Haˬbaˬkuˆ 2:1 - Akha

¹ Ngaˬ neh ehˇ-euˬ dawˬ kʼoeˇ deuˬ-ahˇ, Sahˬpaˬ Miˬyehˇ ehˇ kʼoꞈ leꞈ gaˇ, nymˇ goˇ uˬ du ngaˇ loꞈ leˇ-awˇ, dawˬ tmˇ mˇ-eu shaˇ sawˇ leˇ ma.

Haˬbaˬkuˆ 2:1 Referans Kwoze

Iˇsaˬyaˇ 21:8

Loꞈ-eu tsawˇ haˬ kʼoeˇ gʼaˬ guˇ-eu, “Sahˬ paˬ-oˇ, uˬ ciꞈ nah gʼahˇ maˬ ehˇ, maˬ byehˇ ni ngaˇ loꞈ-eu ma.”

Iˇsaˬyaˇ 62:6

Yeˬluˇsaˬlehˬ meuˬ-oˇ, nawˬ-euˬ meuˬ lahˇ kʼoeˇ taˆ, meuˬ-ahˇ loꞈ piˇ-eu tsawˇ haˬ ngaˇ pyehˬ taˬ-eu ma. Uˬ ciꞈ nah gʼahˇ maˬ ehˇ aˬ yawꞈ maꞈ ciˬ cuˇ ni maˬ ya jawˇ-ehˇ, Sahˬpaˬ Miˬyehˇ aˬ yawꞈ-euˬ saˇ jaˇ-ahˇ maˬ ya ngehˇ ni, maˬ naˬ leˇ ni ya ehˇ noeˬ nehˬ-eu meh.

2 Saˬmeuˬlaˆ 18:24

Meuˬ-euˬ lahˇ kʼehˬ laꞈ kʼoeˇ tiˆ hawˇ-eu laꞈ nyiˇ tiˆ yaw kaˬ-ahˇ Daˬbiˇ nuiˇ luꞈ-eu meh. Meuˬ-euˬ lahˇ kʼehˬ-ahˇ loꞈ-eu gʼaˬ meuˬ meuˬ lahˇ kʼoeˇ taˆ daˆ laˇ-awˇ, lahˇ kʼehˬ-euˬ nymˇ mˬ kʼoeˇ taˆ yawꞈ luꞈ-eu meh. Aˬ yawꞈ haw gʼeh-iˬ ngeh, tsawˇ haˬ tiˬ gʼaˬ tehꞈ-ehˇ cehˆ laꞈ luꞈ gaˇ ya mawˇ-euˬ meh.

Jaceuq 85:8

Sahˬpaˬ Miˬyehˇ pyeuꞈ-eu Miˬyehˇ dawˬ ngehˬ gaˇ ngaˇ naˇ haˬ luꞈ-eu ma. Nui ma laꞈ kʼoeˇ keuˆ ni noeˬ poˆ noeˬ paˇ-euˬ aˬ yawꞈ-euˬ tsawˇ haˬ pyeuꞈ-eu nga maꞈ-ahˇ, nui saˇ bi za-eu dawˬ ngehˬ nehˬ laꞈ tehꞈ-a.

Jaceuq 5:3

Sahˬpaˬ Miˬyehˇ-oˇ, uˬ shawˬ paw, ngaˬ-euˬ dawˬ-ahˇ nawˇgaˬluꞈmeh. Nahˇma doˆngeh nawˬ-ahˇ lawˇ-awˇ, nawˬ-euˬdawˬ-ahˇ loꞈluꞈ-eu ma.

2 Gawˇliˬtu 13:3

Ngaˬ-ahˇ gʼoe-awˇ Ka li dawˬ ngehˬ-eu gaˇ kawˆ naw maꞈ siˬ mawꞈ-eu loꞈ-ehˇ ya siˬ ya mawˇ duˬ tehꞈ-a. Naw maꞈ-euˬ gaˇ kawˆ-ahˇ taꞈ leˇ-awˇ aˬ yawꞈ nahˬ jawˆ ni gʼeh-eu maˬ ngeuˇ-a. Aˬ yawꞈ-euˬ baoˬ naw maꞈ-ahˇ bi mawˇ-eu meh.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yawˇbaˆ 31:37

Ngaˬ neh kʼaˇ mˇ kʼaˇ shaˇ-euˬ yawˬ jeˬ na luꞈ Miˬyehˇ-ahˇ ngaˇ dzawˇ nehˬ-awˇ, aˬ yawꞈ-euˬ mehˬ shi ngaˬ-euˬ uˬ duˬ mˇ jeh haw nehˬ ma.

2 Sahˬpaˬ 9:17

Yeˬhuˇ hawˇ-eu aˬ yawꞈ-euˬ tsawˇ haˬ oe luꞈ gaˇ, Yeˬzaˬleˬlaˇ meuˬ-ahˇ loꞈ-eu gʼaˬ ya mawˇ ngeh, “Tsawˇ haˬ tiˬ deuˬ oe luꞈ nga” lehˇ guˇ-eu meh. Kʼoeˇ ngeh, “Mahˬ dziˬ luꞈ-eu tsawˇ haˬ tiˬ gʼaˬ pyehˬ gʼeh-awˇ, yaw muiˬ oe-eu nga loˇ, yaw doeˇ oe-eu nga loˇ lehˇ, bi pyehˆ tseˇ haw-iˇ-awˬ” lehˇ Yoˇlamˬ ehˇ-eu meh.

Gaˬlaˬtiˆ 1:16

Aˬ yawꞈ-euˬ gaˇ kawˆ Yuˇdaˆ tsawˇ haˬ deuˬ-ahˇ bi mehˬ-eu gʼaˇ duˬ, aˬ yawꞈ-euˬ Zaˬmaˇ neh ngaˬ-ahˇ pah mehˬ nehˬ laꞈ-euˬ meh. Tsawˇ haˬ zaˬ tiˬ gʼaˬ-ahˇ-iˬ, ngaˇ nui noeˬ nui duˇ maˬ shaˇ haw-aˬ.

Iˇsaˬyaˇ 21:5

Hawˬ jeh shaˇ dahˇ taˬ-awˇ, saˬ paˇ gawˬ pu kʼawˬ-awˇ, aˬ yawꞈ maꞈ dzaˬ luꞈ dawˇ luꞈ ngeh, heu loꞈ-ehˇ gaˬ keuˆ le-eu meh. “Yaw huiˬ yaw mahˇ deuˬ-oˇ, guiˇ deuˆ-eu gʼaˇ duˬ dehˬ daˬ duˬ lehˬ hmˬ-awˬ.”

Yawˇbaˆ 31:35

Ngaˇ dawˬ ngehˬ gaˇ tiˬ gʼaˬ-iˬ maˬ naˇ haˬ-a loˇ. Yawˬ dawˬ na luꞈ tsaˬ ma lehˇ ngaˇ kamˬ peuˬ ma. Baoˬ huiˬ-eu Miˬyehˇ ngaˬ-ahˇ ngehˬ cawˬ le luꞈ-uˇ. Ngaˬ-euˬ yaw lehˬ jeˬ-ahˇ toeˬ mehˬ-eu deuˬ neh ngehˬ-euˬ dawˬ-ahˇ ngaˇ mawˇ nya ni boꞈ doˆ taˬ law nmˇ-aˬ,

2 Sahˬpaˬ 17:9

Sahˬpaˬ Miˬyehˇ nui ma maˬ tsaˬ-eu jeˬ aˬ yawꞈ maꞈ mˇ-awˇ, pu pu zaˬ tiˬ pu-ahˇ neh meuˬ meuˬ ma tiˬ meuˬ-ahˇ keuˆ ni, yawˬ gaˇ na luꞈ lawˇ ciꞈ zaˬ uˬ duˬ tahˬ-eu jawˇ duˬ bi jaˆ-euˬ meh.

Yeˬlaˬmiˇ 6:17

Kʼoeˇ naˇ, daˇ heh teˇ saˇ bi naˇ haˬ-eu gʼaˇ duˬ, meuˬ-ahˇ loꞈ-eu tsawˇ haˬ Sahˬpaˬ Miˬyehˇ tseˇ doˆ nehˬ kʼawꞈ, “Maˬ naˇ haˬ” lehˇ aˬ yawꞈ maꞈ ehˇ-eu meh.

Yeˬsaˬgeˬlaˇ 3:17

“Tsawˇ haˬ zaˬ-oˇ, ngaˇ nawˬ-ahˇ Iˇsaˬleˬlaˆ tsawˇ jeuˬ-ahˇ haw-eu gʼaˬ bi geuꞈ ma. Aˬ yawꞈ maꞈ nui ma paˇ laˇ ni ngaˬ neh mehˬ-euˬ dawˬ deuˬ aˬ yawꞈ maꞈ-ahˇ nawˇ ya biꞈ meh.

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Jaceuq 85:9

Aˬ yawꞈ-ahˇ taˬ huiˬ taˬ mahˇ-eu tsawˇ haˬ deuˬ-ahˇ aˬ diˇ aˬ maˇ ka kʼoꞈ nehˬ-awˇ, ka kʼoꞈ-eu guiˬ lahˬ yaw dzahˇ aˬ dui-euˬ miˇ kʼahˬ heu kʼoeˇ taˆ jaˆ tehꞈ-a.

Iˇsaˬyaˇ 21:6

Sahˬpaˬ Miˬyehˇ ngaˬ-ahˇ ehˇ-eu, “Loꞈ-eu tsawˇ haˬ-ahˇ pyehˬ gʼeh-awˇ, kʼaˇ ya mawˇ-eu jeˬ bi tsaꞈ gaˬ laˇ-awˬ.

Yeˬsaˬgeˬlaˇ 33:7

“Tsawˇ haˬ zaˬ-oˇ, nymˬ-mˇ ngaˇ nawˬ-ahˇ Iˇsaˬleˬlaˆ miˇ kʼahˬ-ahˇ loꞈ piˇ-eu gʼaˬ bi geuꞈ-eu ma. Ngaˬ-euˬ kʼaˬ meh-ahˇ kʼaˇ doˆ le-euˬ dawˬ deuˬ, aˬ yawꞈ maꞈ-ahˇ nawˇ ya dzawˇ gaˬ nehˬ meh.