Gʼaˬkʼehˇ 27:7 - Akha

⁷ Nga maꞈ lehˇ baw saˬ paˇ taw-awˇ, aw lawˆ lawˆ-ehˇ gʼawˬ mya nah shaˬ shaˬ-ehˇ iˇ-eu laꞈ kʼoeˇ, Gaˬniˇ meuˬ dawˬ peh shaˬ keuˆ gʼeh-euˬ ma. Nga maꞈ mehˬ hu paw tiˬ pawꞈ-iˬ maˬ iˇ jiˆ nya ni jaˬ lehˇ neh dehˬ tehˬ taˬ-euˬ miˇ neh, Saˬmoˬneˬ meuˬ paw zaꞈ ahˇ-iˇ-awˇ, meuˬ kʼoeˇ meuˬ-euˬ kʼoeˇ paw kʼaˇ iˇ dzeuˇ gʼeh-awˇ, Gaˬleˬdeˬ iˇ jaw lahˇ-ahˇ baˇ shmˇ-awˇ iˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nga’maf ghawqmya nan byanni, arlawv lawv-aer irghae-awr, maqghaq maqnav-aer Gaqnir meuq-euq dawqpae irkeuv-euq ma. Jaqlaer baw-eu arpyawq maqtsaq-eu mirnae, nga’maf maeqhu paw maqir nya-aer, Gaqlaqdeq irjawlanr-anr ghoe-awr, jaqlaer maqzaw-eu Saqmoqneq meuq paw nae irghae-euq ma.

Gʼaˬkʼehˇ 27:7 Referans Kwoze

Gʼaˬkʼehˇ 27:21

Tiˬ jeˬ-iˬ maˬ dzaˬ ni dzahˬ luꞈ-eu myahˇ laˇ-euˬ meh. Kʼoeˇ miˇ neh, aˬ yawꞈ maꞈ-euˬ mehˬ shi Pawˇluˆ yawꞈ-awˇ, heu loꞈ-ehˇ ehˇ-eu meh. “Cawˬ deuˬ-oˇ, naw maꞈ ngaˇ ehˇ gaˇ naˇ haˬ-awˇ, Gaˬlaˬdeˬ iˇ jaw lahˇ-ahˇ neh maˬ doˆ le ni jawˇ law nmˇ-aˬ, luˬ-iˇ seˇ-iˇ-eu heu-ahˇ maˬ paˇ ya daˬ-aˇ.

Tiˇtuˆ 1:12

“Gaˬlaˬdeˬ iˇ jaw lahˇ-ahˇ jawˇ-eu tsawˇ haˬ deuˬ-aˬ, jaˬ myawꞈ myawꞈ-eu, jeˬ zaˬ yaw haiˬ loꞈ-ehˇ dehꞈ-eu, yaw doeˇ doeˇ-awˇ dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, heu loꞈ-ehˇ gʼeh-eu tsawˇ haˬ tehꞈ meh” lehˇ, Miˬyehˇ gʼaˇ duˬ ngehˬ dah-eu aˬ yawꞈ maꞈ-euˬ tsawˇ haˬ tiˬ gʼaˬ neh ehˇ taˬ-euˬ dawˬ jaˆ-eu meh.

Tiˇtuˆ 1:5

Maˬ mˇ luiˆ dah-euˬ gaˇ deuˬ mˇ luiˆ-eu gʼaˇ duˬ maˬ ehˇ, iˇ jaw lahˇ laꞈ kʼoeˇ jaˆ-eu meuˬ yawˬ meuˬ na luꞈ laꞈ kʼoeˇ Ka li zaˬ aˇ muˇ-ahˇ sheuˬ gʼeh nehˬ-eu aˬ yuiꞈ aˬ tsu deuˬ tseˇ doˆ nehˬ-eu gʼaˇ duˬ maˬ ehˇ, Gaˬlaˬdeˬ iˇ jaw lahˇ laꞈ kʼoeˇ nawˬ-ahˇ ngaˇ bi jawˇ yaꞈ-euˬ ma.

Gʼaˬkʼehˇ 2:11

Yuˇdaˆ tsawˇ jeuˬ maˬ ehˇ, Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ maˬ ehˇ, aˬ dui laꞈ kʼoeˇ ahˇ-eu ma. Tiˬ paˆ na deuˬ-aˬ Gaˬlaˬdeˬ miˇ kʼahˬ hawˇ-eu Aˬleˬbyaˇ miˇ kʼahˬ-ahˇ jawˇ-eu ma. Ehˇ kʼawꞈ, Miˬyehˇ neh mˇ-euˬ huiˬ-eu gaˇ deuˬ gaˇ kawˆ aˬ yawꞈ maꞈ ngehˬ-eu kʼoeˇ, aˬ dui dawˬ tawˆ luꞈ yawˬ ha tsawˇ jeuˬ-euˬ dawˬ-ahˇ neh ya gaˬ-euˬ ma.”

Gʼaˬkʼehˇ 27:4

Nga maꞈ kʼoeˇ gaˇ neh paˇ luˆ-iˇ-awˇ, jaˬ lehˇ pyawˬ maˬ tsaˬ-ehˇ nga maꞈ jawˇ paw baw kʼoꞈ laꞈ-eu miˇ neh, Guˇbaˬluˇ iˇ jaw lahˇ-ahˇ baˇ shmˇ-awˇ, jaˬ lehˇ maˬ zaw-eu paw dzeˇ pyawˬ-ahˇ neh iˇ-euˬ ma.