Gʼaˬkʼehˇ 9:41 - Akha

⁴¹ Kʼoeˇ naˇ, Beˬtuˆluˆ aˬ laꞈ cawˬ nehˬ-awˇ, aˬ yawꞈ-ahˇ gʼeu tuˇ nehˬ-euˬ meh. Kʼoeˇ ngeh, jah-eu tsawˇ haˬ deuˬ hawˇ-eu miˬ coeˬ miˬ ma kʼoeˇ deuˬ-ahˇ Beˬtuˆluˆ kuˇ-awˇ, zaˬ miˬ zaˬ kʼoeˇ gʼaˬ-ahˇ, yaw dehꞈ-ehˇ aˬ yawꞈ maꞈ-ahˇ a kʼoꞈ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Khoerngae, Beqtuvluv, aqlaf cawqja-awr, aqyawf-anr gheutur naeq-euq mae. Khoernar-aq, tsawrshawr deuq hawr-eu miqcoeq miqma deuq-anr kurlaf-awr, Dawkar yawdaef-aer aqyawf maf-anr a’naeq-euq mae.

Gʼaˬkʼehˇ 9:41 Referans Kwoze

Gʼaˬkʼehˇ 6:1

Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Maˬkuˆ 1:31

Yeˬsuˇ aˬ yawꞈ jawˇ gaˇ iˇ-awˇ, aˬ laꞈ-ahˇ nyehꞈ tehˬ-awˇ gʼeu tuˇ nehˬ-euˬ meh. Kʼoeˇ ngeh, aˬ yawꞈ pyaˬ-eu taˬ leˇ-awˇ, aˬ yawꞈ maꞈ-ahˇ dzaˬ dzaˬ dawˇ dawˇ lehˬ hmˬ laˆ saˆ nehˬ-euˬ meh.

Gʼaˬkʼehˇ 20:12

Aˬ yawꞈ maꞈ aˬ li kʼoeˇ li-ahˇ yaw dehꞈ-ehˇ iˇ kahˇ-ahˇ sheuˬ kʼoꞈ ha-iˇ-awˇ, ui cuiˆ tehꞈ-ehˇ laˬ kʼaˬ cehˇ-eu maˬ ngeuˇ-a.

Gʼaˬkʼehˇ 3:7

Kʼoeˇ loꞈ-ehˇ ehˇ gʼaˬ-awˇ, tsawˇ haˬ kʼoeˇ gʼaˬ-euˬ aˇ maˇ laꞈ-ahˇ nyehꞈ tehˬ-awˇ tsahˇ tuˇ nehˬ-euˬ meh. Ja pyuˬ ni tsawˇ haˬ kʼoeˇ gʼaˬ-euˬ aˬ kuiˇ pehˬ zaˬ hawˇ-eu kuiˇ myaˆ puˇ gʼaˬ ahˇ laˇ-euˬ meh.

Luˇkaꞈ 7:15

Kʼoeˇ ngeh, shiˇ-euˬ tsawˇ haˬ kʼoeˇ gʼaˬ tuˇ nuiˇ laˇ-awˇ, dawˬ ngehˬ ngehˬ-euˬ meh. Kʼoeˇ naˇ, aˬ ma gʼaˬ-ahˇ, “Nawˬ li sheuˬ kʼoꞈ-awˬ” lehˇ Yeˬsuˇ ehˇ-awˇ a kʼoꞈ nehˬ-euˬ meh.

Luˇkaꞈ 7:12

Meuˬ-euˬ lahˇ kʼehˬ dawˬ peh aˬ yawꞈ le keuˆ ngeh, tsawˇ shiˇ baꞈ pahˬ-iˇ-eu lehˇ doˆ le luꞈ gaˇ ya mawˇ-euˬ meh. Miˬ coeˬ miˬ ma ti gʼaˬ aˬ li tiˬ li tehꞈ-ehˇ jawˇ-eu bi shiˇ-euˬ meh. Meuˬ-ahˇ jawˇ-eu tsawˇ haˬ gʼawˬ mya ni, miˬ coeˬ miˬ ma kʼoeˇ gʼaˬ nehˬ-ehˇ doˆ le luꞈ-eu meh.

Jaceuq 146:9

Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Yawˇbaˆ 29:13

Noeˬ dui noeˬ duiˇ-euˬ tsawˇ haˬ deuˬ ngaˬ-ahˇ ya ja ceuˬ-awˇ, miˬ coeˬ miˬ ma deuˬ nui saˇ oꞈ ni ngaˇ caw ba nehˬ-euˬ ma.

1 Sahˬpaˬ 17:23

Aˬ li kʼoeˇ li-ahˇ, nymˇ laꞈ oˆ tiˆ-ahˇ aˬ yawꞈ aˬ ma jawˇ gaˇ Eˇliˇyaˆ ciˬ ka gʼeh-awˇ, “Haw sheˇ, nawˬ li gʼoꞈ dehꞈ laˇ gʼaˬ-euˬ meh” lehˇ ehˇ nehˬ-euˬ meh.

Aˇ dahˬ 45:26

Yoˇsehˆ maˬ shiˇ-ehˇ, Iˇjiˇtuˆ miˇ kʼahˬ-ahˇ uˆ lahˇ-eu gʼaˬ geuꞈ luꞈ-eu gaˇ kawˆ, aˬ yawꞈ maꞈ-euˬ aˬ da-ahˇ tsaꞈ nehˬ-euˬ meh. Kʼoeˇ ngeh, Yaˬkoˆ zahˬ leˇ-awˇ, aˬ yawꞈ maꞈ ehˇ gaˇ maˬ jah-a.

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Gʼaˬkʼehˇ 9:32

Beˬtuˆluˆ-aˬ, doe doe-ehˇ cah cah-ehˇ jawˇ-euˬ meh. Tiˬ poˆ-aˬ, Luˇda meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ dawˬ deh gʼa-iˇ-euˬ meh.

1 Tiˆmoˇseˬ 5:3

Ngehˬ gʼeh nehˬ-eu gʼaˬ maˬ jawˇ-eu miˬ coeˬ miˬ ma deuˬ-ahˇ yaw zeu baw-awˬ.

1 Tiˆmoˇseˬ 5:5

Ngehˬ gʼeh caw ba nehˬ-eu gʼaˬ maˬ baw ni yawˬ ha tiˬ gʼaˬ tehꞈ-ehˇ jawˇ-eu miˬ coeˬ miˬ ma-aˬ, Miˬyehˇ tiˬ gʼaˬ-ahˇ tehꞈ-ehˇ noeˬ tmˬ kʼaˇ za-awˇ, uˬ ciꞈ nah gʼahˇ maˬ ehˇ caw ba nehˬ laꞈ lehˇ guiˬ lahˬ shaˇ-eu meh.

2 Sahˬpaˬ 6:7

“Deuˆ haˬ seuˬ yuˇ doˆ-awˬ” lehˇ Eˇliˇshehˇ ehˇ ngeh, tsawˇ haˬ kʼoeˇ gʼaˬ mˇ jeh-awˇ, deuˆ haˬ seuˬ yuˇ doˆ-euˬ meh.