Gʼaˬkʼehˇ 27:25 - Akha

²⁵ Kʼoeˇ miˇ neh cawˬ deuˬ-oˇ, nui ma kʼaˬ duˬ ni jawˇ-awˬ. Ngaˬ-ahˇ kʼaˇ ehˇ nehˬ le-euˬ loꞈ-ehˇ aˬ diˇ aˬ maˇ pyeuꞈ laˇ tehꞈ-a lehˇ Miˬyehˇ-ahˇ ngaˇ jah ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Khoermirnae, cawqdeuq-or! Nawmaf nuima noeqsar-awq. Ngaq-anr aernaeq laf-euq lof-aer pyeuflar taef-a laer ngar, Miqyaer-anr jan ma.

Gʼaˬkʼehˇ 27:25 Referans Kwoze

Luˇkaꞈ 1:45

Sahˬpaˬ Miˬyehˇ neh kʼaˇ ehˇ nehˬ laꞈ-euˬ jeˬ aˬ diˇ aˬ maˇ pyeuꞈ laˇ tehꞈ-a lehˇ jah-eu zaˬ miˬ zaˬ-aˬ, guiˬ lahˬ huiˬ dui dui meh.”

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Gʼaˬkʼehˇ 27:11

Ehˇ kʼawꞈ, guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ kʼoeˇ gʼaˬ, Pawˇluˆ ehˇ gaˇ naˇ haˬ-eu naˆ maˬ tseˇ, saˇ baoˬ teh-eu gʼaˬ hawˇ-eu saˇ baoˬ-euˬ yaw sahˇ gʼaˬ ehˇ gaˇ naˇ haˬ-euˬ meh.

2 Laˬsaˬbaˬ 20:20

Yawˬ nah yawˬ uˬ shawˬ yaw naꞈ-ehˇ, Teˬkawˬ meuˬ dawˬ peh jaˆ-eu bawˇ tsahˬ bawˇ dahˇ-ahˇ aˬ yawꞈ maꞈ iˇ-euˬ meh. Aˬ yawꞈ maꞈ doˆ-iˇ ngeh, aˬ yawꞈ maꞈ-ahˇ Yeˬhawˇshaˬpaˇ heu loꞈ-ehˇ ehˇ nehˬ-euˬ meh. “Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ gʼoe-awˇ, nui ma ziꞈ dah ni taˬ-awˬ. Aˬ yawꞈ-euˬ gʼaˇ duˬ ngehˬ dah-eu gʼaˬ neh ehˇ-euˬ dawˬ-ahˇ naw maꞈ jah-awˬ. Kʼoeˇ loꞈ-ehˇ jah naˇ, naw maꞈ gʼaˬ leˇ tehꞈ-a.”

Gʼaˬkʼehˇ 27:36

Aˬ yawꞈ maꞈ kʼawꞈ, nui ma gʼaˬ ahˇ laˇ-awˇ, yawˬ gʼaˬ na luꞈ tiˬ jeˬ paˬ dzaˬ-euˬ meh.