Gaˬlaˬtiˆ 6:15 - Akha

¹⁵ Baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, huiˬ-eu gaˇ kawˆ maˬ ngeuˇ-a. Tsawˇ haˬ yaw shuiꞈ pyeuꞈ laˇ-eu tehꞈ-ehˇ huiˬ dui dui-eu gaˇ kawˆ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aqjeq mirnae aernar-aq, Yeqsur Kali-euq lafkhoer bawkhov maeqdzaq yaeq-eu hawr-eu maqyaeq-eu heu-aq, tiqjeq-iq gardanr tsoeq-eu maqngeur-a. Tsawrhaq yawshuif pyeuflar-eu taef-aer gardanr tsoeq-eu mae.

Gaˬlaˬtiˆ 6:15 Referans Kwoze

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Eˇpeˇsu 4:24

Maˇ maˇ ni gʼeh-eu yaw tsaˬ yaw dawˇ hawˇ-eu yaw muiˬ yaw shawˇ laꞈ kʼoeˇ Miˬyehˇ-euˬ aˇ gʼeh-ahˇ duˇ leˇ ni beh taˬ-euˬ yaw dehꞈ dehꞈ-eu yaw shuiꞈ jeˬ-ahˇ dm-awˬ.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

1 Gawˇliˬtu 7:19

Aˬ jeˬ miˇ neh ehˇ naˇ, baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, beu gaˇ duˬ maˬ jaˆ-a. Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu tehꞈ-ehˇ gaˇ dahˇ tsoeˬ-eu meh.

Lormav 2:28

Shiˬ shaˬ jiˇ baˆ kʼoˆ mehˬ dzaˬ tehꞈ-ehˇ yehˬ-awˇ, maˇ maˇ ni gʼeh-eu baˆ kʼoˆ mehˬ dzaˬ maˬ yehˬ-euˬ tsawˇ haˬ-aˬ, Yuˇdaˆ tsawˇ haˬ maˇ maˇ ni maˬ ngeuˇ-a. Laꞈ nyiˇ paw tehꞈ-ehˇ Yuˇdaˆ tsawˇ haˬ pyeuꞈ-eu meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Panmaeq 21:5

Kʼoeˇ naˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu kʼoeˇ gʼaˬ ehˇ-eu, “Nymˬ-mˇ poˆ jawˇ-aˬ, yawˬ jeˬ na luꞈ ngaˬ neh yaw shuiꞈ jahˇ paˇ jiˇ-euˬ ma.” Aˬ yawꞈ ngaˬ-ahˇ paˇ ehˇ-eu, “Heu loꞈ-ehˇ boꞈ ahˇ taˬ-awˬ. Aˬ jeˬ miˇ neh ehˇ naˇ, dawˬ heu deuˬ tsaˬ dui dui-awˇ jah paˬ-ehˇ gʼeh dui dui-eu meh.”

Lormav 2:26

Baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ kʼawꞈ Zahˇ dawˬ kʼoꞈ dawˬ-ahˇ naˇ haˬ geuꞈ naˇ, maˬ yehˬ-euˬ kʼawꞈ, yehˬ-euˬ loꞈ-ehˇ Miˬyehˇ maˬ sawˇ nehˬ-aˇ loˇ.

Lormav 6:4

Aˬ dui iˇ cuꞈ shawˇ-euˬ baˬ da neh aˬ yawꞈ nehˬ-ehˇ tiˬ kawˆ loꞈ-ehˇ bi baꞈ pahˬ-awˇ, a yawꞈ shiˇ-euˬ gaˇ taꞈ-eu ma. Kʼoeˇ-aˬ, Aˬda Miˬyehˇ-euˬ yaw shehꞈ kʼahˬ sehˇ huiˬ-eu baoˬ neh Ka li-ahˇ bi gʼoꞈ dehꞈ laˇ-euˬ loꞈ-ehˇ, aˬ dui kʼawꞈ yaw shuiꞈ dehꞈ paˇ nya-eu gʼaˇ duˬ pyeuꞈ-eu ma.

Eˇpeˇsu 2:15

Tsawˇ jeuˬ heu nyiˬ jeuˬ-ahˇ aˬ yawꞈ laꞈ kʼoeˇ tsawˇ jeuˬ yaw shuiꞈ tiˬ jeuˬ tehꞈ-ehˇ bi pyeuꞈ laˇ-eu gʼaˇ duˬ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ aˬ yawꞈ laˆ byoˆ-euˬ meh. Kʼoeˇ loꞈ-ehˇ mˇ-awˇ, tsaˬ leˇ dzoeˇ leˇ-eu jeˬ bi keuˆ le-euˬ meh.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.