Haˬbaˬkuˆ 2:8 - Akha

⁸ Miˇ kʼahˬ tsawˇ jeuˬ gʼawˬ mya ni-ahˇ, nawˇ nawˬ dzaˬ kʼaˆ dzaˬ-euˬ miˇ neh, kʼaˇ buˬ kʼaˇ law-iˇ-euˬ kʼoeˇ deuˬ, nawˬ-ahˇ paˇ daˆ poˆ laˇ tehꞈ-a. Miˇ tsaˬ-ahˇ nawˇ yaw haiˬ mˇ-awˇ, tsawˇ haˬ shiˬ laˆ yoeˇ-euˬ miˇ neh, meuˬ deuˬ kʼoeˇ taˆ kʼaˆ myawˬ mˇ-awˇ, kʼaˆ dzaˇ dzaˬ-euˬ jaˆ-eu miˇ neh, nawˬ-ahˇ paˇ daˆ poˆ laˇ tehꞈ-a.

Haˬbaˬkuˆ 2:8 Referans Kwoze

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

Zaˬkaˬliˇ 14:12

Yeˬluˇsaˬlehˬ meuˬ-ahˇ guiˇ kʼaˇ deuˆ laˇ-euˬ miˇ kʼahˬ dawˬ tawˆ luꞈ kʼoeˇ taˆ, guˆ dui dui laˇ paˬ-ehˇ gʼeh-eu naˇ gawˇ Sahˬpaˬ Miˬyehˇ bi keuˆ le tehꞈ-a. Aˬ yawꞈ maꞈ yaw dehꞈ-ehˇ jawˇ luꞈ ngeh shaˬ jiˇ buꞈ shoˆ jiˇ-awˇ, myaˆ nuiˆ hawˇ-eu mehˬ laˇ buꞈ-iˇ tehꞈ-a.

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.

Haˬbaˬkuˆ 2:10

Aˬ cawˬ-ahˇ nawˇ yaw doeˇ jahˇ-eu, nawˬ-euˬ nymˇ jiˇ myaˆ pyawˬ cawˆ-awˇ, nawˬ-euˬ uˬ kʼawˇ deuˬ laˇ tehꞈ-a.

Yeˬlaˬmiˇ 51:48

Laꞈ taˆ paw pyawˬ-ahˇ neh oe-awˇ laˆ cawˆ le-euˬ deuˬ-euˬ laꞈ-ahˇ Baˬbuˇloˬ miˇ kʼahˬ cawˆ-iˇ ngeh, mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ, laˬ kʼaˬ cehˇ-awˇ guˇ tehꞈ-a.

Yeˬlaˬmiˇ 51:44

Baˬbuˇloˬ miˇ kʼahˬ-euˬ Beˇleˇ miˬ yehˇ-ahˇ ngaˇ kʼehˬ nehˬ-awˇ, aˬ yawꞈ neh kʼoeˬ uiˬ taˬ-euˬ myawˬ gahˬ deuˬ bi smˬ-iˇ jiˇ ma. Tsawˇ jeuˬ tiˬ jeuˬ-iˬ aˬ yawꞈ-ahˇ uˬ duˬ maˬ tahˬ ni pyeuꞈ-iˇ tehꞈ-a. “Baˬbuˇloˬ meuˬ lahˇ byaˆ-iˇ-euˬ meh.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Yeˬlaˬmiˇ 51:13

Miˇ kʼahˬ kʼoeˇ kʼahˬ lawˇ baˬ gʼawˬ mya gawˆ yoeˇ-awˇ, pyuˇ shuiˇ myawˬ gahˬ gʼawˬ mya ni jaˆ kʼawꞈ, aˬ yawꞈ-euˬ aˇ yamˬ jiˇ le-awˇ, shaꞈ gʼawˇ caˆ tsehˆ-iˇ-euˬ gaˇ duˇ-eu meh.

Yeˬlaˬmiˇ 51:8

Baˬbuˇloˬ meuˬ ja pyuˬ ni coˬ-iˇ-awˇ bi laˆ cawˆ-euˬ meh. Tsawˇ ngoeˇ ngoeˇ nehˬ-awˬ. Maˇ kʼehˬ maˇ naˇ-ahˇ jaˆ gʼaˬ dawˆ nehˬ haw sheˇ. Taˬ leˇ nya-eu baw le.

Yeˬlaˬmiˇ 50:37

Mahˬ deuˬ hawˇ-eu mahˬ laˆ lawˬ deuˬ kʼoeˇ taˆ maˬ ehˇ, aˬ yawꞈ neh kuˇ taˬ-euˬ aˬ cawˬ-euˬ yehˇ deuˬ-ahˇ maˬ ehˇ, mi cehˇ bi keuˆ le-awˇ, zaˬ miˬ zaˬ bi pyeuꞈ jiˇ luꞈ-uˇ. Pyuˇ shuiˇ myawˬ gahˬ kʼoeˇ taˆ mi cehˇ bi keuˆ le-awˇ, bi yuˇ geuꞈ jiˇ luꞈ-uˇ.

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 30:16

Ehˇ kʼawꞈ, naw maꞈ-ahˇ kawꞈ dzaˬ-euˬ tsawˇ haˬ kʼoeˇ deuˬ, aˬ cawˬ neh kawꞈ dzaˬ gaˇ paˇ ya daˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a. Naw maꞈ-ahˇ kʼaˇ kʼaˆ dzaˬ-euˬ tsawˇ haˬ, aˬ cawˬ neh kʼaˆ dzaˬ gaˇ ya daˬ-awˇ, naw maꞈ-euˬ mˇ myawˬ-ahˇ ceh geuꞈ-euˬ deuˬ, aˬ cawˬ neh mˇ myawˬ bi ceh geuꞈ tehꞈ-a.

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

Iˇsaˬyaˇ 33:4

Miˇ kʼahˬ tsawˇ jeuˬ deuˬ-oˇ, naw maꞈ-euˬ myawˬ gahˬ bi yaˆ uiˬ jiˇ-awˇ, nyehˇ bahˇ teuˆ-eu loꞈ-ehˇ tsawˬ nawˬ bi nawˬ tehꞈ-a.

Jaceuq 137:8

Baˬbuˇloˬ meuˬ-oˇ, nawˇ ya luˬ ya seˇ-iˇ tehꞈ-a. Nawˬ neh nga maꞈ-ahˇ jahˇ nehˬ laꞈ-euˬ loꞈ-ehˇ, nawˬ-ahˇ paˇ jahˇ kʼoꞈ nehˬ-eu tsawˇ haˬ guiˬ lahˬ huiˬ tehꞈ-a.

Yeˬlaˬmiˇ 50:14

“Kaˆ baꞈ-awˇ guiˇ deuˆ-eu deuˬ-oˇ, Baˬbuˇloˬ meuˬ-ahˇ deuˆ-eu gʼaˇ duˬ guiˇ daˬ daˬ-awˇ loꞈ jawˬ-awˬ. Naw maꞈ-euˬ kaˆ myaˬ dawˬ tawˆ luꞈ, Baˬbuˇloˬ meuˬ-ahˇ beuˆ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ mˇ lehˬ-euˬ meh.

Yeˬsaˬgeˬlaˇ 28:16

Jeˬ gaꞈ jeˬ ka gʼeh nya laˇ ngeh, yaw haiˬ hawˇ-eu iˬ baˇ mˇ-awˇ, Miˬyehˇ gawˬ jawˬ yaw shawˇ kʼoeˇ taˆ, nawˬ-ahˇ ngaˬ neh teh dzeh-euˬ ma. Yaw shehꞈ bya-eu sehˇ deuˬ gʼahˇ ceh, Jeˬluˇbeˬ nawˬ-ahˇ teh-euˬ meh.

Yeˬsaˬgeˬlaˇ 39:10

Aˬ yawꞈ maꞈ deh ga-ahˇ miˬ dzaˬ gʼoˆ-eu maˬ loˬ-ehˇ, sahˬ kʼaˆ-ahˇ aˇ bawˇ tuˇ-awˇ miˬ dzaˬ kʼehꞈ-eu maˬ loˬ-a. Aˬ jeˬ miˇ neh ehˇ naˇ, miˬ dzaˬ doꞈ-eu gʼaˇ duˬ byehˇ dzeh taˬ-euˬ guiˇ deuˆ-eu keu ka deuˬ ga-eu meh. Aˬ yawꞈ maꞈ-ahˇ pyuˇ shuiˇ myawˬ gahˬ ceh geuꞈ laˇ-euˬ tsawˇ haˬ deuˬ-euˬ pyuˇ shuiˇ myawˬ gahˬ deuˬ, aˬ yawꞈ maꞈ paˇ ya ceh geuꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Aˬmoˆ 3:10

Sahˬpaˬ Miˬyehˇ ehˇ-eu, “Tsawˇ haˬ heu deuˬ-aˬ, aˬ yawꞈ maꞈ-euˬ kuˆ lawˆ-ahˇ maˬ tsaˬ maˬ dawˇ-eu laꞈ kʼoeˇ ceh geuꞈ kʼaˆ geuꞈ taˬ-euˬ myawˬ gahˬ deuˬ baꞈ byah taˬ-euˬ meh. Yaw sui yaw dawˇ dawˇ-ehˇ dehꞈ-eu gaˇ kawˆ aˬ yawꞈ maꞈ maˬ siˬ nya-a.

Aaˇbaˬdiˇ 1:15

“Miˇ tsaˬ tsawˇ jeuˬ dawˬ tawˆ luꞈ-ahˇ, Sahˬpaˬ Miˬyehˇ yaˇ kʼaˬ daˇ-eu aˇ nah dawˬ peh peh laˇ luꞈ meh. Eˬdoˬ miˇ kʼahˬ nawˇ mˇ-euˬ jeˬ, nawˬ-euˬ kʼoeˇ taˆ keuˆ le tehꞈ-a. Nawˬ neh aˬ cawˬ-ahˇ biꞈ-euˬ jeˬ, nawˬ-ahˇ aˬ cawˬ biꞈ kʼoꞈ tehꞈ-a.

Dawqdaq 22:23

Sahˬpaˬ Miˬyehˇ aˬ yawꞈ maꞈ jawˇ paw pyawˬ-awˇ, aˬ yawꞈ maꞈ-ahˇ laˆ shaˬ-eu tsawˇ haˬ uˬ kʼawˇ deuˬ ni jahˇ kʼoꞈ nehˬ tehꞈ-a. -2-