Gaˬlaˬtiˆ 6:16 - Akha

¹⁶ Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Heulof-aer khar mrcaw-eu tsawrhaq yawqghaq navluf hawr-eu, Miqyaer-euq Irsaqleqlav tsawrhaq-euq khoertav, nuisar of-eu jeq hawr-eu ghawqshaq gaq-eu jeq jav luf-ur.

Gaˬlaˬtiˆ 6:16 Referans Kwoze

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Jaceuq 73:1

Miˬyehˇ-aˬ, Iˇsaˬleˬlaˆ tsawˇ jeuˬ kʼoeˇ taˆ aˬ diˇ aˬ maˇ muiˬ-eu meh. Nui ma shawˇ jehˆ ni gʼeh-eu tsawˇ haˬ deuˬ kʼoeˇ taˆ muiˬ-eu meh.

Piˇliˇpiˆ 3:16

Aˬ geu gʼaˬ aˬ joˆ-ehˇ nui ma taˬ kʼawꞈ, aˬ dui neh caw teh gʼeh laꞈ-euˬ zahˇ sahˇ kʼoꞈ heu hmˬ-ahˇ tehꞈ-ehˇ caw teh-awˇ, ti kawˆ loꞈ-ehˇ mˇ daˆ shaˇ daˆ leꞈ kaˇ-euˇ.

Gaˬlaˬtiˆ 5:25

Aˬ dui Yaw sahˇ Miˬyehˇ-ahˇ gʼoe-awˇ dehꞈ luꞈ-eu ngeuˇ naˇ, Yaw sahˇ Miˬyehˇ-ahˇ gʼoe-awˇ mehˬ hu paw cah gʼeh kaˇ-euˇ.

Gaˬlaˬtiˆ 5:16

Ngaˇ ehˇ mawꞈ-eu-aˬ, heu loꞈ-ehˇ ma. Yaw sahˇ Miˬyehˇ sheuˬ gʼeh-eu mehˬ nah caw teh-awˬ. Shiˬ shaˬ jiˇ nui kʼahˇ mehˬ nah taˬ iˇ.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

1 Laˬsaˬbaˬ 12:18

Aˬ yawꞈ maꞈ laꞈ kʼoeˇ, aˇ nah tsawˇ myahˇ doˆ-eu yehˇ smˬ tseˇ gʼaˬ kʼoeˇ taˆ aˬ yuiꞈ geuꞈ-eu gʼaˬ pyeuꞈ laˇ-euˬ Aˬmaˬsehˇ kʼoeˇ taˆ, Miˬyehˇ-euˬ yaw sahˇ uˆ lahˇ le-awˇ, “Yeˬshehˇ-euˬ aˬ li Daˬbiˇ-oˇ, nga maꞈ nawˬ-euˬ tsawˇ haˬ pyeuꞈ-eu ma. Nawˇ hawˇ-eu nawˬ-ahˇ caw jaw-eu deuˬ gʼaˬ leˇ-eu guiˬ lahˬ za luꞈ-uˇ. Miˬyehˇ nawˬ nehˬ-ehˇ jawˇ meh” lehˇ ehˇ-eu meh. Kʼoeˇ naˇ, aˬ yawꞈ maꞈ-ahˇ Daˬbiˇ ha geuꞈ-awˇ, aˬ yawꞈ-euˬ guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ bi geuꞈ-euˬ meh.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

Gaˬlaˬtiˆ 1:3

Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Lormav 1:7

Kʼoeˇ miˇ neh, Miˬyehˇ-euˬ tsawˇ haˬ bi pyeuꞈ laˇ-eu lehˇ kuˇ doˆ taˬ-euˬ, aˬ yawꞈ gaˬ-eu naw maꞈ Loˇmaˆ meuˬ-ahˇ kʼaˇ jawˇ-eu tsawˇ haˬ deuˬ-ahˇ, ngaˇ sahˬ boꞈ boꞈ ahˇ laꞈ-euˬ ma. Aˬ dui-euˬ Aˬda Miˬyehˇ hawˇ-eu Sahˬpaˬ Yeˬsuˇ Ka liˬeuˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ keuˆ le luꞈ-uˇ.

Eˇpeˇsu 6:23

Aˬda Miˬyehˇ hawˇ-eu Sahˬpaˬ Yeˬsuˇ Ka li-euˬ nui saˇ oꞈ-eu jeˬ maˬ ehˇ, gʼoeˇ-eu gaˬ-eu jeˬ maˬ ehˇ, jah-eu jeˬ maˬ ehˇ, aˬ yuiꞈ aˬ nyiˇ Ka li zaˬ dawˬ tawˆ luꞈ kʼoeˇ taˆ jaˆ luꞈ-uˇ.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

Yuˇdaˆ 1:2

Miˬyehˇ-euˬ gʼawˬ shaˬ gaˬ-eu jeˬ, nui saˇ oꞈ-eu jeˬ hawˇ-eu gʼoeˇ-eu gaˬ-eu jeˬ, naw maꞈ kʼoeˇ taˆ tiˬ byah tiˬ loꞈ jaˆ luꞈ-uˇ.