Gaˬlaˬtiˆ 6:1 - Akha

¹ Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyuif aqnyir deuq-or! Tsawrhaq tiqghaqnav mrbanq mrlaeq luf-eu nar-aq, nawmaf saflar paw ghaq khav-eu deuq, nuima nanqyuni anr-awr aqyawf-anr sheuqpyawrkhof laf-eu tsaq mae. Yawqha khawf, murjur jur-eu maeqnan maqya cantae ghaeni yanr-awq.

Gaˬlaˬtiˆ 6:1 Referans Kwoze

Lormav 15:1

Aˬ dui jah-eu gʼaˬ kʼaˆ-eu tsawˇ haˬ deuˬ-aˬ, gʼaˬ baˬ-eu deuˬ-euˬ kʼaˆ behˆ caw pi nehˬ-eu tsaˬ meh. Aˬ dui gʼaˇ duˬ muiˬ ni mˇ-eu maˬ tsaˬ-a.

2 Teˇsaˬloˇni 3:15

Ehˇ kʼawꞈ, naw maꞈ-ahˇ muiˇ-eu tsawˇ haˬ loꞈ-ehˇ maˇ diˇ-aˬ maˬ sawˇ dzeh nehˬ ni, mehˇ nmˇ tiˬ gʼaˬ loꞈ-ehˇ sawˇ-awˇ yaw kʼaˆ kʼaˆ-ehˇ mehˬ nehˬ-awˬ.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

1 Yoˇhaˬ 5:16

Yawˬ ha-euˬ cawˬ Ka li zaˬ tiˬ gʼaˬ na shiˇ gaˇ maˬ keuˆ-eu iˬ baˇ mˇ-euˬ ya mawˇ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ dehꞈ-eu saꞈ laˇ biꞈ nehˬ tehꞈ-a. Heu-aˬ, shiˇ gaˇ maˬ keuˆ-eu iˬ baˇ mˇ-euˬ jeˬ-ahˇ ehˇ-eu ma. Shiˇ gaˇ keuˆ-eu iˬ baˇ mˇ-euˬ jeˬ kʼawꞈ jaˆ-eu meh. Kʼoeˇ-euˬ gʼaˇ duˬ naw maꞈ Miˬyehˇ-ahˇ guiˬ lahˬ shaˇ-awˬ lehˇ ngaˇ maˬ ehˇ.

2 Gawˇliˬtu 2:7

Ehˇ kʼawꞈ, aˬ yawꞈ aˇ dzehˬ dzeuˇ ni noeˬ shaˬ-awˇ maˬ ya cawˆ-iˇ ni, nymˬ-mˇ naw maꞈ aˬ yawꞈ-ahˇ iˬ baˇ pyehˬ nehˬ-awˇ gʼaˬ biꞈ nehˬ-eu tsaˬ tehꞈ-a.

HeˬByehˇ 12:13

Kuiˇ shiˇ shiˇ-eu tsawˇ haˬ yoeˬ tsuiꞈ maˬ bi jiˆ paˇ-iˇ-eu uˬ taꞈ, bi taˬ leˇ nya-eu gʼaˇ duˬ yaw tsaˬ yaw dawˇ gaˇ ma-ahˇ cah-awˬ.

1 Beˬtuˆluˆ 3:15

Ehˇ kʼawꞈ, naw maꞈ-euˬ nui ma laꞈ kʼoeˇ Ka li-ahˇ yaw zeu baw-awˇ, aˬ yawꞈ-ahˇ Sahˬpaˬ loꞈ-ehˇ taˬ huiˬ taˬ mahˇ-awˬ. Naw maꞈ-euˬ laꞈ kʼoeˇ ahˇ-eu noeˬ tmˬ taˬ-euˬ gaˇ kawˆ kʼaˇ naˇ haˬ laˇ-eu tsawˇ haˬ-ahˇ yaw muiˬ paˬ-ehˇ ja mehˬ nehˬ nya ni, aˬ myah luꞈ lehˬ hmˬ taˬ-awˬ.

Lormav 14:1

Jah-eu gʼaˬ baˬ-eu tsawˇ haˬ-ahˇ ha geuꞈ-awˬ. Ehˇ kʼawꞈ, aˬ yawꞈ neh noeˬ taˬ-euˬ jeˬ-ahˇ tsawˇ pyehˇ taˬ pyehˇ.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

1 Gawˇliˬtu 10:12

Ziꞈ dah ni yawꞈ luꞈ ma lehˇ noeˬ-eu tsawˇ haˬ aˬ geu gʼaˬ maˬ kaˬ, maˬ ya coˬ-iˇ ni yahˇ-eu tsaˬ tehꞈ-a.

1 Gawˇliˬtu 4:21

Naw maꞈ aˬ geu jeˬ mawꞈ-eu nya. Ngaˇ daˇ cuiˇ yuˇ-awˇ oe gaˇ geuꞈ mawꞈ-eu nya loˇ. Maˬ ngeuˇ naˇ, gʼoeˇ-eu gaˬ-eu jeˬ hawˇ-eu nui nahˬ nui yu yuˇ-awˇ oe gaˇ geuꞈ mawˬ-eu nya loˇ.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Maꞈtehˬ 9:13

‘Lawˇ-eu shehˇ-eu jeˬ-ahˇ ngaˇ geuꞈ mawꞈ-eu maˬ ngeuˇ. Gʼawˬ shaˬ gaˬ nya-eu jeˬ-ahˇ ngaˇ geuꞈ mawꞈ-eu ma’ lehˇ, Miˬyehˇ neh ehˇ-euˬ dawˬ kʼoeˇ dawˬ-euˬ dawˬ tsuiꞈ naw maꞈ dzaw duˬ-iˇ-awˬ. Aˬ jeˬ miˇ neh ehˇ naˇ, yaw tsaˬ yaw dawˇ tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ-ahˇ kuˇ-eu lehˇ ngaˇ oe-euˬ ma.”

1 Gawˇliˬtu 14:37

Tsawˇ haˬ tiˬ gʼaˬ na, yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ noeˬ-eu maˬ kaˬ, saꞈ laˇ paw-euˬ laꞈ sawˬ za taˬ-euˬ tsawˇ ma lehˇ noeˬ-eu maˬ kaˬ, ngaˬ neh naw maꞈ-ahˇ boꞈ ahˇ laꞈ-euˬ sahˬ boꞈ heu Miˬyehˇ neh biꞈ-euˬ dawˬ meh lehˇ siˬ duˬ-eu tsaˬ meh.

1 Gawˇliˬtu 7:5

Tiˬ kʼehˬ tiˬ yamˬ laꞈ kʼoeˇ maˬ yuꞈ taꞈ ni guiˬ lahˬ shaˇ-eu gʼaˇ duˬ nyiˬ gʼaˬ luꞈ nui ma tsaˬ-awˇ ehˇ tsehˆ taˬ-euˬ aˇ yamˬ laꞈ kʼoeˇ maˬ ngeuˇ naˇ, tiˬ gʼaˬ tiˇ gʼaˬ maˬ yuꞈ taꞈ lehˇ ehˇ-eu maˬ tsaˬ-a. Aˇ yamˬ kʼoeˇ dzeuˇ naˇ, tiˬ kawˆ loꞈ-ehˇ paˇ yuꞈ paˇ jawˇ taꞈ-awˬ. Kʼoeˇ loꞈ-ehˇ maˬ jahˇ naˇ, naw maꞈ yawˬ ha-euˬ nui ma-ahˇ maˬ gʼaˬ leˇ-eu miˇ neh, nehꞈ Saˬdaˬ muˇ juˇ juˇ gaˇ maˬ dzeuˇ-iˇ nya-a.

1 Gawˇliˬtu 2:15

Yaw sahˇ Miˬyehˇ kʼaˇ za taˬ-euˬ tsawˇ haˬ-aˬ, yawˬ jeˬ na luꞈ-ahˇ gaˇ dahˇ tsoeˬ-eu maˬ tsoeˬ-eu tseˇ paˆ nya-eu meh. Ehˇ kʼawꞈ, kʼoeˇ loꞈ-ehˇ gʼeh-eu tsawˇ haˬ-ahˇ aˬ cawˬ tiˬ gʼaˬ-iˬ maˬ tseˇ paˆ duˬ nya-a.

Lormav 8:6

Shiˬ shaˬ jiˇ-euˬ nui noeˬ neh bi uˆ lahˇ-euˬ jeˬ-aˬ, shiˇ-eu jeˬ-ahˇ aˇ saˬ saˬ leˇ-eu meh. Yaw sahˇ Miˬyehˇ neh bi uˆ lahˇ-euˬ tsawˇ haˬ deuˬ-aˬ, dehꞈ-eu jeˬ hawˇ-eu nui saˇ oꞈ-eu jeˬ-ahˇ aˇ saˬ saˬ leˇ-eu meh.

Maꞈtehˬ 11:29

Ngaˬ-euˬ kʼaˆ baꞈ baꞈ-awˇ ngaˬ-ahˇ dzaw geuꞈ-awˬ. Aˬ jeˬ miˇ neh ehˇ naˇ, ngaˇ-aˬ, nui nahˬ nui yu ahˇ-awˇ, naw maꞈ-euˬ saꞈ laˇ gʼaˬ doeˇ dah kʼaˇ za ma.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.

HeˬByehˇ 13:3

Tawˬ-ahˇ uˇ luꞈ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ tawˬ-ahˇ caw uˇ luꞈ-eu loꞈ-ehˇ noeˬ keuˆ-awˬ. Kehˬ-eu kʼaˆ-eu jehˬ-ahˇ ya daˬ-eu tsawˇ haˬ deuˬ-ahˇ, yawˬ ha gʼeh aˬ yawꞈ maꞈ nehˬ-ehˇ caw daˬ luꞈ-eu loꞈ-ehˇ noeˬ keuˆ-awˬ.

Gaˬlaˬtiˆ 5:23

nui nahˬ nui yu ahˇ-eu, yawˬ ha-euˬ nui ma-ahˇ gʼaˬ leˇ-eu, heu deuˬ meh. Heu deuˬ-ahˇ laˆ tsoeˬ-eu zahˇ dawˬ kʼoꞈ dawˬ tiˬ dawˬ-iˬ maˬ jaˆ-a.

2 Saˬmeuˬlaˆ 11:2

Tiˬ nah-aˬ, uˬ ciꞈ uˬ taw taw le ngeh Daˬbiˇ yuꞈ cawˬ-awˇ gʼaˬ naˬ naˬ luꞈ-eu tuˇ laˇ-awˇ, aˬ yawꞈ jawˇ-eu sahˬ paˬ hawˇ nymˇ-euˬ nymˇ mˬ-ahˇ le daˆ-euˬ meh. Aˬ yawꞈ kʼoeˇ gaˇ cah niˇ gʼa luꞈ ngeh, zaˬ miˬ zaˬ tiˬ gʼaˬ iˇ cuꞈ dzuiꞈ shawˇ luꞈ gaˇ ya mawˇ-euˬ meh. Zaˬ miˬ zaˬ kʼoeˇ gʼaˬ aˇ gʼehˇ muiˬ dui dui-eu meh.

1 Gawˇliˬtu 3:1

Aˬ yuiꞈ aˬ nuiˇ Ka li zaˬ deuˬ-oˇ, Yaw sahˇ Miˬyehˇ za-euˬ tsawˇ haˬ deuˬ-ahˇ mehˬ-eu loꞈ-ehˇ naw maꞈ-ahˇ ngaˇ maˬ mehˬ nya-a. Miˇ tsaˬ zaˬ deuˬ hawˇ-eu Ka li zaˬ-euˬ jah-eu paw zaˬ yaw nyiˇ-ahˇ duˇ-eu deuˬ-ahˇ mehˬ-eu loꞈ-ehˇ tehꞈ-ehˇ naw maꞈ-ahˇ ngaˇ ya mehˬ-eu meh.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Maꞈtehˬ 26:69

Nymˇ tiˬ jawˬ lahˇ gawˬ taˬ-euˬ laꞈ kʼoeˇ, gaˇ dzeˇ paw Beˬtuˆluˆ nuiˇ luꞈ ngeh, zaˬ miˬ zaˬ zaˬ kʼaˆ tiˬ gʼaˬ aˬ yawꞈ jawˇ gaˇ oe-awˇ ehˇ-eu, “Nawˇ jiˇ, Gaˬliˬlehˇ tsawˇ haˬ Yeˬsuˇ nehˬ-ehˇ jawˇ-euˬ tsawˇ haˬ meh.”

Jaceuq 141:5

Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Gaˬlaˬtiˆ 6:18

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ. Aˬ miˬ.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

2 Gawˇliˬtu 2:8

Kʼoeˇ miˇ neh, naw maꞈ aˬ yawꞈ-ahˇ maˇ maˇ ni gaˬ-eu gaˇ kawˆ bi siˬ-eu gʼaˇ duˬ, ngaˇ naw maꞈ-ahˇ shaˇ-eu ma.