Gawˇlawˇsehˇ 3:15 - Akha

¹⁵ Ka li neh biꞈ-euˬ tsaˬ leˇ dzoeˇ leˇ-eu jeˬ kʼoeˇ-aˬ, naw maꞈ tiˬ jeˬ paˬ mˇ-eu lehˇ noeˬ tsehˆ ngeh naw maꞈ-ahˇ gaˇ ma sheuˬ mehˬ-eu gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ tsaˬ leˇ dzoeˇ leˇ-awˇ gʼawˇ mawˇ tiˬ mawˇ tehꞈ-ehˇ pyeuꞈ laˇ-eu gʼaˇ duˬ, Miˬyehˇ neh naw maꞈ-ahˇ kuˇ taˬ-euˬ meh. Naw maꞈ Miˬyehˇ-euˬ guiˬ lahˬ-ahˇ ngehˇ-eu maˬ tsaˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoeruqtaf, Miqyaer-euq nuisar of-eu jeq nae nawmaf-euq nuima-anr bi uvlanr-awq. Khoerlof-aer bi uvlanr-eu laer, mawrdo tiq do taef-aer pyeuflarni Miqyaer, nawmaf-anr kurtaq-euq mae. Khoermirnae, nawmaf, Miqyaer-euq guiqlanq-anr noeqmuiq-awq.

Gawˇlawˇsehˇ 3:15 Referans Kwoze

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

1 Teˇsaˬloˇni 5:18

Aˬ geu jeˬ keuˆ le-eu maˬ kaˬ, Miˬyehˇ-euˬ guiˬ lahˬ-ahˇ ja ceuˬ-awˬ. Yeˬsuˇ Ka li laꞈ kʼoeˇ naw maꞈ kʼoeˇ loꞈ-ehˇ dehꞈ gaˇ Miˬyehˇ geuꞈ mawꞈ-eu meh.

Jaceuq 29:11

SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Eˇpeˇsu 5:20

A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

2 Gawˇliˬtu 9:11

Naw maꞈ neh damˬ-euˬ jeˬ-ahˇ nga maꞈ sha miˇ nehˬ-eu baˬ da neh, aˬ cawˬ gʼawˬ mya ni Miˬyehˇ-ahˇ ja ceuˬ ni naw maꞈ aˬ myah luꞈ damˬ nya-eu gʼaˇ duˬ, Miˬyehˇ naw maꞈ-ahˇ smˇ muiˬ bi muiˬ laˇ tehꞈ-a.

Eˇpeˇsu 4:4

Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Jaceuq 116:17

Nawˬ-euˬ guiˬ lahˬ-ahˇ noeˬ keuˆ-eu lawˇ-eu jeˬ ngaˇ lawˇ-awˇ, nawˬ-ahˇ ngaˇ guiˬ lahˬ shaˇ ma.

1 Tiˆmoˇseˬ 2:1

Ngaˇ heu loꞈ-ehˇ jeˬ hu gʼaˬ biꞈ mawꞈ-eu ma. Tsawˇ haˬ dawˬ tawˆ luꞈ gʼaˇ duˬ, Miˬyehˇ-ahˇ loˬ-eu jeˬ shaˇ nehˬ-eu, guiˬ lahˬ shaˇ-eu, shaˇ ju-eu, aˬ yawꞈ-euˬ guiˬ lahˬ-ahˇ ja ceuˬ-eu, heu deuˬ-ahˇ mˇ-awˬ.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

Eˇpeˇsu 5:1

Naw maꞈ-aˬ, Miˬyehˇ gaˬ dui dui-eu zaˬ deuˬ pyeuꞈ-eu loꞈ-ehˇ, aˬ yawꞈ-ahˇ duˇ laˇ ni leh jeh-awˬ.

2 Gawˇliˬtu 4:15

Nga maꞈ kʼaˇ ya daˬ-euˬ heu deuˬ dawˬ tawˆ luꞈ, naw maꞈ-euˬ gʼaˇ duˬ pyeuꞈ-eu ma. Miˬyehˇ-euˬ guiˬ lahˬ yaw dzahˇ za-euˬ tsawˇ haˬ tiˬ jawˇ saˇ-iˬ tiˬ jawˇ myaˬ laˇ luꞈ-eu loꞈ-ehˇ, Miˬyehˇ-euˬ yaw shehꞈ kʼahˬ sehˇ hawˇ-eu aˬ yawꞈ-euˬ guiˬ lahˬ-ahˇ ja ceuˬ-eu jeˬ, tiˬ jawˇ saˇ-iˬ tiˬ jawˇ myaˬ laˇ tehꞈ-a.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Panmaeq 7:12

Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”

Eˇpeˇsu 4:16

Uˬ duˬ kʼoeˇ siˬ uˆ lahˇ-eu uˬ moˆ gʼawˇ mawˇ aˇ sehˇ dawˬ tawˆ luꞈ tiˬ gaˇ tsaˬ leˇ-awˇ, uˬ duˬ-ahˇ gʼaˬ yuˇ taˬ-euˬ yoeˬ tsuiꞈ yoeˬ laꞈ deuˬ neh tiˬ sehˇ tiˇ sehˇ tsoꞈ tsaꞈ jiˇ taˬ-euˬ meh. Aˇ sehˇ aˬ yawꞈ sehˇ yawꞈ yawˬ ha-euˬ gaˇ mˇ ngeh, gʼawˇ mawˇ mawˇ lah-ehˇ huiˬ laˇ-awˇ, gʼoeˇ-eu gaˬ-eu jeˬ laꞈ kʼoeˇ gʼaˬ kʼaˆ dzehˬ laˇ-eu meh.

Jaceuq 107:22

Lawˇ-eu shehˇ-eu laꞈ kʼoeˇ aˬ yawꞈ-ahˇ aˬ yawꞈ maꞈ ja ceuˬ-eu tsaˬ-awˇ, laˬ kʼaˬ cehˇ-eu caˇ dawˬ caˇ-eu laꞈ kʼoeˇ, aˬ yawꞈ neh mˇ-euˬ huiˬ-eu gaˇ deuˬ gaˇ kawˆ, aˬ cawˬ-ahˇ ja mehˬ-eu tsaˬ meh.

Jaceuq 100:4

Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Gawˇliˬtu 7:15

Ehˇ kʼawꞈ, miˬ zaˬ yo zaˬ yaw kaˬ Ka li-ahˇ maˬ jah-eu gʼaˬ gʼawˬ mawꞈ-eu nui ma ahˇ naˇ, gʼawˬ luꞈ-uˇ. Kʼoeˇ loꞈ-ehˇ pyeuꞈ laˇ ngeh, miˬ zaˬ yo zaˬ laꞈ kʼoeˇ Ka li zaˬ pyeuꞈ-eu gʼaˬ-aˬ, paꞈ tawꞈ taˬ-euˬ jeˬ-ahˇ ya buˬ ya law-iˇ-euˬ gaˇ duˇ-eu meh. Naw maꞈ nui saˇ oꞈ-eu laꞈ kʼoeˇ ya dehꞈ ni Miˬyehˇ kuˇ-euˬ gaˇ duˇ-eu meh.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Iˇsaˬyaˇ 27:5

Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

1 Gawˇliˬtu 10:17

Aˬ dui tsawˇ haˬ gʼawˬ mya gʼaˬ pyeuꞈ-eu kʼawꞈ, kaˬ muˇ tiˬ yaˆ tehꞈ miˇ neh, gʼawˇ mawˇ tiˬ mawˇ-ahˇ tehꞈ-ehˇ taꞈ-eu meh. Aˬ jeˬ mˇ neh ehˇ naˇ, kaˬ muˇ tiˬ yaˆ-ahˇ tehꞈ-ehˇ aˬ dui taꞈ-eu ma.

1 Tiˆmoˇseˬ 6:12

Yawˬ ha-euˬ gʼaˇ duˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, jah-eu jeˬ laꞈ kʼoeˇ kʼaˇ gʼeh nya-eu loꞈ-ehˇ deuˆ ceh ceh-awˬ. Miˬyehˇ neh nawˬ-ahˇ kuˇ-awˇ, tsawˇ haˬ gʼawˬ mya ni mehˬ shi, nawˬ-euˬ jah-eu jeˬ-ahˇ nawˇ ziꞈ dah ni dehꞈ mehˬ-euˬ kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ gʼaˇ duˬ meh.