Gawˇlawˇsehˇ 3:11 - Akha

¹¹ Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ hawˇ-eu Yuˇdaˆ tsawˇ haˬ yaw kaˬ maˬ ehˇ, baˆ kʼoˆ mehˬ dzaˬ yehˬ-euˬ deuˬ hawˇ-eu maˬ yehˬ-euˬ deuˬ yaw kaˬ maˬ ehˇ, yawˬ kʼahˬ yaw miˇ yawˬ-ahˇ-euˬ tsawˇ haˬ deuˬ maˬ ehˇ, zahˇ sahˇ kʼoꞈ maˬ baw-eu tsawˇ haˬ deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, beu gaˇ duˬ tiˬ pawꞈ-iˬ maˬ paˇ jaˆ meh. Dawˬ tawˆ luꞈ Ka li-ahˇ uˬ duˬ duˬ leˇ-awˇ, dawˬ tawˆ luꞈ Ka li laꞈ kʼoeˇ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gawˇlawˇsehˇ 3:11 Referans Kwoze

1 Gawˇliˬtu 12:13

Kʼoeˇ loꞈ-ehˇ duˇ ni, aˬ dui dawˬ tawˆ luꞈ, Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, Yaw sahˇ Miˬyehˇ neh gʼawˇ mawˇ tiˬ mawˇ laꞈ kʼoeˇ iˇ cuꞈ bi shawˇ gʼaˬ-awˇ, aˬ dui dawˬ tawˆ luꞈ Yaw sahˇ Miˬyehˇ tiˬ gʼaˬ-ahˇ tehꞈ-ehˇ dawˇ luꞈ-eu ma.

Lormav 10:12

Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ tseˇ paˆ ni, dawˬ tawˆ luꞈ ahˇ leˇ jiˇ-eu meh. Miˬyehˇ-aˬ, dawˬ tawˆ luꞈ-euˬ Sahˬpaˬ pyeuꞈ-awˇ, aˬ yawꞈ-ahˇ kʼaˇ kuˇ-eu tsawˇ haˬ-ahˇ guiˬ lahˬ tiˬ byah ni biꞈ nehˬ-eu meh.

Eˇpeˇsu 3:6

Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Eˇpeˇsu 1:23

Ka li zaˬ aˇ muˇ-aˬ, Ka li tiˬ byah ni jawˇ-eu Ka li-euˬ gʼawˇ mawˇ meh. Ka li-aˬ, yawˬ jeˬ na luꞈ-ahˇ yawˬ gaˇ na luꞈ bi byah laˇ-eu gʼaˬ meh.

Lormav 3:29

Maˬ ngeuˇ naˇ, Miˬyehˇ-aˬ, Yuˇdaˆ tsawˇ haˬ deuˬ-euˬ Miˬyehˇ tehꞈ-a loˇ. Aˬ cawˬ tsawˇ jeuˬ-euˬ Miˬyehˇ maˬ ngeuˇ-a loˇ. Ngeuˇ meh. Yuˇdaˆ tsawˇ haˬ maˬ ngeuˇ-eu deuˬ-euˬ Miˬyehˇ kʼawꞈ ngeuˇ meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Yoˇhaˬ 17:23

Nawˬ neh ngaˬ-ahˇ kʼehˇ gʼeh leꞈ-euˬ gaˇ kawˆ hawˇ-eu, ngaˬ-ahˇ nawˇ gaˬ-eu loꞈ-ehˇ, ngaˬ-ahˇ jah-eu tsawˇ haˬ heu deuˬ-ahˇ kʼawꞈ nawˇ gaˬ-eu gaˇ kawˆ miˇ tsaˬ zaˬ deuˬ bi siˬ nya-eu gʼaˇ duˬ, ngaˬ-ahˇ jah-eu tsawˇ haˬ heu deuˬ nui ma gʼawˇ mawˇ taꞈ leˇ nya ni, ngaˬ-euˬ laꞈ kʼoeˇ nawˇ jawˇ-awˇ, aˬ yawꞈ maꞈ-euˬ laꞈ kʼoeˇ ngaˇ jawˇ-eu ma.

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

1 Gawˇliˬtu 7:19

Aˬ jeˬ miˇ neh ehˇ naˇ, baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, beu gaˇ duˬ maˬ jaˆ-a. Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu tehꞈ-ehˇ gaˇ dahˇ tsoeˬ-eu meh.

Gʼaˬkʼehˇ 15:17

Dzeˇ-eu miˇ tsaˬ tsawˇ jeuˬ dawˬ tawˆ, ngaˇ jawˇ gaˇ gʼoꞈ laˇ jiˇ tehꞈ-a. Ngaˬ-euˬ tsawˇ haˬ bi pyeuꞈ-eu lehˇ, ngaˬ neh kuˇ-euˬ aˬ cawˬ tsawˇ jeuˬ, dawˬ tawˆ gʼoꞈ laˇ jiˇ tehꞈ-a lehˇ,

Iˇsaˬyaˇ 52:10

Sahˬpaˬ Miˬyehˇ muiˬ-eu shawˇ-eu baoˬ-ahˇ gʼoe-awˇ, aˬ yawꞈ-euˬ tsawˇ haˬ-ahˇ ka kʼoꞈ nehˬ gaˇ, miˇ tsaˬ dawˬ tawˆ ya mawˇ tehꞈ-a.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Aˬmoˆ 9:12

Kʼoeˇ ngeh, Eˬdoˬ miˇ kʼahˬ laꞈ kʼoeˇ kʼaˇ dzeˇ-eu miˇ tsaˬ hawˇ-eu, yaw beh ngaˬ-euˬ miˇ kʼahˬ kʼaˇ pyeuꞈ-euˬ miˇ kʼahˬ nui deuˬ dawˬ tawˆ luꞈ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ tehꞈ-a” lehˇ, kʼoeˇ loꞈ-ehˇ bi pyeuꞈ laˇ ni mˇ-eu lehˇ gʼeh-eu gʼaˬ pyeuꞈ-eu Sahˬpaˬ Miˬyehˇ ehˇ-eu meh.

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Gawˇlawˇsehˇ 2:10

Naw maꞈ-ahˇ aˬ yawꞈ laꞈ kʼoeˇ tiˬ byah tiˬ loꞈ ya jawˇ-eu jeˬ biꞈ taˬ-euˬ meh. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ hawˇ-eu baoˬ deuˬ kʼoeˇ taˆ aˬ yawꞈ huiˬ dzehˬ-eu meh.

Lormav 1:14

Aˬ jeˬ miˇ neh ehˇ naˇ, meuˬ-ahˇ jawˇ-eu aˇ tiˆ goˇ-eu tsawˇ haˬ deuˬ-ahˇ maˬ ehˇ, pu-ahˇ jawˇ-eu teˬ dui dui-eu tsawˇ haˬ deuˬ-ahˇ maˬ ehˇ, zaˬ siˬ tsawˇ gahˇ maˬ ahˇ-eu tsawˇ haˬ deuˬ-ahˇ maˬ ehˇ, tsawˇ jeuˬ dawˬ tawˆ luꞈ-ahˇ dawˬ mehˬ mehˬ-eu gʼaˇ duˬ ngaˇ dziˇ dzoˆ naꞈ-eu ma.

Yoˇhaˬ 15:5

“Ngaˇ-aˬ, aˬ gaꞈ baw duˆ ma. Naw maꞈ-aˬ, uˬ pyaˬ uˬ laꞈ meh. Ngaˬ-ahˇ tsoꞈ tsaꞈ-awˇ, ngaˇ kʼawꞈ aˬ yawꞈ-ahˇ tsoꞈ tsaꞈ-eu tsawˇ haˬ-aˬ, aˇ siˬ gʼawˬ mya ni siˬ le-eu meh. Ngaˬ-ahˇ maˬ tsoꞈ tsaꞈ naˇ, naw maꞈ tiˬ jeˬ-iˬ maˬ jahˇ nya-a.

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”

Gʼaˬkʼehˇ 28:2

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ deuˬ nga maꞈ-ahˇ gʼawˬ shaˬ gaˬ dui dui-eu meh. Uˬ yehˇ ga doˆ le-awˇ, yaw tsehꞈ tsehꞈ-eu miˇ neh, aˬ yawꞈ maꞈ miˬ dzaˬ baw doꞈ-awˇ nga maꞈ-ahˇ ha nehˬ laꞈ-euˬ meh.

Yoˇhaˬ 14:23

Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Hawˇseˬ 2:23

Miˇ kʼahˬ heu kʼahˬ jawˇ duˬ laꞈ kʼoeˇ, ngaˬ-euˬ tsawˇ haˬ deuˬ ziꞈ leˇ-awˇ, baw le za le ni ngaˇ jahˇ ma. “Maˬ gaˬ-eu tsawˇ haˬ” lehˇ kuˇ-euˬ, kʼoeˇ deuˬ-ahˇ ngaˇ gaˬ poˆ nehˬ-awˇ, “Ngaˬ-euˬ tsawˇ haˬ maˬ ngeuˇ” ehˇ gaˇ, “Ngaˬ-euˬ tsawˇ haˬ ngeuˇ-eu ma” lehˇ, ngaˇ paˇ kuˇ poˆ ehˇ poˆ nehˬ ngeh, “Nawˇ nga maꞈ-euˬ Miˬyehˇ ma” lehˇ, ngaˬ-ahˇ yawꞈ maꞈ kuˇ laˇ tehꞈ-a.

Jaceuq 117:2

Aˬ yawꞈ aˬ dui-ahˇ gaˬ-eu jeˬ huiˬ dui dui-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ gmˬ-eu meh. Sahˬpaˬ Miˬyehˇ-ahˇ ja ceuˬ-awˬ.

2 Yoˇhaˬ 1:9

Ka li neh mehˬ nehˬ tsoˆ nehˬ taˬ-euˬ jeˬ-euˬ laꞈ kʼoeˇ paw maˬ jawˇ ni aˇ dzeuˇ iˇ dzeuˇ-eu tsawˇ haˬ deuˬ-aˬ, Miˬyehˇ-ahˇ maˬ za-a. Mehˬ nehˬ tsoˆ nehˬ taˬ-euˬ laꞈ kʼoeˇ kʼaˇ jawˇ-eu tsawˇ haˬ-aˬ, Aˬda Miˬyehˇ-ahˇ maˬ ehˇ, Zaˬ maˇ Miˬyehˇ-ahˇ maˬ ehˇ, za-eu meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Eˇpeˇsu 6:8

Zaˬ kʼaˆ maˬ ehˇ, zaˬ kʼaˆ maˬ ngeuˇ-eu deuˬ maˬ ehˇ, yawˬ ha neh kʼaˇ mˇ-euˬ muiˬ-eu gaˇ gʼaˇ duˬ Sahˬpaˬ Yeˬsuˇ laꞈ sawˬ biꞈ nehˬ laꞈ tehꞈ-a lehˇ siˬ duˬ-awˬ.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

1 Gawˇliˬtu 14:11

Ngaˬ-ahˇ dawˬ ngehˬ cawˬ laˇ-eu tsawˇ haˬ tiˬ gʼaˬ-euˬ dawˬ-ahˇ ngaˇ maˬ siˬ nya naˇ, aˬ yawꞈ-aˬ ngaˬ-euˬ gʼaˇ duˬ yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ loꞈ-ehˇ duˇ-awˇ, ngaˇ kʼawꞈ aˬ yawꞈ-euˬ gʼaˇ duˬ kʼoeˇ loꞈ-ehˇ duˇ tehꞈ-a.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬsaˬgeˬlaˇ 47:22

Kʼoeˇ-aˬ, mˬ maˬ maˬ byaˆ zaˇ ziˇ naw maꞈ-ahˇ oꞈ-eu jeˬ biˇ meh. Naw maꞈ miˇ tsaˬ biˇ ngeh, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, heu gaˇ dehꞈ le-euˬ tsawˇ haˬ deuˬ-ahˇ kʼawꞈ ya biˇ oꞈ nehˬ meh. Aˬ yawꞈ maꞈ-ahˇ Iˇsaˬleˬlaˆ miˇ kʼahˬ zaˬ lehˇ ya sawˇ-awˇ, shehˆ tsaˬ tsaˬ-eu laꞈ kʼoeˇ miˇ tsaˬ biˇ geuꞈ ngeh, aˬ yawꞈ maꞈ-ahˇ kʼawꞈ ya bi oꞈ leˇ meh.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Eˇpeˇsu 2:14

Ehˇ kʼawꞈ, tsaˬ leˇ dzoeˇ leˇ-eu jeˬ-ahˇ Ka li yuˇ leꞈ-awˇ, Yuˇdaˆ tsawˇ haˬ hawˇ-eu aˬ cawˬ tsawˇ jeuˬ taꞈ leˇ dzoeˇ leˇ nya ni aˬ yawꞈ mˇ-euˬ meh. Tiˬ jeuˬ tiˇ jeuˬ muiˇ-eu kaˇ pyawˇ lawˆ kaˬ-ahˇ aˬ yawꞈ-euˬ gʼawˇ mawˇ neh deh pyaˆ dzeh-euˬ meh.

Eˇpeˇsu 2:15

Tsawˇ jeuˬ heu nyiˬ jeuˬ-ahˇ aˬ yawꞈ laꞈ kʼoeˇ tsawˇ jeuˬ yaw shuiꞈ tiˬ jeuˬ tehꞈ-ehˇ bi pyeuꞈ laˇ-eu gʼaˇ duˬ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ aˬ yawꞈ laˆ byoˆ-euˬ meh. Kʼoeˇ loꞈ-ehˇ mˇ-awˇ, tsaˬ leˇ dzoeˇ leˇ-eu jeˬ bi keuˆ le-euˬ meh.