Gawˇlawˇsehˇ 1:18 - Akha

¹⁸ Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Kali-aq, aqyawf-euq mawrdo pyeuf-eu Kalizaq armur-euq uqduq pyeuf-eu mae. Aqyawf-aq, ardanq bae-eu ghaq pyeuf-awr, yawqjeq navluf-euq khoertav uqdzan ghaq pyeuflarni, shir-euq deuq-anr nae ghofdaeflar baebae-euq ghaq pyeuf-eu mae.

Gawˇlawˇsehˇ 1:18 Referans Kwoze

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.

Gʼaˬkʼehˇ 26:23

Ka li-aˬ, shiˇ-euˬ jeˬ-ahˇ ya daˬ-awˇ, gʼoꞈ dehꞈ beh beh laˇ-euˬ gʼaˬ pyeuꞈ-awˇ Yuˇ daˆ tsawˇ haˬ-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, ka kʼoꞈ-eu yaw shehꞈ gaˇ kawˆ tahˇ kʼawˬ tehꞈ-a lehˇ ehˇ-eu gaˇ kawˆ kʼoeˇ hmˬ meh.”

Maꞈtehˬ 28:18

Yeˬsuˇ aˬ yawꞈ maꞈ-euˬ dawˬ peh jiˆ le-awˇ, heu loꞈ-ehˇ ehˇ nehˬ-euˬ meh. “Mˬ hawˇ-eu miˇ tsaˬ kʼoeˇ taˆ kʼaˇ jaˆ-eu baoˬ dawˬ tawˆ luꞈ, ngaˬ-ahˇ biꞈ jiˇ laꞈ-euˬ meh.

Jaceuq 89:27

Aˬ yawꞈ-ahˇ ngaˬ-euˬ aˬ li aˬ yuiꞈ yuiꞈ saˬ gʼaˬ bi geuꞈ-awˇ, sahˬ paˬ dawˬ tawˆ kʼoeˇ taˆ huiˬ dzehˬ-eu gʼaˬ bi geuꞈ ma.

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

Panmaeq 22:13

Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma.”

Eˇpeˇsu 5:23

Aˬ jeˬ miˇ neh ehˇ naˇ, Ka li zaˬ aˇ muˇ kʼoeˇ taˆ Ka li uˆ lahˇ-eu baoˬ jaˆ-eu loꞈ-ehˇ, miˬ zaˬ kʼoeˇ taˆ kʼaˬ dzeˇ zaˬ uˆ lahˇ-eu baoˬ jaˆ meh. Ka li-aˬ, Ka li zaˬ aˇ muˇ pyeuꞈ-eu aˬ yawꞈ-euˬ gʼawˇ mawˇ-ahˇ Ka kʼoꞈ-eu yaw sahˇ pyeuꞈ-eu meh.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.

1 Gawˇliˬtu 15:25

Aˬ jeˬ miˇ neh ehˇ naˇ, muiˇ-eu deuˬ dawˬ tawˆ luꞈ-ahˇ Miˬyehˇ deuˆ gʼaˬ jiˇ-awˇ, aˬ yawꞈ-euˬ aˬ kuiˇ pehˬ zaˬ uˬ moˆ bi jawˇ jiˇ ngeh keuˆ ni Ka li ya uˆ lahˇ tehꞈ-a.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

Eˇpeˇsu 1:10

Aˇ yamˬ tsaˬ laˇ ngeh mˇ byah-eu gʼaˇ duˬ Miˬyehˇ neh noeˬ tsehˆ-awˇ lehˬ hmˬ taˬ-euˬ gaˇ kawˆ kʼoeˇ-aˬ, yawˬ jeˬ na luꞈ-euˬ uˬ duˬ pyeuꞈ-eu Ka li-ahˇ mˬ hawˇ-eu miˇ kʼoeˇ taˆ kʼaˇ beh taˬ-euˬ jeˬ dawˬ tawˆ luꞈ bi gawꞈ bi bawˆ leˇ-eu gʼaˇ duˬ pyeuꞈ-eu meh.

Yoˇhaˬ 1:27

Aˬ yawꞈ ngaˬ-euˬ mehˬ nah oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ maˬ geuˇ nya.”

Yoˇhaˬ 1:16

Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.

Yoˇhaˬ 1:1

Mˬ hawˇ-eu miˇ maˬ seu le mi naˆ-ehˇ, Dawˬ jawˇ-euˬ meh. Dawˬ kʼoeˇ Miˬyehˇ nehˬ-ehˇ jawˇ-euˬ meh. Dawˬ kʼoeˇ-aˬ, Miˬyehˇ pyeuꞈ-eu meh.

Panmaeq 3:14

“Lawˬdiˬciˆ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, saˇ jaˇ ziꞈ-eu laꞈ kʼoeˇ dawˇ coe ni saˇ kiˇ kamˬ-eu gʼaˬ pyeuꞈ-awˇ, Miˬyehˇ neh kʼaˇ beh taˬ-eu jeˬ dawˬ tawˆ luꞈ kʼoeˇ taˆ uˆ lahˇ-eu, Aˬmiˬ lehˇ kuˇ-eu gʼaˬ-euˬ dawˬ meh.

1 Yoˇhaˬ 1:1

Aˇ dahˬ beh ngeh neh dehꞈ luꞈ jawˇ luꞈ-eu dawˬ pyeuꞈ-eu saꞈ laˇ dehꞈ-eu jeˬ biꞈ-eu dawˬ gaˇ kawˆ naw maꞈ jawˇ gaˇ nga maꞈ boꞈ ahˇ laꞈ-eu ma. Dawˬ kʼoeˇ-ahˇ nga maꞈ naˬ bawˇ ya gaˬ-awˇ, myaˆ ya mawˇ-euˬ ma. Myaˆ nuiˆ neh haw duˬ-euˬ uˬ taꞈ, aˬ laꞈ neh ya sawˆ duˬ-euˬ ma.

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

Maꞈtehˬ 23:8

Naw maꞈ-ahˇ ‘saˬ laˬ’ lehˇ taˬ bi kuˇ. Aˬ jeˬ miˇ neh ehˇ naˇ, naw maꞈ dawˬ tawˆ luꞈ mehˇ nmˇ loꞈ-ehˇ gʼeh-awˇ, sa laˬ tiˬ gʼaˬ jawˇ-eu tehꞈ meh.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Dawˬ caˇ 5:10

Ngaˬ-euˬ zaˬ kʼaˬ aˬ lmˬ mehˇ-awˇ aˇ gʼehˇ muiˬ-eu ma. Aˬ yawꞈ loꞈ-ehˇ gʼeh-eu tiˬ muiˇ gʼaˬ-ahˇ tiˬ gʼaˬ maˬ keuˬ-a.

1 Gawˇliˬtu 12:27

Naw maꞈ dawˬ tawˆ luꞈ Ka li-euˬ gʼawˇ mawˇ pyeuꞈ-awˇ, aˬ yawꞈ gʼaˬ yawꞈ aˇ sehˇ tiˬ sehˇ-ahˇ duˇ-eu meh.

Gawˇlawˇsehˇ 2:19

Aˬ yawꞈ maꞈ-aˬ, Ka li zaˬ aˇ muˇ-euˬ uˬ duˬ pyeuꞈ-eu Ka li-ahˇ maˬ paˇ tsoꞈ taꞈ ni byehˇ-euˬ meh. Uˬ duˬ pyeuꞈ-eu Ka li uˆ lahˇ-eu uˬ moˆ gʼawˇ mawˇ mawˇ lah-ehˇ gʼaˬ tiˬ byah ni ahˇ-awˇ, yoeˬ tsuiꞈ yoeˬ laꞈ hawˇ-eu shaˬ guˬ shaˬ caˆ deuˬ neh tiˬ gaˇ gʼeu tawꞈ jiˇ taˬ-euˬ miˇ neh, Miˬyehˇ nui ma tsaˬ-eu loꞈ-ehˇ huiˬ laˇ-eu meh.