Haˬbaˬkuˆ 1:13 - Akha

¹³ Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Haˬbaˬkuˆ 1:13 Referans Kwoze

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Jaceuq 10:15

Haiˬ-eu laꞈdu ngawˬkʼehꞈnehˬ-awˇ, yaw haiˬmaˬmˇnya gaˇkeuˆni, haiˬ-eu deuˬ-ahˇnawˇkʼehˬnehˬ-awˬ.

2 Saˬmeuˬlaˆ 4:11

Yawˬ ha-euˬ nymˇ laꞈ kʼoeˇ yuꞈ kʼaˆ taˬ-euˬ yaw lehˬ yaw ca maˬ jaˆ-eu tsawˇ haˬ-ahˇ sehꞈ-euˬ gaˇ kawˆ heu aˇ naˆ ni paˇ doeˇ dzehˬ-eu nga. Naw nyaꞈ aˬ yawꞈ-ahˇ sehꞈ-euˬ baˬ da neh, naw nyaꞈ-ahˇ miˇ tsaˬ tahˬ kʼawˇ heu siˬ kʼoeˇ taˆ maˬ paˇ bi dehꞈ ni, nymˬ-mˇ ngaˇ naw nyaꞈ-ahˇ laꞈ poˆ poˆ ma.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Iˇsaˬyaˇ 64:12

Gaˇ kawˆ heu-ahˇ nawˇ laꞈ pyehꞈ pyehꞈ-awˇ haw te loˇ. Sahˬpaˬ Miˬyehˇ nawˇ tiˬ jeˬ-iˬ maˬ shaˇ noeˬ ni, maˬ shaˬ coeˇ gaˇ keuˆ ni nga maꞈ-ahˇ bi shaˬ-eu lehˇ gʼeh te loˇ.

Iˇsaˬyaˇ 33:1

Laˆ luˬ laˆ seˇ-eu gʼaˬ-oˇ, nawˇ ya noeˬ shaˬ dui dui tehꞈ-a. Nawˇ ya luˬ ya seˇ-iˇ-eu aˇ nah maˬ keuˆ le dah-aˬ siˬ. Saˇ jaˇ puiˬ-eu gʼaˬ-oˇ, nawˇ ya noeˬ shaˬ dui dui tehꞈ-a. Aˬ cawˬ nawˬ-ahˇ saˇ jaˇ puiˬ-eu aˇ nah maˬ keuˆ le dah-aˬ siˬ. Nawˇ aˬ cawˬ-ahˇ laˆ luˬ laˆ seˇ-eu naˬ leˇ ngeh, aˬ cawˬ nawˬ-ahˇ laˆ luˬ laˆ seˇ nehˬ laꞈ tehꞈ-a. Nawˇ saˇ jaˇ puiˬ-eu naˬ leˇ ngeh, aˬ cawˬ nawˬ-ahˇ saˇ jaˇ puiˬ tehꞈ-a.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Jaceuq 83:1

Miˬyehˇ-oˇ, ciˬ cuˇ ni taˬ jawˇ nehˬ laꞈ. Maˬ luˆ maˬ laˆ, maˬ ngehˬ maˬ tmˇ ni taˬ jawˇ nehˬ laꞈ.

Jaceuq 73:3

Haiˬ-eu tsawˇ haˬ deuˬ dehꞈ dzaˬ gaˇ ya mawˇ ngeh, nui ma huiˬ gaˇ mahˇ gaˇ myaˆ naˆ-euˬ ma.

Jaceuq 50:21

Naw maꞈ kʼoeˇ loꞈ-ehˇ dehꞈ doeˇ kʼawꞈ ngaˇ dawˬ maˬ tmˇ-eu miˇ neh, ngaˇ naw maꞈ-ahˇ nui kʼahˇ shiˇ meh lehˇ naw maꞈ noeˬ luꞈ meh. Ehˇ kʼawꞈ naw maꞈ maˬ muiˬ-eu gaˇ kawˆ ngaˇ ja doˆ-awˇ, naw maꞈ-euˬ yaw lehˬ bya cehˆ ni bi doˆ laˇ ma.

Jaceuq 35:22

Ehˇkʼawꞈ SahˬpaˬMiˬyehˇnawˇ-aˬ, siˬjiˇmawˇjiˇtaˬ-euˬmiˇneh, ciˬcuˇni jawˇbyoˆ-eu laꞈkʼoeˇ, ngaˬ-ahˇbyehˇ-awˇtaˬbi shaˬlaꞈ.

Yawˇbaˆ 15:15

Aˬ jeˬ miˇ neh aˬ yawꞈ-euˬ mˬ taˆ gʼaˬ kʼehˇ deuˬ-ahˇ Miˬyehˇ maˬ jah coeˇ ta. Aˬ yawꞈ maꞈ kʼawꞈ Miˬyehˇ mehˬ shi maˬ muiˬ maˬ shawˇ-eu miˇ neh maˬ ngeuˇ-a loˇ.

Iˇsaˬtaˆ 4:14

Heu loꞈ-ehˇ keuˆ le teuˇ le-euˬ aˇ yamˬ-ahˇ nawˇ maˬ ngehˬ maˬ tmˇ ni jawˇ te lehˇ ngeuˇ naˇ, Yuˇdaˆ tsawˇ haˬ-ahˇ ngehˬ gʼeh dah teˬ-eu jeˬ mˬ kʼoeˇ taˆ neh oe-awˇ, aˬ yawꞈ maꞈ-ahˇ ka kʼoꞈ tehꞈ-a. Ehˇ kʼawꞈ, nawˇ gʼaˬ-aˬ ya shiˇ-awˇ, nawˬ da-euˬ tsuiꞈ dahˬ-iˇ tehꞈ-a. Ehˇ kʼawꞈ aˬ suˇ gʼaˬ ehˇ nya nmˇ. Heu loꞈ-ehˇ gʼeh-eu aˇ yamˬ aˇ law-ahˇ gaˇ dahˇ bi tsoeˬ-eu gʼaˇ duˬ nawˬ-ahˇ sahˬ paˬ-euˬ miˬ zaˬ bi pyeuꞈ laˇ-euˬ maˬ siˬ tawˇ.”

1 Sahˬpaˬ 2:32

Ngaˬ da Daˬbiˇ maˬ bi siˬ ni, tsawˇ haˬ kʼoeˇ deuˬ-ahˇ Yoˇbaˬ neh sehꞈ-euˬ iˬ baˇ kʼoeˇ baˬ da neh, aˬ yawꞈ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a. Aˬ yawꞈ naˆ maˬ tseˇ muiˬ dzehˬ-eu iˬ baˇ maˬ ahˇ-eu tsawˇ haˬ nyiˬ gʼaˬ pyeuꞈ-eu, Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ, Yoˇbaˬ sehꞈ-euˬ meh. Aˬbaˬnaˬ gʼaˬ Iˇsaˬleˬlaˆ guiˇ maꞈ deuˬ kʼoeˇ taˆ uˆ lahˇ-eu gʼaˬ pyeuꞈ-awˇ, Aˬmaˬsaˬ gʼaˬ Yuˇdaˆ guiˇ maꞈ deuˬ kʼoeˇ taˆ uˆ lahˇ-euˬ gʼaˬ pyeuꞈ-eu meh.

Yawˇbaˆ 21:7

Aˬ jeˬ miˇ neh haiˬ-eu tsawˇ haˬ deuˬ-ahˇ Miˬyehˇ bi dehꞈ ta. Mawˬ le-awˇ pyuˇ shuiˇ jaˆ myaˬ laˇ ngeh keuˆ ni aˬ jeˬ gʼeh bi dehꞈ ta.

Jaceuq 18:26

Nui ma yaw shawˇdeuˬ-euˬkʼoeˇtaˆ, nawˇnui ma shawˇjehˆni taˬ-awˇ, nui gʼoꞈahˇ-eu tsawˇhaˬdeuˬ-ahˇ, yaw gʼoꞈjeˬnawˇbi mawˇ-euˬmeh.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 35:17

SahˬpaˬMiˬyehˇ aˇmyah keuˆni, haw haw-ehˇjawˇ-eu lehˇgʼeh te. Aˇlaˬjaˬshiˇkʼoeˇdeuˬkʼaˆgaˇ, ngaˬ-euˬsaꞈlaˇka kʼoꞈnehˬlaꞈ.

Jaceuq 35:25

“Nui kʼahˇshiˇtaˆni miˇ-a” lehˇ, muiˇ-eu deuˬneh taˬ bi ehˇlaꞈ. “Aˬyawꞈ-ahˇmyoꞈahˇ-euˬma” lehˇ, ngaˬ-ahˇ aˬjaꞈtaˬbi jaꞈlaꞈ.

Iˇsaˬyaˇ 24:16

Yaw tsaˬ yaw dawˇ gʼaˬ-ahˇ ja ceuˬ-eu caˇ dawˬ, mˬ dzeˇ miˇ dzeˇ miˇ kʼahˬ-ahˇ neh gaˬ le tehꞈ-a. Ehˇ kʼawꞈ, ngaˇ noeˬ tmˬ kʼaˇ maˬ za-ehˇ, teˬ le byoˆ le miˇ-a. Saˇ jaˇ puiˬ-eu deuˬ gʼaˬ kʼaˆ laˇ-awˇ, yaw haiˬ jeˬ myaˬ laˇ luꞈ meh.

Ngoeˇ dawˬ 3:36

saˇ naˇ-ahˇ yaˇ kʼaˬ daˇ nehˬ ngeh, maˬ ngeuˇ gaˇ keuˆ jahˇ-eu tiˬ jeˬ, Sahˬpaˬ Miˬyehˇ maˬ haw nahˇ-a.

Haˬbaˬkuˆ 1:14

Uˆ lahˇ nehˬ-eu gʼaˬ maˬ jawˇ-eu, laˆ shaˆ ngaˬ shaˬ ngaˬ deˇ hawˇ-eu, aˬ jeˬ lu jeˬ aˇ mawˇ loꞈ-ehˇ, tsawˇ haˬ-ahˇ nawˇ sawˇ luꞈ te loˇ.

Zaˬkaˬliˇ 8:17

Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ. Maˬ tsaˬ maˬ dawˇ-eu laꞈ kʼoeˇ taˬ kamˬ. Jaˬ myawꞈ mehˇ shuiˇ hawˇ-eu, maˬ tsaˬ maˬ dawˇ-eu jeˬ, yaw haiˬ jeˬ, heu deuˬ mˇ gaˇ ngaˇ maˬ haw nahˇ nya.”

Dawˬmehˬ 23:15

“Zaˬ kʼaˆ tiˬ gʼaˬ na, yaw sahˇ gʼaˬ jawˇ gaˇ neh cehˆ doˆ le-awˇ, nawˬ-ahˇ uˬ duˬ tahˬ shaˇ laˇ naˇ, maˬ bi gʼoꞈ-iˇ ni nawˬ nehˬ-ehˇ bi jawˇ-awˬ.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.