Haˬbaˬkuˆ 1:4 - Akha

⁴ Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Haˬbaˬkuˆ 1:4 Referans Kwoze

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Yawˇbaˆ 21:7

Aˬ jeˬ miˇ neh haiˬ-eu tsawˇ haˬ deuˬ-ahˇ Miˬyehˇ bi dehꞈ ta. Mawˬ le-awˇ pyuˇ shuiˇ jaˆ myaˬ laˇ ngeh keuˆ ni aˬ jeˬ gʼeh bi dehꞈ ta.

Yeˬlaˬmiˇ 12:1

Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Aˬmoˆ 5:12

Naw maꞈ iˬ baˇ aˇ naˆ ni huiˬ-eu ngaˇ siˬ nya-awˇ, naw maꞈ yaw haiˬ jeˬ aˇ myaˆ poˆ mˇ-euˬ ngaˇ siˬ nya ma. Muiˬ-eu jaˬ-eu tsawˇ haˬ deuˬ-ahˇ naw maꞈ kʼehˬ-awˇ, laꞈ nmꞈ nmꞈ-euˬ jeˬ-ahˇ ha geuꞈ-eu uˬ taꞈ, yaw shaˬ zaˬ deuˬ yaw tsaˬ yaw dawˇ dawˇ-ehˇ yaˇ kʼaˬ maˬ ja gʼaˬ nya ni naw maꞈ laˆ tsoeˬ-eu meh.

Hawˇseˬ 10:4

Aˬ yawꞈ maꞈ dawˬ awˬ kʼawꞈ ngehˬ-awˇ, saˇ jaˇ dzaˬ-eu jaˬ myawꞈ tehꞈ meh. Yaw tsaˬ yaw dawˇ poˆ laˆ laˆ-awˇ, doꞈ kʼaˆ dui dui-eu baw duˆ deuˬ, deh ga dehꞈ byah-euˬ gaˇ duˇ meh.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Dawˬmehˬ 16:19

Aˬ yawꞈ maꞈ yaˇ kʼaˬ daˇ ngeh, maˬ tsaˬ maˬ dawˇ-eu jeˬ hawˇ-eu myaˆ pyawˬ huiˬ nyiˇ tseˇ-eu jeˬ maˬ ya mˇ-a. Laꞈ nmꞈ nmꞈ-eu jeˬ-ahˇ maˬ ya ha geuꞈ-a. Aˬ jeˬ miˇ neh ehˇ naˇ, laꞈ nmꞈ nmꞈ-eu jeˬ-aˬ, dawˇ coe ni mˇ-eu tsawˇ haˬ deuˬ hawˇ-eu zaˬ siˬ tsawˇ gahˇ ahˇ-eu tsawˇ haˬ deuˬ-ahˇ myaˆ behꞈ bi behꞈ-iˇ-awˇ, yaˇ kʼaˬ daˇ-eu jeˬ-ahˇ bi lehˬ-iˇ nya-eu meh.

Doˆ-iˇ 23:6

“Shaˬ-eu zahˬ-eu tsawˇ haˬ-ahˇ yaˇ kʼaˬ daˇ nehˬ ngeh, maˬ tsaˬ maˬ dawˇ-eu laꞈ kʼoeˇ maˬ ya daˇ nehˬ-a.

Doˆ-iˇ 23:2

Tsawˇ haˬ myaˬ tiˬ paˆ yaw lehˬ jeˬ mˇ ngeh maˬ ehˇ, yaw tsaˬ yaw dawˇ jeˬ-ahˇ bahˬ-eu saˇ kiˇ kamˬ ngeh maˬ ehˇ, nawˇ maˬ ya caw teh-a.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Gʼaˬkʼehˇ 7:59

Aˬ yawꞈ maꞈ Saˬteˬpaˬ-ahˇ kʼaˬ lo biˬ dui dui luꞈ ngeh, “Sahˬpaˬ Yeˬsuˇ-oˇ, ngaˬ-euˬ saꞈ laˇ-ahˇ ha geuꞈ nehˬ laꞈ-awˬ” lehˇ, Saˬteˬpaˬ guiˬ lahˬ shaˇ-euˬ meh.

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Maˬkuˆ 7:9

Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Miˬyehˇ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, tsawˇ haˬ zaˬ neh tawˬ ka leꞈ-euˬ zahˇ sahˇ kʼoꞈ-ahˇ naw maꞈ kʼoeˇ loꞈ-ehˇ tuˆ tehˬ taˬ nya ni, naw maꞈ yaw gahˇ zmˬ-eu meh.

Jaceuq 94:3

Nui ma maˬ dawˇ-eu tsawˇ haˬ deuˬ aˬ myah keuˆ ni laˬ kʼaˬ cehˇ cehˇ-ehˇ ya dehꞈ nmˇ. Sahˬpaˬ Miˬyehˇ-oˇ, aˬ yawꞈ maꞈ aˬ myah keuˆ ni laˬ kʼaˬ cehˇ cehˇ-ehˇ ya dehꞈ nmˇ.

Jaceuq 59:4

Sahˬpaˬ Miˬyehˇ-oˇ, ngaˇ yaw lehˬ jeˬ mˇ taˬ-euˬ maˬ jaˆ gaˇ, ngaˬ-ahˇ laˆ cawˆ-eu lehˇ aˬ yawꞈ lehˬ hmˬ luꞈ meh.

Jaceuq 59:2

Haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Aˬ cawˬ-ahˇ sehꞈ-eu deuˬ-euˬ laꞈ-ahˇ, ngaˬ-ahˇ bi dzeuˇ-iˇ laꞈ.

Aˬmoˆ 5:7

Yaw tsaˬ yaw dawˇ jeˬ-ahˇ sheu pyawˆ-awˇ, aˬ cawˬ kʼoeˇ taˆ myawꞈ dzaˬ shuiˇ dzaˬ-eu naw maꞈ deuˬ kʼoeˇ taˆ, dawˇ keuˆ le tehꞈ-a.

Yeˬlaˬmiˇ 26:8

Sahˬpaˬ Miˬyehˇ neh ngaˬ-ahˇ kʼaˇ bi ngehˬ kʼaˇ bi tmˇ laꞈ-euˬ jeˬ-ahˇ, ngaˇ ngehˬ gʼaˬ tmˇ gʼaˬ-eu nehˬ-ehˇ, aˬ yawꞈ maꞈ ngaˬ-ahˇ nyehꞈ-awˇ, heu loꞈ-ehˇ guˇ-eu meh.

Yeˬlaˬmiˇ 12:6

Nawˬ-euˬ mehˇ nmˇ hawˇ-eu aˬ yuiꞈ aˬ nyiˇ nawˬ-ahˇ puiˬ-awˇ, nawˬ-ahˇ ceh-eu deuˬ-ahˇ gʼaˬ biꞈ-eu meh. Aˬ yawꞈ maꞈ dawˬ muiˬ ngehˬ gaˇ nawˇ taˬ jah.”

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Jaceuq 11:3

Yawˬjeˬna luꞈ puˇngawˬciˇlehˆ, yaw cawˆoꞈ-eu aˇyamˬheu-ahˇ, yaw sui deuˬ aˬjeˬgʼeh nya ta.”

1 Sahˬpaˬ 21:13

“Miˬyehˇ hawˇ-eu sahˬ paˬ-ahˇ Naˬboˆ neh yaˬ kʼehˇ yaˬ-euˬ meh” lehˇ, tsawˇ haˬ heu myaˆ ni gʼeh-eu mehˬ shi haiˬ-eu tsawˇ haˬ kʼoeˇ nyiˬ gʼaˬ saˇ kiˇ kamˬ-euˬ meh. Kʼoeˇ ngeh, Naˬboˆ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biꞈ sehꞈ-euˬ meh.

Jaceuq 22:12

Mawˇneˇmawˇgaw tiˬjawˬoe-awˇ, Baˬshaˬmawˇneˇyaw gʼeh kʼoeˇdeuˬ, ngaˬ-ahˇjawˬlahˇjiˇtaˬ-euˬmeh.

Iˇsaˬyaˇ 59:12

“Sahˬpaˬ Miˬyehˇ nawˬ-ahˇ nga maꞈ mˇ lehˬ dui dui-euˬ ma. Nga maꞈ mˇ-euˬ iˬ baˇ nga maꞈ-ahˇ ceh laˇ-awˇ, yawˬ ha iˬ baˇ ahˇ-eu yawˬ ha siˬ duˬ-eu ma.

Yeˬlaˬmiˇ 8:7

Yawˬ ha bahˬ-ahˇ ya gʼoꞈ leˇ-eu yamˬ law, uiˇ dzoeˬ deuˬ kʼawꞈ siˬ nya luꞈ meh. Jawˬ jiˇ jawˬ gʼaꞈ hawˇ-eu kʼaˬ guˬ, miˇ kʼahˬ jawˇ paˇ yamˬ siˬ nya meh. Ehˇ kʼawꞈ, ngaˬ-euˬ tsawˇ haˬ pyeuꞈ-eu naw maꞈ, ngaˬ-euˬ zahˇ dawˬ maˬ siˬ nya-a.