Haˬbaˬkuˆ 1:8 - Akha

⁸ “Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.

Haˬbaˬkuˆ 1:8 Referans Kwoze

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Yeˬsaˬgeˬlaˇ 17:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ heu loꞈ-ehˇ ehˇ-eu gaˇ kawˆ bi siˬ-awˬ. Muiˬ dui dui-eu caꞈ hm tsoꞈ-awˇ, aˬ dahˇ mahˇ dui dui-eu kʼaˬ dzeˇ dzeˇ ma tiˬ mawˇ jawˇ-eu meh. Leˬbaˬnoˬ gawˬ jawˬ-ahˇ aˬ yawꞈ zaw gʼeh-awˇ, shuˬ liˇ aˇ bawˇ-euˬ uˬ dzo toˆ tsehˆ-euˬ meh.

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

Luˇkaꞈ 17:37

Zaˬ lahˇ deuˬ Yeˬsuˇ-ahˇ naˇ haˬ-eu, “Sahˬpaˬ-oˇ, kʼoeˇ loꞈ-ehˇ aˬ geu gaˇ pyeuꞈ laˇ ta.” Yeˬsuˇ ehˇ-eu, “Shiˇ taˬ-euˬ gʼawˇ mawˇ kʼaˇ ga gaˇ, jeˬ shiˇ kʼaˬ dzeˇ uiˬ tehꞈ-a.”

Maꞈtehˬ 24:28

“Tsawˇ shiˇ kʼaˇ ga gaˇ kʼaˬ dzeˇ jeˬ shiˇ uiˬ le tehꞈ-a.

Yeˬsaˬgeˬlaˇ 17:12

“Yaw jeˬ ma jeˬ kʼoeˇ-euˬ gaˇ kawˆ dawˬ tsuiꞈ siˬ nya ma loˇ lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ naˇ haˬ-iˬ sheˇ. Baˬbuˇloˬ sahˬpaˬ Yeˬluˇsaˬlehˬ meuˬ-ahˇ oe-awˇ, Yuˇdaˆ sahˬpaˬ hawˇ-eu gaˇ mˇ-eu yaw huiˬ yaw mahˇ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Ngoeˇ dawˬ 4:19

Nga maꞈ-euˬ mehˬ nah teh-eu deuˬ, mˬ taˆ kʼaˬ dzeˇ maˬ tseˇ kawˇ-awˇ, gawˬ jawˬ kʼoeˇ taˆ teh ka leꞈ-awˇ, bawˇ tsahˬ-ahˇ jawˇ-awˇ loꞈ luꞈ meh.

Yawˇbaˆ 9:26

Ngaˬ-euˬ aˇ nah aˇ yamˬ, lawˬ heu-eu naˆ maˬ tseˇ kawˇ-awˇ, lahˬ-ahˇ tsuˆ-eu lehˇ ga le-eu kʼaˬ dzeˇ naˆ ni kawˇ-eu meh.

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Yeˬlaˬmiˇ 48:40

Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, Mawˇbaˆ miˇ kʼahˬ kʼoeˇ taˆ tsawˇ jeuˬ tiˬ jeuˬ ga dawꞈ le tehꞈ-a.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬsaˬgeˬlaˇ 26:11

Meuˬ laꞈ kʼoeˇ jaˆ-eu gaˇ ma doe ni, mahˬ dziˬ-eu yehˇ deuˬ mahˬ pyehˬ pyehˬ-awˇ, nawˬ-euˬ tsawˇ haˬ-ahˇ mi cehˇ coeˇ sehꞈ tehꞈ-a. Ziꞈ dah ni gʼeh-eu nawˬ-euˬ kʼawˇ zeuˇ zeuˇ ma deuˬ, miˇ tsa coˬ dzeh-awˇ ga tehꞈ-a.

Naˬhmˬ 2:5

Yaw huiˬ yaw mahˇ geuꞈ-eu deuˬ-ahˇ, dawˬ biꞈ-awˇ mehˬ hu bi le ngeh, sahˬ tiꞈ tiꞈ-awˇ pehˆ toˆ-euˬ meh. Meuˬ lahˇ jaˆ gaˇ coeˬ keuˆ gʼeh-awˇ, awˆ byaˆ duˬ ciˬ daˬ taˬ-euˬ meh.