Gaˬlaˬtiˆ 4:2 - Akha

² Aˬ da gʼaˬ neh ehˇ taˬ-euˬ aˇ yamˬ maˬ keuˆ laˇ kʼoeˇ keuˆ ni, aˬ yawꞈ-ahˇ bo saˆ-eu deuˬ hawˇ-eu aˬ yawꞈ-euˬ gaˇ mˇ dah nehˬ-eu deuˬ ya bi jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf-euq aqda nae aertsaev taq-euq aryamq maq keuvlar-euq khoerkeuvni, aqyawf-anr hawpir-eu ghaq hawr-eu irkanr mrmyawq-anr hawpir-eu ghaq-euq lafov yajawr-eu mae.

Gaˬlaˬtiˆ 4:2 Referans Kwoze

1 Gawˇliˬtu 4:15

Aˬ jeˬ miˇ neh ehˇ naˇ, zaˬ yaw nyiˇ-ahˇ bo saˆ-eu tsawˇ haˬ loꞈ-ehˇ naw maꞈ-ahˇ sheuˬ gʼeh-eu saˬ laˬ deuˬ maˬ gui jiˇ coeˇ ni jawˇ kʼawꞈ, naw maꞈ-euˬ aˬ da tiˬ gʼaˬ tehꞈ meh. Ngaˇ-aˬ, naw maꞈ jawˇ gaˇ Laˬ kʼaˬ cehˇ-eu Guiˬ lahˬ dawˬ hehˇ keuˆ laꞈ-euˬ gʼaˬ pyeuꞈ-eu miˇ neh, ka li laꞈ kʼoeˇ naw maꞈ-euˬ aˬ da pyeuꞈ laˇ-euˬ ma.

Gaˬlaˬtiˆ 4:1

Ngaˇ ehˇ mawꞈ-eu-aˬ, heu loꞈ-ehˇ ma. Aˬ da-euˬ jeˬ biˇ oꞈ-eu aˬ li tiˬ gʼaˬ-aˬ, yawˬ jeˬ na luꞈ aˬ yawꞈ-euˬ pyeuꞈ-eu kʼawꞈ, aˬ yawꞈ zaˬ yaw nyiˇ pyeuꞈ ngeh, zaˬ kʼaˆ tiˬ gʼaˬ loꞈ-ehˇ ya dehꞈ tawˬ-eu meh.

Gaˬlaˬtiˆ 4:3

Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Daˬyeˬlaˇ 11:29

“Aˇ yamˬ tsaˬ laˇ ngeh, Iˇjiˇtuˆ miˇ kʼahˬ-ahˇ aˬ yawꞈ guiˇ tiˬ poˆ paˇ deuˆ-iˇ tehꞈ-a. Ehˇ kʼawꞈ, kʼoeˇ ngeh poˆ guiˇ deuˆ-eu-aˬ, yaw beh poˆ-ahˇ maˬ duˇ ni, yawˬ jeˬ yawˬ-ehˇ pyeuꞈ-iˇ tehꞈ-a.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Yoˇhaˬ 15:7

Naw maꞈ ngaˬ-ahˇ tsoꞈ tsaꞈ-awˇ, ngaˬ-euˬ dawˬ naw maꞈ-ahˇ tsoꞈ tsaꞈ taˬ naˇ, naw maꞈ kʼaˇ shaˇ mawꞈ-eu jeˬ shaˇ-awˬ. Kʼaˇ shaˇ-eu jeˬ za tehꞈ-a.

Gaˬlaˬtiˆ 3:24

Jah-eu jeˬ baˬ da neh Miˬyehˇ-ahˇ aˬ dui bi tsaˬ bi dzoeˇ leˇ nya-eu gʼaˇ duˬ Ka li maˬ oe keuˆ kʼoeˇ keuˆ ni, Zahˇ dawˬ kʼoꞈ dawˬ kʼoeˇ aˬ dui-ahˇ haw piˇ tawˬ-euˬ meh.