Gaˬlaˬtiˆ 4:9 - Akha

⁹ Nymˬ-mˇ poˆ jawˇ-aˬ, naw maꞈ Miˬyehˇ-ahˇ siˬ nya laˇ-euˬ meh. Maˬ ngeuˇ naˇ, Miˬyehˇ naw maꞈ-ahˇ siˬ nya-euˬ meh lehˇ kʼawꞈ ehˇ-awˬ. Gʼaˬ baˬ dui dui-awˇ tiˬ jeˬ-iˬ maˬ jahˇ nya-eu yaw sahˇ kʼoeˇ deuˬ jawˇ paw naw maꞈ aˬ joˆ-ehˇ paˇ gʼoꞈ pyawˇ-iˇ mawꞈ-eu nya. Aˬ jeˬ miˇ neh aˬ yawꞈ maꞈ-euˬ zaˬ kʼaˆ paˇ geuꞈ poˆ mawꞈ-eu nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?

Gaˬlaˬtiˆ 4:9 Referans Kwoze

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

Gaˬlaˬtiˆ 3:3

Naw maꞈ aˇ naˆ naˆ-ehˇ dawˇ ga ga te. Miˬyehˇ-euˬ Yaw sahˇ-ahˇ gʼoe-awˇ naw maꞈ neh aˇ dahˬ beh taˬ-euˬ jeˬ-ahˇ, yawˬ ha-euˬ baoˬ-ahˇ gʼoe-awˇ aˇ saˬ saˬ-eu gʼeh te loˇ.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

2 Beˬtuˆluˆ 2:20

Tsawˇ haˬ zaˬ-aˬ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ siˬ nya-eu baˬ da neh, miˇ tsaˬ heu kʼoeˇ taˆ gʼaˬ kʼaˆ luꞈ-eu jawꞈ dui dui-eu jeˬ mˇ gaˇ ya buˬ-iˇ gʼaˬ miˇ tsa, kʼoeˇ neh tiˬ poˆ paˇ bi gʼaˬ leˇ shaw naˇ, yaw beh poˆ naˆ maˬ tseˇ doeˇ dui dui tehꞈ-a.

HeˬByehˇ 7:18

Zahˇ sahˇ kʼoꞈ yaw oeˇ kʼoeˇ-aˬ, gʼaˬ baˬ-awˇ gaˇ dahˇ maˬ tsoeˬ-eu miˇ neh, maˬ zmˬ ni bi jaˆ-euˬ meh.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Doˆ-iˇ 33:17

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ ngaˬ-ahˇ kʼaˇ shaˇ-eu loꞈ-ehˇ ngaˇ mˇ ma. Aˬ jeˬ miˇ neh ehˇ naˇ, nawˬ-ahˇ ngaˇ yaw muiˬ paˬ-ehˇ siˬ nya-awˇ, nui ma tsaˬ-eu ma.”

Lormav 8:29

Miˬyehˇ-euˬ Zaˬmaˇ-aˬ, mehˇ nmˇ gʼawˬ mya ni laꞈ kʼoeˇ aˬ yuiꞈ yuiꞈ saˬ gʼaˬ loꞈ-ehˇ pyeuꞈ laˇ-awˇ, Miˬyehˇ neh tseˇ doˆ gʼaˬ-euˬ tsawˇ haˬ deuˬ Zaˬmaˇ-ahˇ duˇ laˇ ni Miˬyehˇ neh sheuˬ ceuˆ doˆ taˬ-euˬ meh.

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Haˬbaˬkuˆ 2:14

Sahˬpaˬ Miˬyehˇ yaw shehꞈ kʼahˬ sehˇ, huiˬ-eu meh lehˇ siˬ nya-eu jeˬ, laˆ shaˆ iˇ cuꞈ byah-eu loꞈ-ehˇ, miˇ tsaˬ kʼoeˇ taˆ byah-iˇ tehꞈ-a.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawqdaq 2:5

Nawˇ kʼoeˇ loꞈ-ehˇ jahˇ naˇ, Sahˬpaˬ Miˬyehˇ-ahˇ ya guˆ-eu gaˇ kawˆ siˬ nya laˇ-awˇ, Miˬyehˇ neh beh taˬ-euˬ zaˬ siˬ tsawˇ gahˇ nawˇ ya mawˇ tehꞈ-a.

Jaceuq 9:10

Nawˬ-ahˇsiˬnya-eu tsawˇhaˬdeuˬ, SahˬpaˬMiˬyehˇ nawˬ-ahˇgʼoe-awˇ, nawˬ-ahˇtahˬshaˇ-eu tsawˇhaˬ-ahˇ, nawˇbyehˇdzeh nehˬ-eu maˬbaw-a.

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

1 Sahˬpaˬ 8:43

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ, nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya laˇ tehꞈ-a.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Luˇkaꞈ 5:38

Ehˇ kʼawꞈ, aˬ gaꞈ dzaˇ uiˇ yaw shuiꞈ-ahˇ, shaˬ koˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh.