Gʼaˬkʼehˇ 5:39 - Akha

³⁹ Ehˇ kʼawꞈ, Miˬyehˇ neh bi mˇ-euˬ jeˬ ngeuˇ lawˬ naˇ, naw maꞈ maˬ zuiˆ gʼaˬ nya-aˇ. Nymˬ-mˇ Miˬyehˇ-ahˇ guiˇ deuˆ cawˬ shaˇ gaˇ duˇ tehꞈ-a.” Baꞈ dzah aˇ muˇ kʼoeˇ, Gaˬmaˬleˬlaˇ-euˬ ehˇ dawˬ geuꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aerkhawf, Miqyaer-anr nae dovle-euq ngeur nar-aq, nawmaf, aqyawf maf-anr maq lavtsoeq nya-ar. Khoeruqtaf, nawmaf, Miqyaer-anr guirdeuv deuv-eu nga laer mawrlar-eu baw-mr.”

Gʼaˬkʼehˇ 5:39 Referans Kwoze

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.

1 Gawˇliˬtu 1:25

Aˬ jeˬ miˇ neh ehˇ naˇ, Miˬyehˇ dawˇ ga ga-eu jeˬ-aˬ, tsawˇ haˬ zaˬ-euˬ zaˬ siˬ tsawˇ gahˇ naˆ maˬ tseˇ gahˇ dzehˬ-awˇ, Miˬyehˇ gʼaˬ baˬ-eu jeˬ-aˬ, tsawˇ haˬ zaˬ gʼaˬ kʼaˆ-eu naˆ maˬ tseˇ deuˇ dzehˬ-eu meh.

Gʼaˬkʼehˇ 11:17

Aˬ dui maꞈ Sahˬpaˬ Yeˬsuˇ Ka li-ahˇ jah ngeh, Miˬyehˇ neh aˬ dui-ahˇ biꞈ laꞈ-euˬ laꞈ sawˬ kʼoeˇ, Yuˇdaˆ tsawˇ haˬ maˬ ngeuˇ-eu kʼoeˇ deuˬ-ahˇ kʼawꞈ Miˬyehˇ biꞈ-euˬ ngaˇ lehˇ, bya cehˆ ni siˬ duˬ laˇ-euˬ meh. Miˬyehˇ-ahˇ ngaˇ aˬ joˆ-ehˇ paˇ laˆ tsoeˬ nya nmˇ tawˇ.”

Gʼaˬkʼehˇ 9:5

Aˬ yawꞈ ehˇ-eu, “Sahˬpaˬ-oˇ, nawˇ aˬ suˇ gʼaˬ te.”

Gʼaˬkʼehˇ 6:10

Ehˇ kʼawꞈ, Yaw sahˇ Miˬyehˇ neh Saˬteˬpaˬ-ahˇ tsawˇ gahˇ biꞈ taˬ-euˬ miˇ neh, aˬ yawꞈ maꞈ maˬ pyehˇ gʼaˬ nya-a.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Yawˇbaˆ 34:29

Miˬyehˇ tiˬ jeˬ-iˬ maˬ paˇ mˇ ma lehˇ noeˬ tsehˆ shaw naˇ, tiˬ gʼaˬ-iˬ aˬ yawꞈ-ahˇ iˬ baˇ maˬ taˬ nya-a. Aˬ yawꞈ-euˬ myaˆ pyawˬ-ahˇ aˬ yawꞈ dehˬ kaˬ taˬ naˇ, tsawˇ haˬ zaˬ neh maˬ paˇ laˆ luˆ nya meh.

Gʼaˬkʼehˇ 23:9

Paˬliˬsehˇ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ tsawˬ tuˇ laˇ-awˇ ehˇ-eu, “Tsawˇ haˬ heu gʼaˬ-euˬ yaw lehˬ tiˬ jeˬ-iˬ aˬ dui maˬ mawˇ-aˬ. Yaw sahˇ neh maˬ ngeuˇ naˇ, mˬ taˆ gʼaˬ kʼehˇ neh aˬ yawꞈ-ahˇ dawˬ ngehˬ cawˬ-euˬ maˬ siˬ tawˇ.”

Iˇsaˬyaˇ 43:13

Nymˬ-mˇ ngaˇ Miˬyehˇ pyeuꞈ-eu loꞈ-ehˇ, mˬ maˬ maˬ byaˆ zaˇ ziˇ ngaˇ Miˬyehˇ ma. Ngaˬ-euˬ baoˬ-ahˇ cehˆ dzeuˇ nya-eu gʼaˬ maˬ jawˇ-ehˇ, ngaˬ neh mˇ-euˬ jeˬ-ahˇ laˆ paˇ nya-eu gʼaˬ maˬ jawˇ-a.”

Iˇsaˬyaˇ 45:9

Miˇ tsaˬ oeˬ lahˬ tsahˬ-ahˇ ga-eu miˇ tsaˬ oeˬ lahˬ, tehˆsahˇ-ahˇ dawˬ dziˇ dziˇ leˇ nya ta loˇ. Oeˬ lahˬ tehˆ gaˇ zmˬ-euˬ shaˬ jehˆ, tehˆ sahˇ-ahˇ teh ngehˬ leˇ nya ta loˇ. Tehˆ sahˇ gʼaˬ maˬ bym law nyaˬ lehˇ, shaˬ jehˆ oeˬ lahˬ ehˇ nya ta loˇ.

2 Sahˬpaˬ 19:22

Nawˇ yehˬ bawˬ sehˇ lu-ehˇ ehˇ niˇ gʼa-awˇ naˬ gʼa-eu teu, aˬ suˇ gʼaˬ-ahˇ naˬ gʼa-eu nga lehˇ nawˇ noeˬ-eu nya. Nawˇ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ yaw zeu maˬ baw-eu jeˬ mˇ luꞈ-eu meh.

1 Sahˬpaˬ 12:24

‘Naw maꞈ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ-ahˇ guiˇ taˬ deuˆ leˇ. Naw maꞈ dawˬ tawˆ luꞈ yawˬ ha-euˬ nymˇ-ahˇ gʼoꞈ-iˇ-awˬ. Kʼaˇ pyeuꞈ laˇ-euˬ gaˇ kawˆ dawˬ tawˆ luꞈ ngaˇ nui ma tsaˬ-eu miˇ neh bi pyeuꞈ laˇ-euˬ ma lehˇ Sahˬpaˬ Miˬyehˇ ehˇ-eu meh’ lehˇ ehˇ nehˬ-awˬ.” Aˬ yawꞈ maꞈ dawˬ tawˆ luꞈ, Sahˬpaˬ Miˬyehˇ-euˬ dawˬ-ahˇ naˇ haˬ-awˇ gʼoꞈ-iˇ-euˬ meh.

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

Aˇ dahˬ 24:50

Laˬbaˬ hawˇ-eu Beˬtuˬlaˇ ehˇ-eu, “Gaˇ heu hmˬ-aˬ, Sahˬpaˬ Miˬyehˇ neh mˇ-euˬ gaˇ pyeuꞈ-eu miˇ neh, nga maꞈ tiˬ jeˬ-iˬ maˬ paˇ ja ma.