Haˬbaˬkuˆ 2:9 - Akha

⁹ Yawˬ ha nymˇ jiˇ smˇ muiˬ muiˬ ni, maˬ sui maˬ dawˇ gaˇ poˆ za-awˇ, guˆ-eu gaˆ-eu jeˬ-ahˇ dzeuˇ ni, yaw goˇ-ahˇ bahˬ sheu-euˬ tsawˇ haˬ, yaw kʼaˆ-ehˇ ya noeˬ shaˬ tehꞈ-a.

Haˬbaˬkuˆ 2:9 Referans Kwoze

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Aaˇbaˬdiˇ 1:4

Nawˬ-euˬ nymˇ kʼaˬ dzeˇ bahˬ loꞈ-ehˇ aˬ guiˇ yaw kaˬ-ahˇ jaˆ-eu kʼawꞈ, Nawˬ-ahˇ ngaˇ gʼeu ka nehˬ ma lehˇ, Ngaˇ Sahˬpaˬ Miˬyehˇ ehˇ-eu ma.

Iˇsaˬyaˇ 28:15

Shiˇ-eu jeˬ nehˬ-ehˇ naw maꞈ saˇ jaˇ dzaˬ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jaˆ ma lehˇ, naw maꞈ kʼahˬ sehˇ jehˆ luꞈ-eu meh. Jaˬ myawꞈ myawꞈ-awˇ mehˇ shuiˇ shuiˇ dzeuˇ nya-eu miˇ neh, guˆ-eu gaˆ-eu jeˬ keuˆ le ngeh uˬ kʼawˇ buˬ ma lehˇ, naw maꞈ noeˬ duˬ taˬ-euˬ jaˆ meh.

Jaceuq 52:7

“Yawˬ ha-euˬ pyuˇ shuiˇ myawˬ gahˬ-ahˇ nui kʼaˬ tsmˬ-awˇ, yaw haiˬ jeˬ-ahˇ gʼoe-awˇ yaw dehꞈ dehꞈ-eu, Miˬyehˇ-ahˇ maˬ gʼoe-eu tsawˇ haˬ teu gʼaˬ-ahˇ haw-awˬ” lehˇ ehˇ tehꞈ-a.

Jaceuq 49:11

Aˬ yawꞈ maꞈ deh ma baw-awˇ dehꞈ yaꞈ-euˬ kʼawꞈ, lmˬ bymˇ aˬ yawꞈ maꞈ-euˬ nymˇ pyeuꞈ-awˇ, mˬ maˬ maˬ byaˆ zaˇ ziˇ kʼoeˇ gaˇ ya jawˇ-eu meh.

Iˇsaˬyaˇ 5:8

Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Yeˬlaˬmiˇ 51:13

Miˇ kʼahˬ kʼoeˇ kʼahˬ lawˇ baˬ gʼawˬ mya gawˆ yoeˇ-awˇ, pyuˇ shuiˇ myawˬ gahˬ gʼawˬ mya ni jaˆ kʼawꞈ, aˬ yawꞈ-euˬ aˇ yamˬ jiˇ le-awˇ, shaꞈ gʼawˇ caˆ tsehˆ-iˇ-euˬ gaˇ duˇ-eu meh.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬlaˬmiˇ 17:11

Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.

Yeˬlaˬmiˇ 22:23

Leˬbaˬnoˬ gawˬ jawˬ-ahˇ shaˇ leˇ-euˬ, shuˬ liˇ neh tsoˆ-euˬ nymˇ laꞈ kʼoeˇ, naw maꞈ saˇ lehˆ ni dehꞈ luꞈ meh. Ehˇ kʼawꞈ, zaˬ baw aˬ ma-euˬ shaˬ zahˬ-ahˇ duˇ-eu, shaˬ zahˬ naw maꞈ-ahˇ zaw laˇ ngeh, naw maꞈ aˇ naˆ ni ya shaˬ nmˇ.

Yeˬlaˬmiˇ 51:53

Baˬbuˇloˬ meuˬ mˬ-ahˇ keuˆ ni daˆ keuˆ leˇ nya-awˇ, ziꞈ dui dui-eu taˆ tsoˆ leˇ nya kʼawꞈ, tsawˇ haˬ pyehˬ gʼeh-awˇ bi laˆ cawˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”