Gaˬlaˬtiˆ 3:4 - Akha

⁴ Naw maꞈ neh kʼaˇ puˬ kʼaˇ mawˇ dzeuˇ yaꞈ-euˬ dawˬ tawˆ luꞈ yawꞈ ngehꞈ-a loˇ. Yawꞈ ngehꞈ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawmaf shaqzanq-anr khoermyav myav-aer yadaq-euq khoer, yawqngaef-aer daq-euq le lor? Khoerdeuq yawqngaef mae laer ngar maq noeqnya.

Gaˬlaˬtiˆ 3:4 Referans Kwoze

2 Yoˇhaˬ 1:8

Kʼoeˇ miˇ neh, naw maꞈ neh yawˬ ha gʼaˇ duˬ mˇ-euˬ shaˇ-euˬ jeˬ yawꞈ ngehꞈ-ehˇ maˬ bi pyeuꞈ-iˇ-ehˇ, Miˬyehˇ neh naw maꞈ-ahˇ biꞈ-eu lehˇ lehˬ hmˬ taˬ-euˬ jeˬ tiˬ byah tiˬ loꞈ za nya ni yaw kʼaˆ kʼaˆ-ehˇ yahˇ-awˬ.

1 Gawˇliˬtu 15:2

Ngaˬ neh naw maꞈ-ahˇ mehˬ-euˬ kʼoeˇ-aˬ, Laˬ kʼaˬ cehˇ-eu Guiˬ lahˬ dawˬ meh. Naw maˬ yawꞈ ngehꞈ yawꞈ kuˬ-ehˇ jah-eu maˬ ngeuˇ lawˬ naˇ, Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ baˬ da neh ka kʼoꞈ-eu jeˬ za tehꞈ-a.

Yeˬsaˬgeˬlaˇ 18:24

“Ehˇ kʼawꞈ, yaw tsaˬ yaw dawˇ tsawˇ haˬ tiˬ gʼaˬ yaw muiˬ jeˬ maˬ mˇ ni byehˇ-awˇ, haiˬ-eu tsawˇ haˬ deuˬ kʼaˇ mˇ-eu loꞈ-ehˇ, nuiˬ daˆ daˆ laˇ paˬ-ehˇ gʼeh-eu yaw haiˬ jeˬ mˇ dahˬ beh laˇ ngeh, aˬ yawꞈ yaw dehꞈ ya dehꞈ tehꞈ-a loˇ. Aˬ yawꞈ neh kʼaˇ mˇ dzeuˇ yaꞈ-euˬ yaw muiˬ jeˬ dawˬ tawˆ luꞈ ngehˇ byoˆ nehˬ jiˇma. Aˬ yawꞈ saˇ jaˇ maˬ ziꞈ ni iˬ baˇ mˇ-euˬ baˬ da neh ya shiˇ tehꞈ-a.

Gaˬlaˬtiˆ 3:3

Naw maꞈ aˇ naˆ naˆ-ehˇ dawˇ ga ga te. Miˬyehˇ-euˬ Yaw sahˇ-ahˇ gʼoe-awˇ naw maꞈ neh aˇ dahˬ beh taˬ-euˬ jeˬ-ahˇ, yawˬ ha-euˬ baoˬ-ahˇ gʼoe-awˇ aˇ saˬ saˬ-eu gʼeh te loˇ.