Gawˇlawˇsehˇ 2:2 - Akha

² Aˬ yawꞈ maꞈ-euˬ nui ma kʼaˬ duˬ ni pyeuꞈ laˇ-awˇ, gʼoeˇ-eu gaˬ-eu jeˬ laꞈ kʼoeˇ nui ma tiˬ siˬ tehꞈ-ehˇ taˬ nya laˇ-awˇ, yaw muiˬ paˬ-ehˇ gʼoˆ siˬ gʼoˆ shaw nya-eu baˬ da neh yaw duˬ yaw ciˇ baw laˇ ni, ngaˇ kʼoeˇ loꞈ-ehˇ mˇ luꞈ-eu ma. Kʼoeˇ loꞈ-ehˇ mˇ-eu baˬ da neh, Miˬyehˇ neh zaꞈ taˬ-eu jeˬ pyeuꞈ-eu Ka li-ahˇ aˬ yawꞈ maꞈ siˬ nya laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

Gawˇlawˇsehˇ 2:2 Referans Kwoze

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

Gawˇlawˇsehˇ 4:8

Kʼoeˇ miˇ neh, aˬ yawꞈ-ahˇ naw maꞈ jawˇ gaˇ ngaˇ kʼehˇ gʼeh laꞈ-eu ma. Nga maꞈ aˬ joˆ-ehˇ dehꞈ luꞈ jawˇ luꞈ-eu gaˇ kawˆ naw maꞈ-ahˇ bi dzawˇ mehˬ-awˇ, naw maꞈ laꞈ kʼaˬ bi cehˇ-eu gʼaˇ duˬ kʼehˇ gʼeh laꞈ-eu ma.

Eˇpeˇsu 6:22

Kʼoeˇ miˇ neh, nga maꞈ dawˬ tawˆ luꞈ aˬ joˆ-ehˇ mˇ luꞈ shaˇ luꞈ-eu gaˇ kawˆ bi ja mehˬ le-awˇ naw maꞈ-ahˇ gʼaˬ bi biꞈ le-eu gʼaˇ duˬ, aˬ yawꞈ-ahˇ ngaˇ kʼehˇ gʼeh leꞈ-eu ma.

Gawˇlawˇsehˇ 3:14

Heu deuˬ dawˬ tawˆ luꞈ mˇ-euˬ kʼoeˇ taˆ gʼoeˇ-eu gaˬ-eu jeˬ bi jaˆ-awˬ. Gʼoeˇ-eu gaˬ-eu jeˬ-aˬ, dawˬ tawˆ luꞈ tiˬ gaˇ taꞈ leˇ jiˇ ni gahˇ dzahˬ-eu meh.

Lormav 16:25

Miˬyehˇ-euˬ yaw shehꞈ kʼahˬ sehˇ huiˬ dui dui gaˇ ja ceuˬ kaˇ-euˇ. Aˬ jeˬ miˇ neh ehˇ naˇ, ngaˬ neh Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-euˬ loꞈ-ehˇ maˬ ehˇ, aˇ hu-euˬ ziˇ-ahˇ neh zaꞈ taˬ-euˬ yaw tsaˬ yaw dawˇ jeˬ pah mehˬ nehˬ laꞈ-euˬ loꞈ-ehˇ maˬ ehˇ, jah-eu laꞈ kʼoeˇ naw maꞈ ziꞈ dah ni yawꞈ nya ni aˬ yawꞈ jahˇ-euˬ meh.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Piˇliˇpiˆ 2:1

Naw maꞈ Ka li laꞈ kʼoeˇ dehꞈ-eu baˬ da neh, gʼaˬ kʼaˆ laˇ-awˇ, aˬ yawꞈ-euˬ gʼoeˇ-eu gaˬ-eu jeˬ naw maꞈ-ahˇ nui saˇ bi za-eu meh. Naw maꞈ Ka li-euˬ Yaw sahˇ Miˬyehˇ nehˬ-ehˇ cawˬ cawˬ-eu baˬ da neh, tiˬ gʼaˬ tiˇ gʼaˬ gʼawˬ shaˬ gaˬ nya laˇ-awˇ, tiˬ gʼaˬ gʼaˇ duˬ tiˬ gʼaˬ shaˇ noeˬ nya laˇ-eu meh.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

2 Beˬtuˆluˆ 1:3

Aˬ yawꞈ-euˬ yaw shehꞈ kʼahˬ sehˇ hawˇ-eu muiˬ dui byah dui dui-eu jeˬ-ahˇ aˬ dui za nya ni, aˬ dui-ahˇ kuˇ-euˬ gʼaˬ-ahˇ aˬ dui siˬ nya-eu laꞈ kʼoeˇ, Miˬyehˇ-ahˇ yaw zeu baw-awˇ dehꞈ nya-eu gʼaˇ duˬ, aˬ dui kʼaˇ loˬ-eu jeˬ dawˬ tawˆ luꞈ Miˬyehˇ-euˬ muiˬ-eu shawˇ-eu baoˬ aˬ dui-ahˇ biꞈ laꞈ-euˬ meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 6:69

Nawˇ-aˬ, Miˬyehˇ jawˇ gaˇ neh oe-euˬ Muiˬ-eu Shawˇ-eu Gʼaˬ meh lehˇ nga maꞈ siˬ duˬ jah duˬ gʼaˬ-euˬ ma.”

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

HeˬByehˇ 6:11

Naw maꞈ neh noeˬ tmˬ taˬ-euˬ jeˬ keuˆ le ni, naw maꞈ yawˬ gʼaˬ na luꞈ aˇ saˬ saˬ ngeh keuˆ ni nui ma keuˆ gaˇ nga maꞈ geuꞈ mawꞈ dui dui-eu ma.

Gawˇlawˇsehˇ 1:9

Kʼoeˇ miˇ neh, naw maꞈ-euˬ gaˇ kawˆ ya gaˬ-euˬ tiˬ nah neh, naw maꞈ gʼaˇ duˬ nga maꞈ guiˬ lahˬ maˬ tsehˆ leˇ ni shaˇ luꞈ-eu ma. Yaw sahˇ Miˬyehˇ neh biꞈ-euˬ zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ laꞈ kʼoeˇ, Miˬyehˇ-euˬ nui kʼahˇ-ahˇ siˬ nya-eu jeˬ naw maꞈ laꞈ kʼoeˇ byah laˇ ni shaˇ luꞈ-eu ma.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

1 Gawˇliˬtu 2:12

Aˬ dui-aˬ, miˇ tsaˬ heu-euˬ yaw sahˇ za taˬ-euˬ maˬ ngeuˇ. Miˬyehˇ neh aˬ dui-ahˇ kʼaˇ biꞈ laꞈ-euˬ jeˬ-ahˇ aˬ dui siˬ nya jiˇ ni, Miˬyehˇ neh kʼehˇ gʼeh leꞈ-euˬ Yaw sahˇ Miˬyehˇ za taˬ-euˬ ma.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 16:15

Ngaˬ Da kʼaˇ jaˆ-eu jeˬ dawˬ tawˆ luꞈ ngaˬ-euˬ ma. Kʼoeˇ miˇ neh, Yaw sahˇ Miˬyehˇ-aˬ, ngaˬ neh kʼaˇ biꞈ nehˬ-euˬ dawˬ deuˬ yuˇ-awˇ, naw maꞈ-ahˇ paˇ ehˇ nehˬ le tehꞈ-a lehˇ, naw maꞈ-ahˇ ngaˇ ehˇ-eu ma.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Yoˇhaˬ 5:17

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ Da nymˬ-mˇ keuˆ ni maˬ tsehˆ leˇ ni gaˇ mˇ luꞈ-eu miˇ neh, ngaˇ kʼawꞈ ya mˇ meh.”

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Maꞈtehˬ 11:25

Kʼoeˇ ngeh, Yeˬsuˇ heu loꞈ-ehˇ ehˇ-eu meh. “Mˬ hawˇ-eu miˇ-ahˇ uˆ lahˇ-eu Sahˬpaˬ pyeuꞈ-eu Aˬda-oˇ, zaˬ siˬ tsawˇ gahˇ ahˇ-eu tsawˇ haˬ deuˬ hawˇ-eu siˬ-eu nya-eu tsawˇ haˬ deuˬ-euˬ mehˬ shi neh zaꞈ taˬ-euˬ jeˬ, maˬ siˬ maˬ nya-eu tsawˇ haˬ deuˬ-ahˇ nawˇ pah mehˬ-euˬ miˇ neh, nawˬ-euˬ guiˬ lahˬ-ahˇ ngaˇ ja ceuˬ-eu ma.

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 40:1

“Ngaˬ-euˬ tsawˇ haˬ deuˬ-oˇ, nui saˇ za-awˬ. Nui saˇ za-awˬ” lehˇ naw maꞈ-euˬ Miˬyehˇ ehˇ-eu meh.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Jaceuq 133:1

Miˬyehˇ-euˬ tsawˇ haˬ deuˬ nui ma taꞈ-awˇ dehꞈ-eu jeˬ, aˇ naˆ ni zahˬ leˇ paˬ-ehˇ gʼeh-awˇ, aˇ naˆ ni laˬ kʼaˬ cehˇ paˬ-ehˇ gʼeh-eu nga.

1 Yoˇhaˬ 5:7

Gaˇ kawˆ heu-ahˇ saˇ kiˇ kamˬ-eu smˇ jeˬ jaˆ-eu meh.

1 Yoˇhaˬ 3:19

Aˬ dui-euˬ gʼoeˇ-eu gaˬ-eu jeˬ heu maˇ jawˆ ni gʼeh-eu baˬ da neh, yawˬ ha yaw tsaˬ yaw dawˇ jeˬ-ahˇ taꞈ-eu gaˇ kawˆ yawˬ haˇ yawˬ ha siˬ laˇ tehꞈ-a. Kʼoeˇ baˬ da neh Miˬyehˇ mehˬ shi aˬ dui nui ma ziꞈ dah ni jaˆ tehꞈ-a.

2 Beˬtuˆluˆ 3:18

Ehˇ kʼawꞈ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ laꞈ kʼoeˇ hawˇ-eu aˬ yawꞈ-ahˇ siˬ nya-eu jeˬ laꞈ kʼoeˇ huiˬ laˇ mahˇ laˇ luꞈ-eu jeˬ taˬ bi tsehˆ-iˇ. Nymˬ-mˇ hawˇ-eu mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

1 Teˇsaˬloˇni 5:14

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ nga maꞈ heu loꞈ-ehˇ gʼaˬ biꞈ-eu ma. Maˬ mˇ maˬ shaˇ nahˇ-eu tsawˇ haˬ-ahˇ yaw kʼaˆ kʼaˆ-ehˇ mehˬ nehˬ tsoˆ nehˬ-awˬ. Nui ma baˬ-eu tsawˇ haˬ-ahˇ gʼaˬ biꞈ nehˬ-awˬ. Gʼaˬ byehˆ byehˆ-eu tsawˇ haˬ-ahˇ caw ba nehˬ-awˬ. Tsawˇ haˬ yawˬ gʼaˬ na luꞈ kʼoeˇ taˆ nui ma gʼawˬ mahˇ ni taˬ-awˬ.

1 Teˇsaˬloˇni 3:2

nga maꞈ nehˬ-ehˇ tiˬ kawˆ loꞈ-ehˇ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ mˇ luꞈ-eu aˬ nyiˇ Tiˆmoˇseˬ-ahˇ kʼehˇ gʼeh laꞈ-euˬ ma. Naw maꞈ jah-eu nui ma ziꞈ ni gʼaˬ bi biꞈ-eu gʼaˇ duˬ aˬ yawꞈ-ahˇ kʼehˇ gʼeh laꞈ-euˬ jeˬ pyeuꞈ-eu ma.

1 Teˇsaˬloˇni 1:5

Aˬ jeˬ miˇ neh ehˇ naˇ, naw maꞈ jawˇ gaˇ nga maꞈ Laˬ kʼaˬ cehˇ-eu Guiˬ lahˬ dawˬ hehˇ leꞈ ngeh, kʼaˬ meh mehˬ boeˬ neh tehꞈ-ehˇ hehˇ leꞈ-euˬ maˬ ngeuˇ. Baoˬ hawˇ-eu Muiˬ-eu shawˇ-eu Yaw sahˇ Miˬyehˇ laꞈ kʼoeˇ maˬ ehˇ, maˇ maˇ ni ngeuˇ meh lehˇ siˬ duˬ jah duˬ-eu laꞈ kʼoeˇ maˬ ehˇ, hehˇ leꞈ-euˬ jeˬ pyeuꞈ-eu ma. Naw maꞈ nehˬ-ehˇ jawˇ-euˬ aˇ yamˬ laꞈ kʼoeˇ nga maꞈ aˬ joˆ-ehˇ dehꞈ yaꞈ jawˇ yaꞈ-euˬ gaˇ kawˆ naw maꞈ siˬ nya meh. Kʼoeˇ-aˬ, naw maꞈ-euˬ gʼaˇ duˬ pyeuꞈ-eu ma.

Gʼaˬkʼehˇ 4:32

Jah-eu tsawˇ haˬ-euˬ aˇ muˇ kʼoeˇ muˇ-aˬ, nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-eu meh. Yawˬ ha kʼaˇ jaˆ-eu myawˬ gahˬ-aˬ, yawˬ ha-euˬ tehꞈ ma lehˇ tiˬ gʼaˬ-iˬ maˬ ehˇ ni, kʼaˇ jaˆ-eu yawˬ jeˬ na luꞈ tiˬ kawˆ loꞈ-ehˇ geuꞈ-euˬ meh.

1 Sahˬpaˬ 3:28

Sawˇlaˬmoˬ neh yaˇ kʼaˬ daˇ nehˬ-euˬ gaˇ kawˆ kʼoeˇ Iˇsaˬleˬlaˆ tsawˇ haˬ deuˬ ya gaˬ ngeh, aˬ yawꞈ-ahˇ yaw zeu baw dui dui-euˬ meh. Aˬ jeˬ miˇ neh ehˇ naˇ, yaw tsaˬ yaw dawˇ dawˇ-ehˇ yaˇ kʼaˬ daˇ nya-eu zaˬ siˬ tsawˇ gahˇ aˬ yawꞈ-ahˇ Miˬyehˇ biꞈ nehˬ-euˬ gaˇ kawˆ, kʼoeˇ ngeh jawˇ aˬ yawꞈ maꞈ siˬ duˬ-euˬ meh.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Luˇkaꞈ 1:1

Nga maꞈ jawˇ gaˇ pyeuꞈ dzeuˇ yaꞈ-euˬ gaˇ kawˆ deuˬ-ahˇ, tsawˇ haˬ gʼawˬ mya gʼaˬ kʼaˇ gʼeh nya-eu loꞈ-ehˇ sahˬ boꞈ boꞈ doˆ taˬ gʼaˬ-euˬ meh.

Lormav 2:4

Maˬ ngeuˇ naˇ, aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ, oˇ coeˇ-eu jeˬ, nui ma mahˇ-eu jeˬ, heu deuˬ-ahˇ nawˇ yehˬ bawˬ sehˇ lu-ehˇ gʼeh te loˇ. Miˬyehˇ gʼawˬ shaˬ gaˬ-eu jeˬ ahˇ meh lehˇ nawˇ siˬ duˬ meh. Aˬ jeˬ miˇ neh ehˇ naˇ, nawˇ iˬ baˇ noeˬ poˆ laˇ ni aˬ yawꞈ leh jeh luꞈ-eu meh.

1 Gawˇliˬtu 14:31

Naw maꞈ yawˬ gʼaˬ na luꞈ dzaw geuꞈ-awˇ gʼaˬ ahˇ laˇ nya ni, yawˬ gʼaˬ na luꞈ tiˬ gʼaˬ saˇ-iˬ tiˬ gʼaˬ Miˬyehˇ dawˬ kawˬ mehˬ-eu tsaˬ meh.

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 3:3

Miˬyehˇ-aˬ, aˬ yawꞈ neh zaꞈ taˬ-euˬ jeˬ ngaˬ-ahˇ pah mehˬ nehˬ laꞈ-euˬ meh. Gaˇ kawˆ heu ngaˇ yaw nymˇ nymˇ-ehˇ boꞈ taˬ-euˬ ma.

Eˇpeˇsu 3:16

Naw maꞈ-euˬ nui ma laꞈ kʼoeˇ gʼaˬ bi ahˇ laˇ ni, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ byah dui kuꞈ dui dui-eu yaw shehꞈ kʼahˬ sehˇ-euˬ baoˬ naw maꞈ-ahˇ biꞈ-eu gʼaˇ duˬ Miˬyehˇ-ahˇ ngaˇ shaˇ-eu ma.

Gawˇlawˇsehˇ 1:26

Aˬ yawꞈ-euˬ dawˬ kʼoeˇ-aˬ, aˇ hu ba neh miˇ tsaˬ zaˬ dawˬ tawˆ luꞈ gʼaˇ duˬ zaꞈ taˬ-euˬ jeˬ pyeuꞈ-eu kʼawꞈ, nym-mˇ aˬ yawꞈ-euˬ tsawˇ haˬ deuˬ-ahˇ pah mehˬ nehˬ-euˬ meh.

Gawˇlawˇsehˇ 2:19

Aˬ yawꞈ maꞈ-aˬ, Ka li zaˬ aˇ muˇ-euˬ uˬ duˬ pyeuꞈ-eu Ka li-ahˇ maˬ paˇ tsoꞈ taꞈ ni byehˇ-euˬ meh. Uˬ duˬ pyeuꞈ-eu Ka li uˆ lahˇ-eu uˬ moˆ gʼawˇ mawˇ mawˇ lah-ehˇ gʼaˬ tiˬ byah ni ahˇ-awˇ, yoeˬ tsuiꞈ yoeˬ laꞈ hawˇ-eu shaˬ guˬ shaˬ caˆ deuˬ neh tiˬ gaˇ gʼeu tawꞈ jiˇ taˬ-euˬ miˇ neh, Miˬyehˇ nui ma tsaˬ-eu loꞈ-ehˇ huiˬ laˇ-eu meh.

Gawˇlawˇsehˇ 4:3

Ka li-euˬ gaˇ kawˆ zaꞈ taˬ-euˬ jeˬ-ahˇ taꞈ-eu Miˬyehˇ dawˬ kawˬ nga maꞈ mehˬ ngeh, laˆ tsoeˬ-eu jeˬ maˬ jaˆ-ehˇ ya mehˬ ni Miˬyehˇ caw ba nehˬ laꞈ-eu gʼaˇ duˬ noeˬ keuˆ-awˇ guiˬ lahˬ shaˇ nehˬ laꞈ-awˬ. Aˬ jeˬ miˇ neh ehˇ naˇ, ngaˇ Miˬyehˇ dawˬ kawˬ mehˬ-euˬ miˇ neh nymˬ-mˇ tawˬ-ahˇ ya uˇ luꞈ-eu ma.