Gaˬlaˬtiˆ 5:10 - Akha

¹⁰ Ehˇ kʼawꞈ, naw maꞈ-ahˇ ngaˇ jah coeˇ-eu nui ma ahˇ te siˬ. Aˬ dui-aˬ, Sahˬpaˬ Yeˬsuˇ laꞈ kʼoeˇ jawˇ luꞈ-eu miˇ neh, ngaˇ jah-eu jeˬ-ahˇ naw maꞈ maˬ jah ni yawˬ paw yawˬ maˬ iˇ pyawˇ-aˇ lehˇ ngaˇ siˬ nya ma. Ehˇ kʼawꞈ, naw maꞈ-ahˇ laˆ shaˬ-eu tsawˇ haˬ aˬ geu gʼaˬ maˬ kaˬ, Miˬyehˇ neh kʼehˬ nehˬ kʼaˆ nehˬ-euˬ jeˬ-ahˇ ya daˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nawmaf-euq nuinoeq yawqjeq yawq-aer maqpyeuf-ir-ar laer Sanqpaq Miqyaer-euq lafkhoer ngar, nawmaf-anr yawduqbaw ma. Aerkhawf, nawmaf-anr banqgha lar-eu aqsur ghaq maqkaq, yarkhaq dar-eu gar yadaq taef-a.

Gaˬlaˬtiˆ 5:10 Referans Kwoze

Gaˬlaˬtiˆ 5:12

Naw maꞈ-ahˇ laˆ shaˬ-eu tsawˇ haˬ kʼoeˇ deuˬ bi iˇ byoˆ jiˇ mawꞈ miˇ-a. Aˬ yawꞈ maꞈ yawˬ haˇ yawˬ ha shawꞈ luꞈ-uˇ.

Piˇliˇpiˆ 3:15

Guiˬ lahˬ saꞈ laˇ paw tsawˇ kʼaˆ kʼaˆ laˇ-euˬ aˬ dui dawˬ tawˆ luꞈ, kʼoeˇ loꞈ-ehˇ nui ma taˬ-eu tsaˬ meh. Ehˇ kʼawꞈ, naw maꞈ tiˬ paˆ na deuˬ nui ma taˬ-eu yawˬ jeˬ yawˬ jaˆ naˇ, naw maꞈ-ahˇ geuˇ-eu loꞈ-ehˇ gʼoˆ shaw nya ni Miˬyehˇ caw ba nehˬ laꞈ tehꞈ-a.

Gaˬlaˬtiˆ 1:7

Maˇ maˇ ni ehˇ naˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ maˬ jaˆ-a. Ehˇ kʼawꞈ, naw maꞈ-ahˇ laˆ bahˬ-awˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ yuˇ pyawˆ mawꞈ-eu tsawˇ haˬ tiˬ deuˬ jawˇ-eu miˇ neh, ngaˇ heu loꞈ-ehˇ ehˇ-eu ma.

2 Gawˇliˬtu 2:3

Ngaˇ laˬ kʼaˬ cehˇ ni jahˇ nehˬ laꞈ paˬ-ehˇ gʼeh-eu tsawˇ haˬ deuˬ neh ngaˇ ya noeˬ shaˬ ni paˇ bi jahˇ-eu lehˇ naw maꞈ jawˇ gaˇ ngaˇ maˬ paˇ oe mawꞈ miˇ-a. Aˬ jeˬ miˇ neh ehˇ naˇ, ngaˇ laˬ kʼaˬ cehˇ naˇ, naw maꞈ dawˬ tawˆ luꞈ kʼawꞈ laˬ kʼaˬ cehˇ meh lehˇ ngaˇ jah-eu ma.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.

Gaˬlaˬtiˆ 6:17

Aˇ saˬ saˬ-eu dawˬ heu loꞈ-ehˇ ehˇ-eu ma. Iˬ nah taꞈ naˇ, tsawˇ haˬ tiˬ gʼaˬ-iˬ ngaˬ-ahˇ taˬ paˇ laˆ suˬ saˬ nehˬ laꞈ. Aˬ jeˬ miˇ neh ehˇ naˇ, ngaˬ-euˬ gʼawˇ mawˇ kʼoeˇ taˆ daˬ luꞈ-eu aˬ cawˬ neh bi kʼehˬ-euˬ maˇ byawꞈ heu deuˬ-aˬ, ngaˇ Yeˬsuˇ-euˬ zaˬ kʼaˆ meh lehˇ saˇ kiˇ kamˬ luꞈ meh.

Gaˬlaˬtiˆ 4:17

Tsawˇ haˬ kʼoeˇ deuˬ naw maꞈ gʼaˇ duˬ nui ma keuˆ gaˇ duˇ-eu meh. Ehˇ kʼawꞈ, nui maˬ laꞈ kʼoeˇ kʼoeˇ loꞈ-ehˇ maˬ ngeuˇ-a. Naw maꞈ hawˇ-eu aˬ yawꞈ maꞈ tiˬ gaˇ taꞈ leˇ nya ni, naw maꞈ ngaˬ nehˬ-ehˇ gʼawˬ-iˇ gaˇ aˬ yawꞈ maꞈ geuꞈ mawꞈ-eu meh.

Gaˬlaˬtiˆ 3:1

Gaˬlaˬtiˆ miˇ kʼahˬ-ahˇ jawˇ-eu dawˇ ga deuˬ-oˇ. Aˬ suˇ gʼaˬ neh naw maꞈ-ahˇ mehˇ shuiˇ paˇ bi shuiˇ tawˆ teˬ. Yeˬsuˇ Ka li laꞈ yaꞈ kʼoeˇ taˆ kamˇ shiˇ-euˬ gaˇ kawˆ naw maꞈ-euˬ myaˆ kʼeh yaw duˬ duˬ-ehˇ dzawˇ nehˬ gʼaˬ-euˬ maˬ ngeuˇ-a loˇ.

Gaˬlaˬtiˆ 2:6

Aˬ yuiꞈ aˬ tsu bi geuꞈ taˬ-euˬ tsawˇ haˬ kʼoeˇ deuˬ kʼawꞈ, ngaˬ-euˬ gʼaˇ duˬ tehꞈ law nmˇ-aˬ teu naˆ naˆ-ehˇ beu gaˇ meh lehˇ maˬ noeˬ nya. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ-ahˇ laꞈ nyiˇ paw tehꞈ-ehˇ haw-awˇ daˇ-eu maˬ ngeuˇ-a. Ngaˇ ehˇ-eu aˬ yuiꞈ aˬ tsu kʼoeˇ deuˬ-aˬ, ngaˬ-ahˇ nui noeˬ nui duˇ yaw shuiꞈ tiˬ jeˬ-iˬ maˬ biꞈ lahˬ laꞈ-aˬ.

Gaˬlaˬtiˆ 2:4

Tiˬ paˆ na deuˬ-aˬ, aˬ yawꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh. Tsawˇ haˬ kʼoeˇ deuˬ Ka li-ahˇ jah-eu tsawˇ haˬ jahˇ geuꞈ-awˇ, nga maꞈ-euˬ aˇ muˇ laꞈ kʼoeˇ uˇ kʼoeˬ laˇ-awˇ, Yeˬsuˇ Ka li laꞈ kʼoeˇ nga maꞈ Zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh ni mˇ nya shaˇ nya-eu a kawˬ-aˬ za taˬ-euˬ gaˇ kawˆ-ahˇ kʼoeˬ sho haw laˇ-euˬ meh. Aˬ yawꞈ maꞈ-aˬ, nga maꞈ-ahˇ Zahˇ dawˬ kʼoꞈ dawˬ-euˬ zaˬ kʼaˆ bi geuꞈ mawꞈ-eu meh.

2 Gawˇliˬtu 10:6

Naw maꞈ Ka li-ahˇ tiˬ byah tiˬ loꞈ saˇ jaˇ ziꞈ laˇ-euˬ gaˇ nga maꞈ ya mawˇ duˬ gʼaˬ naˇ, saˇ jaˇ maˬ kʼaˇ ziꞈ-eu tsawˇ haˬ-ahˇ kʼehˬ-eu gʼaˇ duˬ nga maꞈ lehˬ hmˬ taˬ-euˬ ma.

1 Gawˇliˬtu 5:5

Sahˬpaˬ Miˬyehˇ yaˇ kʼaˬ daˇ-eu Aˇ nah keuˆ le ngeh, tsawˇ haˬ kʼoeˇ gʼaˬ-euˬ saꞈ laˇ ka kʼoꞈ-eu jeˬ za nya-eu gʼaˇ duˬ, aˬ yawꞈ-euˬ gʼawˇ mawˇ-ahˇ nehꞈ Saˬdaˬ-euˬ aˬ laꞈ laꞈ kʼoeˇ a nehˬ-awˇ bi laˆ cawˆ-awˬ.

Gʼaˬkʼehˇ 15:24

Nga maꞈ-euˬ tsawˇ haˬ tiˬ paˆ na deuˬ naw maꞈ jawˇ gaˇ laˇ-awˇ, naw maꞈ-euˬ nui ma suˬ saˬ-awˇ poˆ poˆ laˆ laˆ-ehˇ noeˬ ni mehˬ laˇ-euˬ gaˇ kawˆ ya gaˬ gʼaˬ-euˬ ma. Tsawˇ haˬ kʼoeˇ deuˬ-ahˇ nga maꞈ neh mehˬ-awˇ bi laˇ-euˬ maˬ ngeuˇ.

Piˇleˇmoˬ 1:21

Ngaˇ sahˬ boꞈ heu taꞈ boꞈ-awˇ shaˇ-eu loꞈ-ehˇ nawˇ mˇ nehˬ laꞈ tehꞈ-a lehˇ jah-eu ma. Kʼoeˇ naˆ maˬ tseˇ kʼawꞈ mˇ nehˬ laꞈ tehꞈ-a lehˇ ngaˇ siˬ nya ma.

2 Teˇsaˬloˇni 3:4

Nga maꞈ naw maꞈ-ahˇ nui ma taˬ coeˇ ni Sahˬpaˬ Yeˬsuˇ caw ba nehˬ laꞈ-awˇ, nga maꞈ neh kʼaˇ ehˇ nehˬ-euˬ loꞈ-ehˇ naw maꞈ mˇ daˆ shaˇ daˆ leꞈ tehꞈ-a lehˇ jah-eu ma.

Gaˬlaˬtiˆ 4:20

Nymˬ-mˇ ngaˇ naw maꞈ nehˬ-ehˇ jawˇ mawꞈ dui dui nya. Ngaˇ nui ma yawˬ siˬ yawˬ paˇ-awˇ, naw maꞈ-ahˇ nahˬ yu ni mehˬ mawꞈ tsoˆ mawꞈ dui dui nya. Naw maꞈ gʼaˇ duˬ ngaˇ kʼahˬ lahˇ dui dui nya.

Gaˬlaˬtiˆ 4:11

Naw maꞈ gʼaˇ duˬ ngaˬ neh kʼaˇ mˇ kʼaˇ shaˇ-euˬ jeˬ yawꞈ ngehꞈ-ehˇ pyeuꞈ jiˇ gaˇ kʼahˬ lahˇ dui dui nya.

2 Gawˇliˬtu 13:10

Ngaˇ naw maꞈ jawˇ gaˇ oe keuˆ ngeh, Sahˬpaˬ Ka li neh ngaˬ-ahˇ biꞈ laꞈ-euˬ baoˬ zmˬ-awˇ, naw maꞈ-ahˇ yaw kʼaˆ kʼaˆ-ehˇ maˬ ya jahˇ nehˬ-eu gʼaˇ duˬ, gaˇ mahˇ kaˬ gaˇ jawˇ ngeh neh heu loꞈ-ehˇ boꞈ ahˇ leꞈ-euˬ jeˬ pyeuꞈ-eu ma. Baoˬ kʼoeˇ-aˬ, naw maꞈ-ahˇ bi laˆ cawˆ-eu gʼaˇ duˬ biꞈ laꞈ-euˬ maˬ ngeuˇ-a. Naw maꞈ bi huiˬ bi mahˇ laˇ ni mˇ-eu gʼaˇ duˬ biꞈ laˬ-euˬ meh.

2 Gawˇliˬtu 10:2

Ngaˇ naw maꞈ jawˇ gaˇ oe ngeh, nui ma huiˬ laˇ ni taˬ jahˇ nehˬ laꞈ. Nga maꞈ-ahˇ shiˬ shaˬ jiˇ-euˬ nui noeˬ mehˬ nah caw teh-awˇ dehꞈ-eu meh lehˇ ehˇ laˇ-eu deuˬ-euˬ mehˬ shi ngaˇ nui ma huiˬ-eu gaˇ kawˆ bi mawˇ ma lehˇ kʼaˬ duˬ ni ehˇ tsehˆ-eu ma.

2 Gawˇliˬtu 8:22

Kʼoeˇ miˇ neh, nga maꞈ-euˬ aˬ nyiˇ heu gʼaˬ-ahˇ aˬ yawꞈ maꞈ nehˬ-ehˇ kʼehˇ gʼeh leꞈ-euˬ ma. Nga maꞈ aˬ yawꞈ-ahˇ gʼawˬ mya poˆ lawˬ haw-eu laꞈ kʼoeˇ, aˬ yawꞈ aˬ myah luꞈ caw ba mawꞈ-eu nui ma ahˇ-eu gaˇ kawˆ siˬ duˬ taˬ-euˬ ma. Nymˬ-mˇ aˬ yawꞈ naw maꞈ-ahˇ jah coeˇ-eu nui ma paˇ ahˇ-eu miˇ neh, yaw beh naˆ maˬ tseˇ nui ma keuˆ dui dui luꞈ meh.

2 Gawˇliˬtu 7:16

Ngaˇ naw maꞈ-ahˇ nui ma taˬ coeˇ-eu miˇ neh laˬ kʼaˬ cehˇ dui dui nya.

2 Gawˇliˬtu 5:16

Iˬ nah taꞈ naˇ, shiˬ shaˬ jiˇ myaˆ nuiˆ neh aˬ cawˬ-ahˇ nga maꞈ maˬ paˇ haw ma. Dzeuˇ laˇ ngeh Ka li-ahˇ shiˬ shaˬ jiˇ myaˆ nuiˆ neh haw-euˬ kʼawꞈ, aˬ kaˇ naˇ kʼoeˇ loꞈ-ehˇ maˬ paˇ haw ma.

2 Gawˇliˬtu 2:6

Kʼoeˇ loꞈ-ehˇ gʼeh-eu tsawˇ haˬ-ahˇ Ka li zaˬ aˇ muˇ laꞈ kʼoeˇ uˇ-eu tsawˇ haˬ myaˬ ni tiˬ paˆ nui ma tsaˬ-awˇ kʼoeˇ loꞈ-ehˇ daˇ nehˬ-euˬ-aˬ, gʼaˬ tehꞈ-a.

2 Gawˇliˬtu 1:15

Nga maꞈ gʼaˇ duˬ naw maꞈ kʼahˬ sehˇ jehˆ kʼaˇ za meh lehˇ ngaˇ siˬ duˬ-eu miˇ neh, naw maꞈ laˬ kʼaˬ nyiˬ poˆ bi cehˇ-eu gʼaˇ duˬ, naw maꞈ jawˇ gaˇ oe ma lehˇ yaw beh ngaˇ lehˬ hmˬ taˬ-euˬ ma.

Gaˬlaˬtiˆ 5:7

Dzeuˇ laˇ ngeh naw maꞈ yaw muiˬ paˬ-ehˇ mˇ luꞈ shaˇ luꞈ-eu meh. Yaw tsaˬ yaw dawˇ jeˬ-ahˇ naw maꞈ maˬ naˇ haˬ geuꞈ ni aˬ suˇ gʼaˬ laˆ tsoeˬ-euˬ ta.