Gʼaˬkʼehˇ 25:10 - Akha

¹⁰ Pawˇluˆ ehˇ-eu, “Sahˬpaˬ Gehˇsaˬ-euˬ yaˇ kʼaˬ daˇ-eu nymˇ-ahˇ ngaˇ yawꞈ luꞈ-eu ma. Ngaˬ-ahˇ heu gaˇ yaˇ kʼaˬ ja-eu tsaˬ meh. Nawˇ siˬ luꞈ-eu loꞈ-ehˇ, Yuˇdaˆ tsawˇ haˬ deuˬ kʼoeˇ taˆ ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoerngae, Pawrluv heulof-aer aerkhof naeq-euq mae: “Ngar, Gaersaq-euq yarkhaq dar-eu nuirmanq-euq maeqshi yawfluf-eu ma. Heugar jawr-awr ngaq-anr yarkhaq darnaeq-eu tsaq taef-a. Nawr siqduq-eu lof-aer, ngar, Yurdav tsawrhaq-anr mrbanq taq-euq tiqjeq-iq maqjav.

Gʼaˬkʼehˇ 25:10 Referans Kwoze

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Gʼaˬkʼehˇ 28:18

Loˇmaˆ tsawˇ haˬ deuˬ tehꞈ law nmˇ-aˬ, ngaˬ-ahˇ pyehˆ tseˇ-awˇ naˇ haˬ gʼaˬ ngeh, ya shiˇ gaˇ keuˆ ni mˇ lehˬ taˬ-euˬ tiˬ jeˬ-iˬ maˬ jaˆ-eu miˇ neh, ngaˬ-ahˇ pyehˬ nehˬ mawꞈ-eu meh.

Gʼaˬkʼehˇ 26:31

Aˬ yawꞈ maꞈ gʼoꞈ doˆ le-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ heu gʼaˬ-ahˇ sehꞈ paˬ-ehˇ, maˬ ngeuˇ naˇ tawˬ-ahˇ dawˆ paˬ-ehˇ mˇ lehˬ taˬ-euˬ tiˬ jeˬ-iˬ maˬ jaˆ law hawˇ ngaˬ laˬ.”

Gʼaˬkʼehˇ 25:25

Ehˇ kʼawꞈ, aˬ yawꞈ bi shiˇ-eu gʼaˇ duˬ yaˇ kʼaˬ daˇ nehˬ paˬ-ehˇ, aˬ yawꞈ neh mˇ bahˬ taˬ-euˬ tiˬ jeˬ-iˬ ngaˇ maˬ poˆ doˆ nya-eu uˬ taꞈ, Huiˬ dui dui-eu Sahˬ paˬ Gehˇsaˬ neh yaˇ kʼaˬ bi daˇ nehˬ laꞈ lehˇ aˬ yawꞈ ngaˬ-ahˇ shaˇ-eu miˇ neh, aˬ yawꞈ-ahˇ bi sheuˬ ha leˇ-eu lehˇ ngaˇ noeˬ tsehˆ gʼaˬ-euˬ ma.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Gʼaˬkʼehˇ 25:17

Aˬ yawꞈ maꞈ heu gaˇ oe keuˆ ngeh, ngaˇ aˇ yamˬ jiˆ jiˆ-ehˇ maˬ jawˇ ni yawˬ nah yawˬ yaˇ kʼaˬ daˇ-eu nymˇ-ahˇ nuiˇ leˇ-awˇ, tsawˇ haˬ kʼoeˇ gʼaˬ-ahˇ bi sheuˬ laˬ-iˇ-eu gʼaˇ duˬ dawˬ biꞈ-euˬ ma.

Gʼaˬkʼehˇ 25:6

Sahˬ paˬ Beˬtuˇ aˬ yawꞈ maꞈ nehˬ-ehˇ gʼoeˬ nah tseˇ nah byah ni paˇ jawˇ-awˇ, Gehˇsaˬliˇ meuˬ-ahˇ gʼoꞈ ka-iˇ-euˬ meh. Yawˬ nah yawˬ yaˇ kʼaˬ daˇ-eu nymˇ-ahˇ aˬ yawꞈ nuiˇ-awˇ, Pawˇluˆ-ahˇ kʼoeˇ gaˇ bi sheuˬ uˇ laꞈ-euˬ meh.

Gʼaˬkʼehˇ 23:29

Aˬ yawꞈ-ahˇ sehꞈ paˬ-ehˇ maˬ ehˇ, tawˬ-ahˇ dawˆ paˬ-ehˇ maˬ ehˇ, aˬ yawꞈ neh mˇ-euˬ yaw lehˬ tiˬ jeˬ-iˬ ngaˇ maˬ mawˇ-aˬ. Aˬ yawꞈ-ahˇ iˬ baˇ taˬ-eu gaˇ kawˆ-aˬ, aˬ yawꞈ maꞈ-euˬ zahˇ dawˬ kʼoꞈ dawˬ-ahˇ taꞈ leˇ-eu gaˇ kawˆ tehꞈ meh.

Maꞈtehˬ 27:19

Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”