Gʼaˬkʼehˇ 26:28 - Akha

²⁸ Sahˬ paˬ Aˬgiˇpaˆ Pawˇluˆ-ahˇ ehˇ-eu, “Aˇ yamˬ heu myah tehꞈ laꞈ kʼoeˇ, ngaˇ Ka li zaˬ pyeuꞈ laˇ ni nawˇ jahˇ nya ma lehˇ noeˬ te loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Khoerngae, sanqpaq Aqgirpav, Pawrluv-anr aerkhof naeq-eu, “Uicuiv nae maqngeur lawnmr-aq, ngar, Kalizaq pyeuflarni nawq nae bi gheupyawr-euq law mir-a.”

Gʼaˬkʼehˇ 26:28 Referans Kwoze

Gʼaˬkʼehˇ 11:26

Aˬ yawꞈ-ahˇ poˆ mawˇ ngeh, Aˬdiˇawˬ meuˬ-ahˇ sheuˬ gʼeh-awˇ, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ nyaꞈ kʼoꞈ kʼoꞈ lah ni tahˬ dzoeˇ-awˇ, tsawˇ haˬ gʼawˬ mya ni-ahˇ mehˬ nehˬ tsoˆ nehˬ-euˬ meh. Jah-eu tsawˇ haˬ deuˬ-ahˇ Ka li zaˬ lehˇ kuˇ beh beh-euˬ kʼoeˇ-aˬ, Aˬdiˇawˬ meuˬ-ahˇ meh.

Maꞈtehˬ 10:18

Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ naw maꞈ-ahˇ paꞈ-awˇ, uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh tehꞈ-a. Kʼoeˇ loꞈ-ehˇ pyeuꞈ laˇ-eu laꞈ kʼoeˇ, sahˬ paˬ sahˬ ma kʼoeˇ deuˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ-ahˇ naw maꞈ laˬ kʼaˬ cehˇ-eu guiˬ lahˬ dawˬ ya mehˬ tehꞈ-a.

1 Beˬtuˆluˆ 4:16

Ehˇ kʼawꞈ, Ka li zaˬ pyeuꞈ-eu miˇ neh kʼehˬ-eu kʼaˆ-eu jeˬ-ahˇ ya daˬ-euˬ jeˬ ngeuˇ naˇ, kʼoeˇ loꞈ-ehˇ ya daˬ-eu baˬ da neh maˬ shaꞈ dawˇ ni, naw maꞈ Ka li-euˬ tsawˇ myahˇ ya pi luꞈ-eu baˬ da neh Miˬyehˇ-ahˇ ja ceuˬ-awˬ.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Gʼaˬkʼehˇ 26:29

Pawˇluˆ ehˇ-eu, “Aˇ yamˬ yaw nymˇ yaw myahˇ taˬ ehˇ. Nawˇ hawˇ-eu iˬ nah ngaˇ ehˇ gaˇ kʼaˇ naˇ haˬ luꞈ-eu tsawˇ haˬ heu deuˬ dawˬ tawˆ luꞈ, ngaˇ shmˇ caˆ daˬ luꞈ-eu heu tiˬ hmˬ maˬ ngeuˇ naˇ, ngaˬ loꞈ-ehˇ jah-eu tsawˇ haˬ pyeuꞈ laˇ ni, Miˬyehˇ-ahˇ ngaˇ guiˬ lahˬ shaˇ luꞈ ma.”

Gʼaˬkʼehˇ 24:25

Ehˇ kʼawꞈ, yaw tsaˬ yaw dawˇ jeˬ gaˇ kawˆ, yawˬ ha-euˬ nui ma-ahˇ nyehꞈ tehˬ gʼaˬ-eu gaˇ kawˆ, Yaˇ kʼaˬ daˇ-eu Aˇ nah keuˆ le luꞈ-eu gaˇ kawˆ heu deuˬ-ahˇ Pawˆluˆ ja keuˆ ngeh, Peˬliˇ noeˬ guˆ laˇ-awˇ ehˇ-eu, “Nawˇ gʼoꞈ-iˇ-awˬ. Aˬ kaˇ dah ngeh nawˬ-ahˇ ngaˇ paˇ bi kuˇ le ma.”

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Gʼaˬkʼehˇ 26:27

Sahˬ paˬ Aˬgiˇpaˆ-oˇ, Miˬyehˇ gʼaˇ duˬ ngehˬ dah-eu deuˬ-ahˇ nawˇ maˬ jah loˇ. Nawˇ jah meh lehˇ ngaˇ siˬ nya ma.”