Haˬbaˬkuˆ 2:4 - Akha

⁴ Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”

Haˬbaˬkuˆ 2:4 Referans Kwoze

Lormav 1:17

Tsawˇ haˬ zaˬ aˬ yawꞈ-ahˇ tsaˬ laˇ tsahˇ laˇ ni Miˬyehˇ aˬ joˆ-ehˇ jahˇ-eu gaˇ kawˆ, La kʼaˬ cehˇ-eu Guiˬ lahˬ dawˬ laꞈ kʼoeˇ pah mehˬ taˬ-euˬ meh. Miˬyehˇ neh kʼaˇ mˇ-euˬ jeˬ dawˬ tawˆ luꞈ, tsawˇ haˬ zaˬ jah-eu baˬ da neh tehꞈ-ehˇ keuˆ le nya-eu meh. “Jah-eu miˇ neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ-aˬ, saꞈ laˇ dehꞈ-eu jeˬ za tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

HeˬByehˇ 10:38

Ehˇ kʼawꞈ tsaˬ-eu dawˇ-eu tsawˇ haˬ, jah-eu baˬ da neh dehꞈ tehꞈ-a. Aˬ yawꞈ ngaˬ-ahˇ byehˇ dzeh laꞈ naˇ, aˬ yawꞈ-ahˇ ngaˇ nui kʼahˇ maˬ shiˇ.”

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Luˇkaꞈ 18:14

Ngaˇ naw maꞈ-ahˇ ehˇ nehˬ nyaˇ. Kawˬ taꞈ-eu tsawˇ haˬ kʼoeˇ gʼaˬ gʼoꞈ ka-iˇ ngeh, Paˬliˬsehˇ kʼoeˇ gʼaˬ naˆ maˬ tseˇ Miˬyehˇ mehˬ shi guiˬ lahˬ za dzehˬ-awˇ, tsaˬ dzehˬ dawˇ dzehˬ-eu tsawˇ haˬ pyeuꞈ laˇ-euˬ meh. Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ-aˬ, aˬ cawˬ taˬ huiˬ nehˬ-eu jeˬ-ahˇ za tehꞈ-a.”

Daˬyeˬlaˇ 4:37

“Nymˬ-mˇ poˆ jawˇ, ngaˇ Neˬbuˬkaˬneˬzaˬ-aˬ, mˬ taˆ Sahˬ paˬ-ahˇ ja ceuˬ-awˇ taˬ huiˬ-eu uˬ taꞈ, ciˬ huiˬ ciˬ mahˇ dui dui-eu ma. Aˬ yawꞈ neh kʼaˇ mˇ kʼaˇ shaˇ-euˬ jeˬ tsaˬ dui dawˇ dui dui-awˇ, nui ma huiˬ-eu mahˇ-eu tsawˇ haˬ-ahˇ aˬ yawꞈ zuiˆ gʼaˬ nya-eu meh.”

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

Daˬyeˬlaˇ 4:30

“Haw sheˇ, Baˬbuˇloˬ meuˬ heu aˇ naˆ ni huiˬ-eu mahˇ-eu meuˬ nga. Ngaˬ-euˬ baoˬ hawˇ-eu ngaˬ-euˬ yaw shehꞈ kʼahˬ sehˇ bi doˆ laˇ-eu gʼaˇ duˬ, sahˬ paˬ jawˇ-eu meuˬ pyeuꞈ laˇ ni, ngaˬ neh tsoˆ-euˬ ma” lehˇ aˬ yawꞈ ehˇ-eu meh.

Jaceuq 49:18

Tsawˇ haˬ tiˬ gʼaˬ heu ziˇ laꞈ kʼoeˇ nui kʼahˇ shiˇ duˬ byah-awˇ, dehꞈ bym nya-eu miˇ neh aˬ cawˬ ja ceuˬ nehˬ kʼawꞈ,

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Daˬyeˬlaˇ 11:12

Aˬ yawꞈ guiˇ deuˆ gʼaˬ-euˬ gaˇ kawˆ hawˇ-eu, aˬ yawꞈ neh yehˇ gʼawˬ mya ni deuˆ sehꞈ-euˬ gaˇ kawˆ, aˬ yawꞈ kʼahˬ sehˇ jehˆ tehꞈ-a. Ehˇ kʼawꞈ, aˬ yawꞈ aˬ myah luꞈ kʼoeˇ loꞈ-ehˇ tehꞈ-ehˇ maˬ deuˆ gʼaˬ nya ni pyeuꞈ laˇ tehꞈ-a.