Gaˬlaˬtiˆ 5:2 - Akha

² Ngaˇ Pawˇluˆ heu loꞈ-ehˇ ehˇ-eu ma. Naw maꞈ baˆ kʼoˆ mehˬ dzaˬ yehˬ naˇ, naw maꞈ gʼaˇ duˬ Ka li gaˇ dahˇ maˬ paˇ tsoeˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngar Pawrluv, nawmaf-anr heulof-aer aernaeqmawf mir-a. Nawmaf bawkhov maeqdzaq yaeq-eu zanr tawq nar-aq, Kali, nawmaf-euq gharduq gardanr maqtsoeq-a.

Gaˬlaˬtiˆ 5:2 Referans Kwoze

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Gʼaˬkʼehˇ 15:1

Yuˇdaˆ miˇ kʼahˬ-ahˇ jawˇ-eu tsawˇ haˬ tiˬ paˆ na deuˬ Aˬdiˇawˬ meuˬ-ahˇ laˇ-awˇ, “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ baˆ kʼoˆ mehˬ dzaˬ maˬ yehˬ naˇ, naw maꞈ ka kʼoꞈ-eu jeˬ-ahˇ maˬ za nya-aˇ” lehˇ, jah-eu tsawˇ haˬ deuˬ-ahˇ mehˬ laˇ-euˬ meh.

HeˬByehˇ 4:2

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬlahˬ dawˬ-ahˇ aˬ yawꞈ maꞈ ya gaˬ-euˬ loꞈ-ehˇ, aˬ dui kʼawꞈ ya gaˬ gʼaˬ-euˬ ma. Guiˬ lahˬ dawˬ kʼoeˇ-ahˇ aˬ yawꞈ maꞈ ya gaˬ-euˬ kʼawꞈ, jah-eu laꞈ kʼoeˇ maˬ ha geuꞈ-euˬ miˇ neh aˬ yawꞈ maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

Gaˬlaˬtiˆ 5:11

Ehˇ kʼawꞈ aˬ yuiꞈ aˬ nyiˇ Ka li zaˬ deuˬ-oˇ, baˆ kʼoˆ mehˬ dzaˬ ya yehˬ meh lehˇ ngaˇ mehˬ-euˬ law nmˇ-aˬ, kʼehˬ-eu kʼaˆ-eu jeˬ-ahˇ ya daˬ nmˇ loˇ. Ngaˇ kʼoeˇ loꞈ-ehˇ mehˬ-euˬ law nmˇ-aˬ, Ka li-euˬ laꞈ yaꞈ gaˇ kawˆ mehˬ-eu jeˬ-ahˇ taꞈ leˇ-awˇ aˬ cawˬ sahˬ tiꞈ tiꞈ paˬ-ehˇ gʼeh-eu jeˬ maˬ paˇ jaˆ-aˇ.

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Gʼaˬkʼehˇ 15:24

Nga maꞈ-euˬ tsawˇ haˬ tiˬ paˆ na deuˬ naw maꞈ jawˇ gaˇ laˇ-awˇ, naw maꞈ-euˬ nui ma suˬ saˬ-awˇ poˆ poˆ laˆ laˆ-ehˇ noeˬ ni mehˬ laˇ-euˬ gaˇ kawˆ ya gaˬ gʼaˬ-euˬ ma. Tsawˇ haˬ kʼoeˇ deuˬ-ahˇ nga maꞈ neh mehˬ-awˇ bi laˇ-euˬ maˬ ngeuˇ.

1 Teˇsaˬloˇni 2:18

Naw maꞈ jawˇ gaˇ nga maꞈ gʼoꞈ laˇ mawꞈ-eu ma. Naw maꞈ jawˇ gaˇ gʼoꞈ laˇ-eu lehˇ ngaˇ gʼawˬ mya poˆ leh jeh-euˬ ma. Ehˇ kʼawꞈ, nehꞈ Saˬdaˬ nga maꞈ-ahˇ laˆ tsoeˬ nehˬ laꞈ-euˬ meh.

Piˇleˇmoˬ 1:9

Ehˇ kʼawꞈ, ngaˇ nawˬ-ahˇ gaˬ-eu miˇ neh, dawˬ biꞈ-eu jeˬ-ehˇ maˬ ngeuˇ ni, nahˬ yu ni shaˇ ju-eu ma. Ngaˇ-aˬ, Yeˬsuˇ Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu Pawˇluˆ pyeuꞈ-eu uˬ taꞈ, aˬ yawꞈ-euˬ gʼaˇ duˬ nymˬ-mˇ tawˬ-ahˇ uˇ luꞈ-eu tsawˇ haˬ pyeuꞈ kʼawꞈ, nawˬ-ahˇ dawˬ maˬ biꞈ ni shaˇ ju-eu jeˬ pyeuꞈ-eu ma.

1 Gawˇliˬtu 16:21

Ngaˬ-euˬ aˬ laꞈ neh ngaˇ heu loꞈ-ehˇ boꞈ-eu ma. “Pawˇluˆ naw maꞈ-ahˇ dawˬ cawˬ puˬ ahˇ leꞈ-eu ma.”

Gʼaˬkʼehˇ 15:5

Ehˇ kʼawꞈ, Paˬliˬsehˇ aˇ muˇ-ahˇ uˇ-eu jah-eu tsawˇ haˬ tiˬ paˆ na deuˬ tuˇ laˇ-awˇ, “Aˬ cawˬ tsawˇ jeuˬ gʼeh baˆ kʼoˆ mehˬ dzaˬ ya bi yehˬ-awˇ, Moˇseˬ-euˬ Zahˇ dawˬ kʼoꞈ dawˬ-ahˇ ya bi caw teh tehꞈ-a” lehˇ ehˇ-eu meh.

Piˇleˇmoˬ 1:19

Ngaˬ-euˬ aˬ laꞈ neh ngaˇ heu loꞈ-ehˇ boꞈ-eu ma. Ngaˇ Pawˇluˆ nawˬ-ahˇ tsoeˬ kʼoꞈ nehˬ ma. (Nawˬ-euˬ mawˇ do do lah-ehˇ ngaˬ-ahˇ dziˇ dzoˆ naꞈ luꞈ-eu gaˇ kawˆ ngaˇ maˬ paˇ ehˇ ma.)