Gaˬlaˬtiˆ 4:14 - Akha

¹⁴ Ngaˇ naˇ-eu baˬ da neh naw maꞈ ya shaˬ dui dui-euˬ kʼawꞈ, naw maꞈ ngaˬ-ahˇ maˬ byehˇ dzeh nehˬ laꞈ-euˬ uˬ taꞈ, yehˬ bawˬ-ehˇ maˬ gʼeh nehˬ laꞈ-aˬ. Mˬ taˆ gʼaˬ kʼehˇ-ahˇ ha-eu loꞈ-ehˇ ha nehˬ laꞈ-euˬ meh. Yeˬsuˇ Ka li-ahˇ ha-eu loꞈ-ehˇ ha nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Ngar nar-eu mirnae, nawmaf-euq gharduq shaqzanq pyeuf-eu khawf, nawmaf, ngaq-anr maq hawnanr-eu lof-aer maq janrnaeq laf-euq uqtaf, maq byaerdzae naeqlaf-aq. Miqyaer-euq mqtav ghaqkhaer-anr hageuf-eu lof-aer hageuf naeqlaf-awr, Yeqsur Kali-anr hageuf-eu lof-aer hageuf naeqlaf-euq mae.

Gaˬlaˬtiˆ 4:14 Referans Kwoze

Maꞈtehˬ 10:40

“Naw maꞈ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

Maˬlaˬkiˇ 2:7

Miˬyehˇ-ahˇ siˬ nya-eu zaˬ siˬ tsawˇ gahˇ ahˇ laˇ ni mehˬ nehˬ tsoˆ nehˬ-eu jeˬ-aˬ, piˇ ma deuˬ-euˬ gaˇ meh. Aˬ yawꞈ maꞈ Baoˬ huiˬ-eu Sahˬpaˬ Miˬyehˇ-euˬ gʼaˬ kʼehˇ pyeuꞈ-eu miˇ neh, aˬ cawˬ aˬ yawꞈ maꞈ jawˇ gaˇ le-awˇ, ngaˇ nui ma tsaˬ-eu jeˬ gaˇ kawˆ ya dzaw geuꞈ leˇ-eu meh.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

2 Saˬmeuˬlaˆ 19:27

Kʼoeˇ naˇ, ngaˬ-euˬ gaˇ kawˆ aˬ yawꞈ nawˬ-ahˇ jaˬ myawꞈ myawꞈ nehˬ laˇ-euˬ meh. Ehˇ kʼawꞈ nawˇ-aˬ Miˬyehˇ-euˬ mˬ taˆ gʼaˬ kʼehˇ-ahˇ duˇ-eu miˇ neh, nawˬ neh tsaˬ meh lehˇ kʼaˇ noeˬ-euˬ loꞈ-ehˇ mˇ-awˬ.

2 Saˬmeuˬlaˆ 14:17

Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Gaˬlaˬtiˆ 4:13

Ngaˇ naw maꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ beh beh ngeh poˆ, aˬ jeˬ miˇ neh mehˬ-euˬ gaˇ kawˆ-ahˇ paˇ noeˬ mawˇ haw sheˇ. Ngaˇ naˇ-eu miˇ neh mehˬ-euˬ maˬ ngeuˇ-a loˇ.

1 Gawˇliˬtu 4:10

Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

1 Gawˇliˬtu 1:28

Miˇ tsaˬ zaˬ deuˬ neh gaˇ dahˇ tsoeˬ meh lehˇ noeˬ-euˬ jeˬ-ahˇ gaˇ dahˇ maˬ tsoeˬ-ehˇ bi pyeuꞈ-iˇ-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ taˬ nyiˇ dui dui-euˬ jeˬ-ahˇ aˬ yawꞈ tseˇ doˆ-euˬ meh.

Yoˇhaˬ 13:20

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh kʼehˇ gʼeh-euˬ tsawˇ haˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-awˇ, ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼaˬ-ahˇ ha geuꞈ gaˇ duˇ-eu meh.”

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 18:5

Ngaˬ-euˬ tsawˇ myahˇ uˬ moˆ heu loꞈ-ehˇ gʼeh-eu zaˬ yaw nyiˇ tiˬ gʼaˬ-ahˇ ha-eu tsawˇ haˬ-aˬ, ngaˬ-ahˇ ha gaˇ duˇ-eu meh.

Dawˬ tsoˆ 9:16

Zaˬ siˬ tsawˇ gahˇ-aˬ, baoˬ naˆ maˬ tseˇ aˇ poeˬ kʼaˆ dzehˬ meh lehˇ ngaˇ aˬ myah luꞈ ehˇ-eu ma. Ehˇ kʼawꞈ, iˇ shaˬ zaˬ-euˬ zaˬ siˬ tsawˇ gahˇ-ahˇ aˬ cawˬ yaw zeu maˬ baw-ehˇ, aˬ yawꞈ neh ngehˬ-euˬ dawˬ-ahˇ maˬ naˇ haˬ mawꞈ-a.

Jaceuq 119:141

Ngaˬ-ahˇ aˬ cawˬ taˬ nyiˇ-awˇ sawˇ dzeh kʼawꞈ, nawˬ neh mehˬ-euˬ dawˬ-ahˇ ngaˇ maˬ byehˇ dzeh.

Yawˇbaˆ 12:5

Naw maꞈ maˬ ya shaˬ maˬ ya zahˬ ni jawˇ-awˇ, ngaˬ-ahˇ haw-awˇ uiˇ-eu meh. Coˬ-iˇ luꞈ-eu tsawˇ haˬ tiˬ gʼaˬ-ahˇ naw maꞈ paˇ diˬ caw nehˬ-eu meh.

Gaˬlaˬtiˆ 3:26

Jah-eu jeˬ baˬ da neh, naw maꞈ dawˬ tawˆ luꞈ Yeˬsuˇ Ka li laꞈ kʼoeˇ Miˬyehˇ-euˬ zaˬ pyeuꞈ-eu meh.

Gaˬlaˬtiˆ 3:28

Kʼoeˇ miˇ neh, Yuˇdaˆ tsawˇ haˬ hawˇ-eu Yuˇdaˆ tsawˇ haˬ maˬ ngeuˇ-eu deuˬ maˬ ehˇ, zaˬ kʼaˆ hawˇ-eu buˬ-iˇ-euˬ tsawˇ haˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, tiˬ pawꞈ-iˬ maˬ paˇ beu meh. Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ, naw maꞈ dawˬ tawˆ luꞈ tiˬ kawˆ meh.

Gaˬlaˬtiˆ 4:15

Kʼoeˇ ngeh naw maꞈ laˬ kʼaˬ cehˇ dui dui-euˬ meh. Nymˬ-mˇ aˬ jeˬ paˇ pyeuꞈ-iˇ teˬ. Kʼoeˇ ngeh naw maꞈ-euˬ myaˆ nuiˆ kʼeuꞈ doˆ-awˇ ngaˬ-ahˇ dawˆ tsoꞈ nehˬ laꞈ nya law nmˇ-aˬ, naw maꞈ kʼoeˇ loꞈ-ehˇ dawˆ tsoꞈ nehˬ laꞈ mawꞈ-eu nui ma ahˇ meh lehˇ ngaˇ ehˇ tsehˆ nya ma.