Haˬbaˬkuˆ 2:7 - Akha

⁷ Nawˬ-ahˇ dziˇ dzoˆ poˆ kʼoꞈ-eu deuˬ, ja pyuˬ ni tsawˬ tuˇ laˇ jiˇ-awˇ, nawˇ yaw dzuˬ gah ni ya guˆ-eu, nawˬ-ahˇ muiˇ-eu deuˬ noeˬ laˇ ngeh, aˬ cawˬ yaw haiˬ mˇ poˆ laˇ gaˇ, nawˇ ya daˬ-eu yaw duˬ baw meh.

Haˬbaˬkuˆ 2:7 Referans Kwoze

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬlaˬmiˇ 8:17

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Doꞈ kʼaˆ-eu aˇ lawˇ-ahˇ, naw maꞈ jawˇ gaˇ ngaˇ pyehˬ leꞈ ma. Aˇ lawˇ-ahˇ toˇ naˬ nya-eu deuˬ toˇ gaˇ maˬ naˇ haˬ-ehˇ, aˇ lawˇ kʼoeˇ deuˬ naw maꞈ-ahˇ toˆ tehꞈ-a.”

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Iˇsaˬyaˇ 46:11

Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ ngaˇ kuˇ luꞈ ma. Kʼaˬ dzeˇ loꞈ-ehˇ aˬ yawꞈ byoeˇ ka leꞈ-awˇ, ngaˬ neh lehˬ hmˬ-euˬ jeˬ mˇ byah tehꞈ-a. Gaˇ kawˆ heu deuˬ dawˬ tawˆ luꞈ bi pyeuꞈ laˇ ma lehˇ, ngaˬ neh ehˇ taˬ-euˬ jaˆ-eu ma.

Iˇsaˬyaˇ 41:25

“Nahˇ ma doˆ kʼehˬ paw jawˇ-eu tsawˇ haˬ tiˬ gʼaˬ-ahˇ, ngaˇ tseˇ doˆ taˬ-euˬ ma. Aˬ yawꞈ-ahˇ ngaˇ sheuˬ keuˆ laꞈ-awˇ, laꞈ taˆ paw neh guiˇ bi deuˆ ka leꞈ ma. Oeˬ lahˬ tehˆ-eu tsawˇ haˬ shaˬ jehˆ nawˬ-eu loꞈ-ehˇ, miˇ kʼahˬ sahˬ paˬ deuˬ-ahˇ aˬ yawꞈ nawˬ pahˬ tehꞈ-a.

Dawˬ tsoˆ 10:8

Duˬ kʼahˬ kʼahˬ-eu tsawˇ haˬ duˬ kʼahˬ-ahˇ ya ga ahˇ-awˇ, kaˇ pyawˇ tahˬ paˆ doˆ-eu tsawˇ haˬ aˇ lawˇ bi toˆ tehꞈ-a.

Iˇsaˬyaˇ 11:13

Iˇsaˬleˬlaˆ miˇ kʼahˬ Yuˇdaˆ miˇ kʼahˬ-ahˇ myaˆ maˬ paˇ naˆ-ehˇ, Yuˇdaˆ miˇ kʼahˬ Iˇsaˬleˬlaˆ miˇ kʼahˬ-ahˇ muiˇ-eu nui ma byoˆ-iˇ tehꞈ-a.