Gaˬlaˬtiˆ 3:20 - Akha

²⁰ Ehˇ kʼawꞈ, tiˬ gʼaˬ-ahˇ tehꞈ-ehˇ taꞈ-eu jeˬ ngeuˇ naˇ, tsawˇ kaˬ maˬ loˬ-a. Miˬyehˇ-aˬ, tiˬ gʼaˬ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Tsawrkaq-aq, tiqpaw-euq danzar taef maqngeur-a. Aerkhawf, Miqyaer-aq tiq ghaq taef mae.

Gaˬlaˬtiˆ 3:20 Referans Kwoze

1 Tiˆmoˇseˬ 2:5

Aˬ jeˬ miˇ neh ehˇ naˇ, Miˬyehˇ tiˬ gʼaˬ tehꞈ-ehˇ jawˇ-awˇ, Miˬyehˇ hawˇ-eu tsawˇ haˬ tsaˬ leˇ tsahˇ leˇ ni mˇ-eu tsawˇ kaˬ tiˬ gʼaˬ jawˇ-eu tehꞈ meh. Tsawˇ kaˬ kʼoeˇ gʼaˬ-aˬ, Yeˬsuˇ Ka li meh.

Dawˬmehˬ 6:4

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ tiˬ gʼaˬ tehꞈ-ehˇ aˬ dui-euˬ Miˬyehˇ pyeuꞈ-eu gaˇ kawˆ naw maꞈ taˬ ngehˇ.

HeˬByehˇ 9:15

Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.

HeˬByehˇ 8:6

Miˬyehˇ hawˇ-eu aˬ yawꞈ-euˬ tsawˇ haˬ yaw kaˬ-ahˇ Yeˬsuˇ neh lehˬ hmˬ taˬ-euˬ dawˬ ma saˇ jaˇ kʼoeˇ-aˬ, muiˬ dzehˬ byah dzehˬ-eu saˇ jaˇ dawˬ-ahˇ gʼoe-awˇ mˇ taˬ-euˬ miˇ neh, dawˬ ma saˇ jaˇ yaw oeˇ naˆ maˬ tseˇ muiˬ dzehˬ byah dzehˬ-eu dawˬ ma saˇ jaˇ pyeuꞈ-eu meh. Kʼoeˇ loꞈ-ehˇ duˇ ni, piˇ ma kʼoeˇ deuˬ mˇ luꞈ-eu gaˇ naˆ maˬ tseˇ huiˬ dzehˬ-eu gaˇ, Yeˬsuˇ-ahˇ aˬ nehˬ taˬ-euˬ meh.

Yawˇbaˆ 9:33

Ehˇ kʼawꞈ, nymˬ-mˇ nga nyaꞈ yaw kaˬ-ahˇ tsawˇ kaˬ maˬ jawˇ-a. Miˬyehˇ hawˇ-eu ngaˬ-ahˇ yaˇ kʼaˬ daˇ nehˬ-eu gʼaˬ maˬ jawˇ-a.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

Gaˬlaˬtiˆ 3:17

Ngaˇ ehˇ mawꞈ-eu-aˬ, heu loꞈ-ehˇ ma. Aˬbyaˬhaˬ nehˬ-ehˇ Miˬyehˇ dawˬ ma saˇ jaˇ dzaˬ-euˬ meh. Kʼoeˇ sawˇ miˇ tsa oeˬ yaˇ smˬ tseˇ kʼoꞈ gʼeh-awˇ neh hawˇ-eu biꞈ leꞈ-euˬ Zahˇ dawˬ kʼoꞈ dawˬ kʼoeˇ-aˬ, Miˬyehˇ neh dzaˬ taˬ-euˬ saˇ jaˇ kʼoeˇ-ahˇ maˬ laˆ pyaˆ nya-a.

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Gʼaˬkʼehˇ 12:20

Heˬloˆ-aˬ, Duˇlu meuˬ hawˇ-eu Siˇdoˬ meuˬ-ahˇ jawˇ-eu tsawˇ haˬ deuˬ-ahˇ nui ma pehˇ dui dui-eu meh. Kʼoeˇ miˇ neh, aˬ yawꞈ maꞈ nui maˬ tiˬ siˬ tehꞈ-ehˇ taˬ-eu laꞈ kʼoeˇ, baˬ maꞈ puˇ jeˬ-ehˇ aˬ yawꞈ-ahˇ tahˬ puˬ laˇ-euˬ meh. Sahˬ paˬ-euˬ hawˇ nymˇ-ahˇ aˬ yuiꞈ geuꞈ-awˇ haw-eu pyaˆ-eu gʼaˬ pyeuꞈ-eu Baˬlaˬduˇ-ahˇ jeˬ huˬ ja cawˬ-awˇ, Heˬloˆ nehˬ-ehˇ ja tsaˬ geuꞈ leˇ-euˬ meh. Aˬ jeˬ miˇ neh ehˇ naˇ, sahˬ paˬ Heˬloˆ-euˬ miˇ kʼahˬ-ahˇ aˬ yawꞈ maꞈ dzaˬ dzaˬ dawˇ dawˇ gʼoe luꞈ-eu meh.