬ, kʼoeˬ-eu, sehꞈ-eu, laˆ cawˆ-eu gʼaˇ duˬ oe-eu tehꞈ meh. Ngaˇ-aˬ, naw maꞈ dehꞈ-eu saꞈ laˇ za nya ni oe-euˬ ma. Dehꞈ-eu saꞈ laˇ kʼoeˇ-ahˇ naw maꞈ tiˬ byah tiˬ loꞈ za ni oe-euˬ ma.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

Zaˬkaˬliˇ 1:12

Kʼoeˇ ngeh, mahˬ yaw neˇ dziꞈ luꞈ-eu mˬ taˆ gʼaˬ kʼehˇ kʼoeˇ gʼaˬ ehˇ-eu, “Baoˬ huiˬ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ nui ma pehˇ luꞈ-eu shiꞈ tseˇ kʼoꞈ byah laˇ-euˬ meh. Aˬ yawꞈ maꞈ-ahˇ nawˇ gʼawˬ shaˬ maˬ gaˬ nehˬ ni aˇ myah keuˆ ni paˇ byehˇ taˬ-eu gʼeh te.”

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Iˇsaˬyaˇ 66:2

Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.

Jaceuq 38:1

SahˬpaˬMiˬyehˇnui ma pehˇ-awˇ, ngaˬ-ahˇtaˬkʼehˬtaˬkʼaˆnehˬlaꞈ. Nawˬ-euˬnui ma pehˇ-eu jeˬneh, nawˇngaˬ-ahˇtaˬlawˬhaw nehˬlaꞈ.

Eˇzaˬlaˬ 9:8

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nymˬ-mˇ tiˬ kʼehˬ tiˬ yamˬ laꞈ kʼoeˇ nawˇ nga maꞈ-ahˇ gʼawˬ shaˬ gaˬ nehˬ laꞈ-awˇ, nga maꞈ tiˬ paˆ na deuˬ-ahˇ aˬ cawˬ zaˬ kʼaˆ ya geuꞈ luꞈ gaˇ neh bi buˬ bi law-iˇ nehˬ laꞈ-eu laꞈ kʼoeˇ, muiˬ-eu shawˇ-eu jawˇ duˬ heu tsahˇ-ahˇ nui ma saˇ lehˆ ni bi jawˇ laꞈ-euˬ meh. Nga maꞈ aˬ cawˬ-euˬ zaˬ kʼaˆ geuꞈ geuꞈ-ehˇ jawˇ-euˬ kʼawꞈ, nawˇ nga maꞈ-ahˇ yaw shuiꞈ shuiꞈ-ehˇ paˇ bi dehꞈ laꞈ-euˬ meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Lormav 10:16

Ehˇ kʼawꞈ, tsawˇ haˬ yawˬ gʼaˬ na luꞈ Laˬ kʼaˬ cehˇ-eu Guiˬ lahˬ dawˬ-ahˇ ha geuꞈ-eu maˬ ngeuˇ-a. “Sahˬpaˬ Miˬyehˇ-oˇ, nga maꞈ neh mehˬ-euˬ dawˬ-ahˇ aˬ suˇ gʼaˬ naˇ haˬ geuꞈ-eu jawˇ nmˇ” lehˇ, Iˇsaˬyaˇ neh ehˇ-euˬ dawˬ jaˆ-eu meh.‘

Daˬyeˬlaˇ 9:2

Aˬ yawꞈ uˆ lahˇ-euˬ nyiˬ kʼoꞈ tiˬ kʼoꞈ-ahˇ, muiˬ-eu shawˇ-eu sahˬ boꞈ deuˬ-ahˇ ngaˇ gui-awˇ, Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ Sahˬpaˬ Miˬyehˇ neh ehˇ nehˬ-euˬ gaˇ kawˆ pyeuꞈ-eu, “Shiꞈ tseˇ kʼoꞈ byah ni Yeˬluˇsaˬlehˬ meuˬ yaw cawˆ-ehˇ jaˆ tehꞈ-a” lehˇ ehˇ taˬ-euˬ gaˇ kawˆ kʼoeˇ ngaˇ shaˇ noeˬ luꞈ-eu ma.

Iˇsaˬyaˇ 53:1

Miˇ kʼahˬ zaˬ deuˬ ehˇ-eu, “Gaˇ kawˆ heu nga maꞈ ja mehˬ gaˇ aˬ suˇ gʼaˬ jah coeˇ nmˇ. Heu-euˬ laꞈ kʼoeˇ Miˬyehˇ-euˬ aˬ laꞈ caw luꞈ-eu aˬ suˇ gʼaˬ mawˇ nya nmˇ.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

Daˬyeˬlaˇ 8:17

Gaˬbeˬlaˇ oe-awˇ ngaˬ-euˬ dawˬ peh yawꞈ le ngeh, ngaˇ guˆ dui dui-iˇ-awˇ, miˇ tsa coˬ dzeh-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ dawˬ tsuiꞈ siˬ nya-awˬ. Kʼoeˇ-aˬ, miˇ tsaˬ heu aˇ saˬ saˬ-eu gaˇ kawˆ-ahˇ taꞈ leˇ-eu meh.”

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.

Yawˇbaˆ 42:5

Dzeuˇ laˇ ngeh nawˬ-euˬ gaˇ kawˆ aˬ cawˬ ja gaˇ tehꞈ-ehˇ ngaˇ ya gaˬ haw-euˬ kʼawꞈ, nymˬ-mˇ ngaˬ-euˬ myaˆ nuiˆ neh nawˬ-ahˇ ya mawˇ duˬ-euˬ ma.

Jaceuq 71:20

Ngaˬ-euˬ kʼoeˇ taˆ shaˬ zahˬ naˇ gawˇ nawˇ bi keuˆ le-euˬ meh. Ehˇ kʼawꞈ, nawˇ ngaˬ-ahˇ gʼaˬ paˇ bi kʼoꞈ laˇ-awˇ, shiˇ-eu miˇ kʼahˬ-ahˇ maˬ ya keuˆ ni ka kʼoꞈ nehˬ laꞈ tehꞈ-a.

Yeˬlaˬmiˇ 10:7

Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬbaˬkuˆ 3:1

Heu-aˬ, Miˬyehˇ gʼaˇ duˬ ngehˬ dah-eu Haˬbaˬkuˆ neh guiˬ lahˬ shaˇ-euˬ dawˬ meh.

Jaceuq 25:6

SahˬpaˬMiˬyehˇngaˬ-euˬkʼoeˇtaˆ, aˇ hu ba neh bi jaˆtaˬ-euˬ, nawˇgʼawˬshaˬgaˬ-eu jeˬhawˇ-eu, nawˬ-euˬgʼoeˇ-eu gaˬ-eu jeˬ-ahˇ, maˬtsehˆleˇni noeˬkeuˆnehˬlaꞈ.