Gaˬlaˬtiˆ 1:13 - Akha

¹³ Ngaˇ Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ tawˬ luꞈ ngeh aˬ joˆ-ehˇ dehꞈ yaꞈ-euˬ gaˇ kawˆ naw maꞈ-ahˇ ja mehˬ gʼaˬ-euˬ ma. Miˬyehˇ-euˬ Ka li zaˬ aˇ muˇ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-awˇ, ngaˇ kʼaˇ gʼeh nya gaˇ keuˆ ni laˆ cawˆ-eu jeˬ mˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngar, Yurdav tsawrhaq-euq zanr tawqluf ngae, aqjox-aer daefyaf-awr, Miqyaer-euq Kalizaq armur deuq-anr yawkhav-aer khaeqnaeq-awr, aqjox-aer lavcawv-eu paq nga laer laejae-euq garkawv, nawmaf gaqhaw-euq mae.

Gaˬlaˬtiˆ 1:13 Referans Kwoze

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

1 Gawˇliˬtu 15:9

Aˬ jeˬ miˇ neh ehˇ naˇ, gʼaˬ kʼehˇ dawˬ tawˆ luꞈ laꞈ kʼoeˇ ngaˇ aˬ cawˬ naˆ maˬ tseˇ teˬ-eu gʼaˬ pyeuꞈ-eu ma. Miˬyehˇ-euˬ Ka li zaˬ aˇ muˇ-ahˇ kʼehˬ haw kʼaˆ haw-euˬ tsawˇ haˬ pyeuꞈ-eu miˇ neh, gʼaˬ kʼehˇ lehˇ bi kuˇ-eu kʼawꞈ maˬ geuˇ nya.

Gʼaˬkʼehˇ 9:26

Sawˇluˆ Yeˬluˇsaˬlehˬ meuˬ-ahˇ gʼoꞈ-iˇ-awˇ, zaˬ lahˇ deuˬ nehˬ-ehˇ tiˬ kawˆ loꞈ-ehˇ jawˇ-eu lehˇ gʼeh-euˬ meh. Ehˇ kʼawꞈ, aˬ yawꞈ zaˬ lahˇ pyeuꞈ laˇ-euˬ gaˇ aˬ yawꞈ maꞈ maˬ jah-ehˇ, dawˬ tawˆ luꞈ aˬ yawꞈ-ahˇ guˆ-eu meh.

Gʼaˬkʼehˇ 9:21

Aˬ yawꞈ dawˬ mehˬ mehˬ gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ leˇ-awˇ ehˇ-eu, “Tsawˇ haˬ teu gʼaˬ Yeˬluˇsaˬlehˬ meuˬ laꞈ kʼoeˇ Yeˬsuˇ lehˇ kuˇ-eu gʼaˬ-ahˇ uˬ duˬ tahˬ-eu tsawˇ haˬ deuˬ-ahˇ sehꞈ-euˬ kʼoeˇ gʼaˬ maˬ ngeuˇ nga loˇ. Heu gaˇ kʼawꞈ ni, kʼoeˇ loꞈ-ehˇ gʼeh-eu tsawˇ haˬ deuˬ-ahˇ nyehꞈ-awˇ, piˇ ma aˬ yuiꞈ deuˬ jawˇ gaˇ sheuˬ kʼoꞈ gʼeh-eu lehˇ aˬ yawꞈ laˇ-euˬ maˬ ngeuˇ-a loˇ.”

1 Tiˆmoˇseˬ 1:13

Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

Piˇliˇpiˆ 3:6

Miˬyehˇ-euˬ nui kʼahˇ mˇ byah mawꞈ dui dui-eu miˇ neh Ka li zaˬ aˇ muˇ-ahˇ kʼehˬ nehˬ kʼaˆ nehˬ haw-euˬ tsawˇ haˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya lawˬ naˇ, ngaˇ-aˬ, ehˇ kʼaˇ maˬ za ni mˇ byah-euˬ tsawˇ haˬ tiˬ gʼaˬ ma.

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.

1 Tiˆmoˇseˬ 1:14

Aˬ dui-euˬ Sahˬpaˬ Miˬyehˇ-aˬ, ngaˬ-ahˇ maˬ ehˇ jiˇ coeˇ-eu guiˬ lahˬ shehˆ daˆ nehˬ laꞈ-awˇ, Yeˬsuˇ Ka li laꞈ kʼoeˇ aˬ dui za-euˬ jah-eu jeˬ hawˇ-eu gʼoeˇ-eu gaˬ-eu jeˬ biꞈ nehˬ laꞈ-euˬ meh.