Haˬbaˬkuˆ 1:6 - Akha

⁶ Haiˬ dui jawꞈ dui gʼeh dui dui-eu, Baˬbuˇloˬ tsawˇ jeuˬ kʼoeˇ jeuˬ-ahˇ, ciˬ tuˇ-awˇ baoˬ biꞈ-eu laꞈ kʼoeˇ, mˬ dzeˇ miˇ dzeˇ doˆ ni coeˬ-awˇ, aˬ cawˬ miˇ kʼahˬ ceh geuꞈ tehꞈ-a.

Haˬbaˬkuˆ 1:6 Referans Kwoze

2 Sahˬpaˬ 24:2

Sahˬpaˬ Miˬyehˇ neh aˬ yawꞈ-euˬ zaˬ kʼaˆ pyeuꞈ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-awˇ ehˇ taˬ-euˬ loꞈ-ehˇ, Yuˇdaˆ miˇ kʼahˬ-ahˇ bi laˆ cawˆ-eu gʼaˇ duˬ, Baˬbuˇloˬ guiˇ maꞈ, Suˇliˆ guiˇ maꞈ, Mawˇbaˆ guiˇ maꞈ, Aˬmoˬ guiˇ maꞈ heu deuˬ-ahˇ, Yeˬhawˇyaˬkmˬ jawˇ gaˇ pyehˬ gʼeh leꞈ-euˬ meh.

Yeˬlaˬmiˇ 5:15

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ guiˇ bi deuˆ le-eu gʼaˇ duˬ, naw maꞈ-ahˇ dawˬ maˬ duˇ leˇ-eu, aˇ hu ba neh ziꞈ luꞈ-eu tsawˇ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ sheuˬ leꞈ tehꞈ-a.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Iˇsaˬyaˇ 23:13

Duˇlu meuˬ-ahˇ bawˇ tsahˬ jeˬ zaˬ byah ni jahˇ-euˬ-aˬ, Aˬshuˇliˆ tsawˇ haˬ deuˬ maˬ ngeuˇ-a. Baˬbuˇloˬ tsawˇ haˬ deuˬ meh. Baˬbuˇloˬ tsawˇ haˬ deuˬ meuˬ-ahˇ deuˆ-eu nymˇ goˇ tsoˆ-awˇ, ziꞈ dah ni gʼeh-eu meuˬ deh pyaˆ jiˇ-awˇ, yaw cawˆ-ehˇ byehˇ dzeh yaꞈ-euˬ meh.

Yeˬlaˬmiˇ 21:4

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Zeˬdaˬkiˇ-ahˇ bi tsaꞈ kʼoꞈ leˇ-euˬ ma. “Zeˬdaˬkiˇ-oˇ, Baˬbuˇloˬ sahˬ paˬ hawˇ-eu aˬ yawꞈ-euˬ guiˇ maꞈ nehˬ-ehˇ guiˇ deuˆ luꞈ-eu nawˬ-euˬ guiˇ maꞈ-ahˇ ngaˇ bi smˬ-iˇ ma. Nawˬ-euˬ yehˇ deuˬ-euˬ guiˇ deuˆ-eu keu ka deuˬ-ahˇ, meuˬ-euˬ gʼahˇ ceh ngaˇ gʼoˆ bymˇ ma.

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

Yeˬlaˬmiˇ 4:6

Ziˇoˬ meuˬ-ahˇ le-eu gaˇ ma toeˬ mehˬ nehˬ-awˬ. Maˬ nyi naˬ ni cehˆ dui dui-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh Sahˬpaˬ Miˬyehˇ pyehˬ gʼeh leꞈ meh.

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

2 Laˬsaˬbaˬ 36:6

Baˬbuˇloˬ sahˬ paˬ Neˬbuˬkaˬneˬzaˬ gʼaˬ Yuˇdaˆ miˇ kʼahˬ-ahˇ uˇ le-awˇ, Yeˬhawˇyaˬkmˬ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 4:11

Kʼaˇ shuiꞈ deh ga paw neh lahˇ dui dui-eu jaˬ lehˇ baw gʼeh leꞈ luꞈ meh lehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ya ehˇ nehˬ-eu aˇ yamˬ keuˆ laˇ-euˬ meh. Jaˬ lehˇ kʼoeˇ-aˬ, jaˆ guˆ jaˆ meuꞈ deuˬ-ahˇ baw dzeh-eu jaˬ lehˇ naˆ ni tehꞈ-ehˇ kʼaˆ-eu maˬ ngeuˇ-a.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Yeˬlaˬmiˇ 13:20

Yeˬluˇsaˬlehˬ meuˬ-oˇ haw-awˬ. Nawˬ-ahˇ muiˇ-eu deuˬ laꞈ taˆ paw neh oe luꞈ meh. Nawˬ-ahˇ a nehˬ-awˇ bi haw-euˬ tsawˇ haˬ pyeuꞈ-eu, nawˇ kʼahˬ sehˇ jehˆ luꞈ-eu tsawˇ haˬ kʼoeˇ deuˬ aˬ lehˬ.

Yeˬlaˬmiˇ 21:7

Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ gawˇ, heu deuˬ-ahˇ kʼaˇ dzeuˇ-iˇ-euˬ tsawˇ haˬ deuˬ-ahˇ maˬ ehˇ, sahˬ paˬ Neˬbuˬkaˬneˬzaˬ hawˇ-eu naw maꞈ-ahˇ sehꞈ mawꞈ-euˬ muiˇ-eu deuˬ neh bi nyehꞈ jiˇ ma. Neˬbuˬkaˬneˬzaˬ naw maꞈ-ahˇ sehꞈ tehꞈ-a. Naw maꞈ-ahˇ aˬ yawꞈ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ ni sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:40

“Nawˬ-ahˇ kʼaˬ lo bi biˬ-eu gʼaˇ duˬ tsawˇ haˬ aˇ maꞈ tiˬ maꞈ sheuˬ laꞈ-awˇ, tsawˇ haˬ kʼoeˇ deuˬ nawˬ-ahˇ deuˆ tm deuˆ tmˇ jiˇ tehꞈ-a.

Yeˬsaˬgeˬlaˇ 21:31

Ngaˬ-euˬ nui pehˇ naw maꞈ kʼoeˇ taˆ miˬ dzaˬ miˬ lmˇ loꞈ-ehˇ pyehˬ gʼeh leꞈ ngeh, ngaˬ-euˬ nui ma naw maꞈ ya mawˇ duˬ tehꞈ-a. Kʼoeˇ naˇ, yaw cawˆ jeˬ mˇ-eu paw ehˇ kʼaˇ maˬ za-eu aˬ dzawˬ aˇ gah deuˬ-euˬ laꞈ-ahˇ, naw maꞈ bi ahˇ leˇ ma.

Yeˬsaˬgeˬlaˇ 28:7

Guˆ laˇ paˬ-ehˇ gʼeh-eu tsawˇ jeuˬ, nawˇ jawˇ gaˇ ngaˇ sheuˬ ahˇ leꞈ ma. Aˬ yawꞈ maꞈ mi cehˇ gʼawˇ doˆ-awˇ, nawˬ-euˬ zaˬ siˬ tsawˇ gahˇ hawˇ-eu, haw muiˬ-eu jeˬ laˆ cawˆ jiˇ-awˇ, nawˬ-euˬ kʼahˬ sehˇ laˆ byoˆ tehꞈ-a.

Yeˬsaˬgeˬlaˇ 31:12

Gʼawˬ shaˬ gaˬ-eu maˬ siˬ nya-eu aˬ cawˬ tsawˇ jeuˬ neh tuˇ dzeh-awˇ bi ga yaꞈ tehꞈ-a. Gawˬ jawˬ gʼaˬ lawˬ doe ni aˇ bawˇ kʼoeˇ bawˇ-euˬ uˬ pyaˬ uˬ laꞈ ga tehꞈ-a. Aˬ yawꞈ-euˬ naˇ shmˇ uˬ moˆ kʼaˇ jawˇ-euˬ tsawˇ jeuˬ dawˬ tawˆ luꞈ cehˆ jiˇ tehꞈ-a.

2 Sahˬpaˬ 24:1

Yeˬhawˇyaˬkmˬ sahˬ paˬ geuꞈ luꞈ ngeh, Baˬbuˇloˬ sahˬ paˬ Neˬbuˬkaˬneˬzaˬ Yuˇdaˆ miˇ kʼahˬ-ahˇ uˇ le-awˇ, aˬ yawꞈ uˆ lahˇ-eu uˬ moˆ Yeˬhawˇyaˬkmˬ smˇ kʼoꞈ jawˇ-euˬ meh. Kʼoeˇ naˇ, Neˬbuˬkaˬneˬzaˬ-ahˇ Yeˬhawˇyaˬkmˬ puiˬ-euˬ meh.

Yeˬlaˬmiˇ 30:5

“Guˆ-awˇ guˇ-eu teˇ saˇ ngaˇ gaˬ-eu ma. Nui saˇ oꞈ-awˇ guˇ luꞈ-eu maˬ ngeuˇ-ehˇ, guˆ-eu baˬ da neh guˇ-eu teˇ saˇ meh.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.