Haˬbaˬkuˆ 1:12 - Akha

¹² Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Haˬbaˬkuˆ 1:12 Referans Kwoze

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Jaceuq 93:2

Sahˬpaˬ Miˬyehˇ-oˇ, nawˬ-euˬ nuiˇ mahˬ-aˬ, miˇ tsaˬ tahˬ kʼawˇ maˬ beh mi naˆ ehˇ ziꞈ dah ni jaˆ-awˇ, aˇ yamˬ aˇ law maˬ baw laˇ mi naˆ ehˇ nawˇ dehꞈ luꞈ-eu meh.

HeˬByehˇ 13:8

Yeˬsuˇ Ka liˬ-aˬ, miˇ nah, iˬ nah hawˇ-eu, mˬ maˬ maˬ byaˆ zaˇ ziˇ tiˬ kawˆ meh.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

Gʼaˬkʼehˇ 3:14

Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Yeˬsaˬgeˬlaˇ 30:25

Aˬ yawꞈ-ahˇ ngaˇ gʼaˬ bi baˬ-iˇ-awˇ, Baˬbuˇloˬ sahˬ paˬ-ahˇ gʼaˬ bi kʼaˆ dzehˬ laˇ ma. Baˬbuˇloˬ sahˬ paˬ-ahˇ ngaˬ-euˬ mi cehˇ biꞈ nehˬ-awˇ, Iˇjiˇtuˆ miˇ kʼahˬ paw bi baꞈ pyawˇ ngeh, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ siˬ nya tehꞈ-a.

Ngoeˇ dawˬ 5:19

Ehˇ kʼawꞈ Sahˬpaˬ Miˬyehˇ nawˇ-aˬ, mˬ maˬ maˬ byaˆ sahˬ paˬ pyeuꞈ-awˇ, nawˬ-euˬ dzoeˬ dzaˬ zaˇ ziˇ ziꞈ meh.

Iˇsaˬyaˇ 43:15

Ngaˇ-aˬ, muiˬ-eu shawˇ-eu Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ ma. Naw maꞈ Iˇsaˬleˬlaˆ tsawˇ haˬ deuˬ-ahˇ ngaˬ neh beh-awˇ, ngaˇ naw maꞈ-euˬ sahˬ paˬ ma.”

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 37:26

“Heu deuˬ dawˬ tawˆ luꞈ pyeuꞈ laˇ ni, aˇ hu ba neh ngaˬ neh gaˇ kawˆ kawˆ taˬ jiˇ-euˬ nawˇ maˬ gaˬ-aˬ loˇ. Nymˬ-mˇ kʼoeˇ loꞈ-ehˇ pyeuꞈ laˇ ni ngaˇ jahˇ luꞈ-eu ma. Ziꞈ dah ni tsoˆ taˬ-euˬ meuˬ deuˬ-ahˇ byaˆ-iˇ ni jahˇ nya-eu baoˬ, nawˬ-ahˇ ngaˇ biꞈ taˬ-euˬ ma.

Jaceuq 118:17

Ngaˇ maˬ shiˇ byoˆ ni dehꞈ-awˇ, Sahˬpaˬ Miˬyehˇ neh mˇ-euˬ jeˬ gaˇ kawˆ ja ma.

Jaceuq 18:1

SahˬpaˬMiˬyehˇ-ahˇngaˇgaˬma. Nawˇ-aˬ, ngaˬ-euˬgʼaˬpyeuꞈ-eu ma.

Jaceuq 17:13

Sahˬpaˬ Miˬyehˇ-oˇ, oe-awˬ. Muiˇ-eu deuˬ-ahˇ deuˆgʼaˬle-awˬ. Nawˬ-euˬmi cehˇneh deuˆle-awˇ, ngaˬ-euˬsaꞈlaˇka kʼoꞈle-awˬ.

2 Sahˬpaˬ 19:25

“Heu loꞈ-ehˇ bi pyeuꞈ laˇ-eu gʼaˇ duˬ, aˇ hu ba neh ngaˇ gaˇ kawˆ kawˆ taˬ-euˬ nawˇ maˬ gaˬ haw-aˬ loˇ. Nymˬ-mˇ ngaˇ kʼoeˇ loꞈ-ehˇ mˇ byah luꞈ-eu ma. Ziꞈ dui dui-eu meuˬ deuˬ meuˬ tsoeˬ tsoeˬ-iˇ gaˇ keuˆ ni laˆ cawˆ nehˬ nya-eu baoˬ, nawˬ-ahˇ ngaˇ biꞈ taˬ-euˬ ma.

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.

Panmaeq 1:11

Teˇ saˇ kʼoeˇ saˇ ehˇ-eu, “Nawˬ neh kʼaˇ ya mawˇ-euˬ jeˬ boꞈ taˬ-awˇ, Eˇpeˇsu meuˬ, Saˬmuˇlaˬnaˆ meuˬ, Beˬlaˬgaˬ meuˬ, Saˬdiˬlehˇ meuˬ, Saˬdiˇ meuˬ, Piˇlaˬdeˬpiˇ meuˬ, Lawˬdiˬciˆ meuˬ, heu shiꞈ meuˬ laꞈ kʼoeˇ jawˇ-eu Ka li zaˬ aˇ muˇ deuˬ-ahˇ sahˬ boꞈ kʼoeˇ dawˆ ahˇ gʼeh-awˬ.”

Yeˬlaˬmiˇ 5:18

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ nah aˇ yamˬ kʼoeˇ keuˆ le kʼawꞈ, ngaˬ-euˬ tsawˇ haˬ deuˬ luˬ-iˇ seˇ-iˇ jiˇ gaˇ keuˆ ni ngaˇ maˬ kʼehˬ nehˬ.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Jaceuq 102:24

Miˬyehˇ-oˇ, nymˬ-mˇ ngaˇ maˬ mawˬ le mi naˆ-ehˇ, ngaˬ-ahˇ taˬ sheuˬ byoˆ gʼeh nehˬ laꞈ. Sahˬpaˬ Miˬyehˇ-oˇ, nawˇ mˬ maˬ maˬ byaˆ zaˇ ziˇ dehꞈ-euˬ meh.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Haˬbaˬkuˆ 3:6

Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Jaceuq 74:12

Ehˇ kʼawꞈ, Miˬyehˇ nawˇ-aˬ, aˇ dahˬ beh ngeh neh nga maꞈ-euˬ sahˬ paˬ pyeuꞈ-eu ma. Nga maꞈ-ahˇ nawˇ gʼawˬ mya poˆ ka kʼoꞈ nehˬ laꞈ-euˬ meh.

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Jaceuq 149:2

Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.