Gʼaˬkʼehˇ 24:5 - Akha

⁵ Tsawˇ haˬ heu gʼaˬ-aˬ, guˆ laˇ paˬ-ehˇ gʼeh-eu haiˬ dui dui-eu tsawˇ haˬ tiˬ gʼaˬ pyeuꞈ-eu nga maꞈ ya mawˇ-euˬ ma. Miˇ tsaˬ kʼoeˇ taˆ kʼaˇ jawˇ-eu Yuˇdaˆ tsawˇ haˬ deuˬ suˬ saˬ laˇ ni gʼaˬ biꞈ-eu Naˬzaˬlehˇ aˇ muˇ -euˬ aˬ yuiꞈ tiˬ gʼaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Gʼaˬkʼehˇ 24:5 Referans Kwoze

Gʼaˬkʼehˇ 28:22

Ehˇ kʼawꞈ, iˬ nah nawˇ uˇ luꞈ-eu aˇ muˇ heu muˇ-ahˇ, yawˬ gaˇ na luꞈ aˬ cawˬ ja doeˇ-awˇ iˬ baˇ taˬ luꞈ-eu nga maꞈ ya siˬ duˬ taˬ-euˬ ma. Kʼoeˇ miˇ neh, nawˬ neh noeˬ taˬ-euˬ gaˇ kawˆ ja gaˇ nga maꞈ naˇ haˬ mawꞈ miˇ-a.”

Gʼaˬkʼehˇ 24:14

Ehˇ kʼawꞈ, nawˬ-euˬ mehˬ shi ngaˇ dawˇ coe ni heu loꞈ-ehˇ ja doˆ-eu ma. Aˬ yawꞈ maꞈ maˬ tsaˬ-a lehˇ ehˇ-eu Gaˇma kʼoeˇ kahˇ-ahˇ ngaˇ caw teh-eu laꞈ kʼoeˇ, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ ngaˇ uˬ duˬ tahˬ luꞈ-eu ma. Ehˇ kʼawꞈ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ kʼawꞈ ngaˇ jah luꞈ ma.

Gʼaˬkʼehˇ 26:5

Aˬ yawꞈ maꞈ ehˇ doˆ mawꞈ law nmˇ-aˬ, aˬ dui-euˬ uˬ duˬ tahˬ-eu zahˇ sahˇ kʼoꞈ laꞈ kʼoeˇ aˬ cawˬ naˆ maˬ tseˇ zahˇ sahˇ kʼoꞈ-ahˇ caw teh byah dui dui-eu aˇ muˇ pyeuꞈ-eu Paˬliˬsehˇ aˇ muˇ laꞈ kʼoeˇ, yaw beh neh ngaˇ uˇ leˇ-euˬ aˬ yawꞈ maꞈ siˬ nya jiˇ meh.

Gʼaˬkʼehˇ 15:5

Ehˇ kʼawꞈ, Paˬliˬsehˇ aˇ muˇ-ahˇ uˇ-eu jah-eu tsawˇ haˬ tiˬ paˆ na deuˬ tuˇ laˇ-awˇ, “Aˬ cawˬ tsawˇ jeuˬ gʼeh baˆ kʼoˆ mehˬ dzaˬ ya bi yehˬ-awˇ, Moˇseˬ-euˬ Zahˇ dawˬ kʼoꞈ dawˬ-ahˇ ya bi caw teh tehꞈ-a” lehˇ ehˇ-eu meh.

1 Gawˇliˬtu 4:13

Nga maꞈ-ahˇ yehˬ bawˬ sehˇ lu-ehˇ ehˇ laˇ gaˇ, dawˬ nahˬ yu ni ngehˬ kʼoꞈ nehˬ-eu ma. Nga maꞈ-aˬ, miˇ tsaˬ heu kʼoeˇ taˆ aˬ cawˬ maˬ geuꞈ nahˇ-ehˇ shehˆ dzeh taˬ-euˬ yaw jawꞈ yaw laꞈ-ahˇ duˇ miˇ-a.

Gʼaˬkʼehˇ 21:28

Aˬ yawꞈ maꞈ guˇ-awˇ ehˇ-eu, “Iˇsaˬleˬlaˆ tsawˇ haˬ deuˬ-oˇ, caw ba le-awˬ. Tsawˇ haˬ heu gʼaˬ yawˬ gaˇ na luꞈ iˇ doe-awˇ, Iˇsaˬleˬlaˆ tsawˇ haˬ maˬ ehˇ, Moˇseˬ-euˬ Zahˇ dawˬ kʼoꞈ dawˬ maˬ ehˇ, Uˬ duˬ tahˬ nymˇ nymˇ ma heu maˬ ehˇ, maˬ tsaˬ-a lehˇ mehˬ mehˬ-ehˇ cah-eu meh. Nymˬ-mˇ poˆ jawˇ-aˬ, Uˬ duˬ tahˬ nymˇ nymˇ ma laꞈ kʼoeˇ keuˆ ni aˬ cawˬ tsawˇ jeuˬ paˇ sheuˬ ahˇ laꞈ-awˇ, muiˬ-eu shawˇ-eu jawˇ duˬ-ahˇ laˆ jawꞈ laˇ-euˬ ngaˇ.”

Gʼaˬkʼehˇ 5:17

Kʼoeˇ ngeh, Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ dawˬ tawˆ luꞈ maˬ ehˇ, Saˬduˬgehˇ aˇ muˇ laꞈ kʼoeˇ uˇ-eu tsawˇ haˬ deuˬ maˬ ehˇ, gʼaˬ kʼehˇ deuˬ-ahˇ myaˆ naˆ dui dui laˇ-awˇ, yaw doeˇ jahˇ-eu gʼaˇ duˬ noeˬ tsehˆ-euˬ meh.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

1 Beˬtuˆluˆ 2:19

Naw maꞈ Miˬyehˇ-euˬ nui kʼahˇ siˬ nya-eu laꞈ kʼoeˇ maˬ ngeuˇ gaˇ keuˆ ni kʼehˬ nehˬ kʼaˆ nehˬ laꞈ gaˇ daˬ dzeuˇ oˇ dzeuˇ naˇ, kʼoeˇ-euˬ gʼaˇ duˬ Miˬyehˇ naw maꞈ-ahˇ guiˬ lahˬ biꞈ laꞈ tehꞈ-a.

1 Gawˇliˬtu 11:19

Naw maꞈ-euˬ laꞈ kʼoeˇ muiˬ dzehˬ-eu tsawˇ haˬ deuˬ-ahˇ siˬ duˬ mawˇ duˬ laˇ ni, aˇ muˇ muˇ paˆ-eu jeˬ jaˆ laˇ-eu baw tehꞈ-a.

Gʼaˬkʼehˇ 22:22

Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Gʼaˬkʼehˇ 6:13

Kʼoeˇ naˇ, jaˬ myawꞈ myawꞈ-eu gʼaˇ duˬ aˬ yawꞈ maꞈ neh mehˬ gahˇ taˬ-euˬ tsawˇ haˬ deuˬ sheuˬ ahˇ laꞈ-awˇ, heu loꞈ-ehˇ bi ehˇ-euˬ meh. “Tsawˇ haˬ heu gʼaˬ-aˬ, aˬ dui-euˬ muiˬ-eu shawˇ-eu Uˬ duˬ tahˬ nymˇ nymˇ ma hawˇ-eu Moˇseˬ-euˬ Zahˇ dawˬ kʼoꞈ dawˬ-ahˇ bahˬ leˇ-eu dawˬ maˬ tsehˆ leˇ ni ngehˬ luꞈ meh.

Luˇkaꞈ 23:25

Miˇ kʼahˬ zaˬ luiˬ gʼa laˇ ni jahˇ-euˬ uˬ taꞈ, tsawˇ haˬ-ahˇ sehꞈ-euˬ miˇ neh tawˬ-ahˇ bi nyehꞈ uˇ taˬ-euˬ gʼaˬ-ahˇ-aˬ, aˬ yawꞈ maꞈ shaˇ-eu loꞈ-ehˇ pyehˬ doˆ nehˬ-euˬ meh. Ehˇ kʼawꞈ, Yeˬsuˇ-ahˇ-aˬ, aˬ yawꞈ maꞈ-euˬ nui noeˬ bi jahˇ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.

Luˇkaꞈ 23:19

Baˬlaˬbaˇ-aˬ, meuˬ laꞈ kʼoeˇ miˇ kʼahˬ zaˬ deuˬ luiˬ gʼa laˇ ni jahˇ-euˬ uˬ taꞈ, tsawˇ haˬ sehꞈ-euˬ miˇ neh, tawˬ-ahˇ bi dawˆ taˬ-euˬ meh.

Luˇkaꞈ 23:5

Ehˇ kʼawꞈ, Yeˬsuˇ-ahˇ yaw lehˬ poˆ-eu tsawˇ haˬ kʼoeˇ deuˬ yaw kʼaˆ-ehˇ paˇ leh jeh laˇ-awˇ ehˇ-eu, “Yuˇdaˆ miˇ kʼahˬ kʼahˬ lah ni miˇ kʼahˬ zaˬ deuˬ luiˬ gʼa laˇ ni aˬ yawꞈ mehˬ luꞈ tsoˆ luꞈ-eu meh. Gaˬliˬlehˇ miˇ kʼahˬ-ahˇ mehˬ dahˬ beh-awˇ, nymˬ-mˇ heu gaˇ mehˬ keuˆ laˇ-euˬ meh.”

Maꞈtehˬ 10:25

Kʼoeˇ miˇ neh, gʼaˬ kʼehˇ gʼaˬ yawˬ ha-euˬ saˬ laˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ-awˇ, zaˬ kʼaˆ gʼaˬ yawˬ ha-euˬ baw leˬ hui ni huiˬ keuˆ leˇ nya naˇ, nui kʼahˇ shiˇ-eu tsaˬ tehꞈ-a. Nymˇ sahˇ aˬ da gʼaˬ-ahˇ Beˬlaˇzeˬbuˇlaˆ lehˇ kuˇ naˇ, nymˇ kʼahˬ zaˬ deuˬ-ahˇ kʼoeˇ naˆ maˬ tseˇ doeˇ-eu tsawˇ myahˇ kuˇ-eu tsaˬ tehꞈ-a.

Maꞈtehˬ 2:23

Kʼoeˇ naˇ, Naˬzaˬlehˇ meuˬ-ahˇ aˬ yawꞈ jawˇ-euˬ meh. Miˬyehˇ gʼaˇ duˬ ngehˬ dah-eu tsawˇ haˬ deuˬ neh, Yeˬsuˇ-euˬ gaˇ kawˆ-ahˇ taꞈ leˇ-awˇ, “Aˬ yawꞈ-ahˇ Naˬzaˬlehˇ tsawˇ haˬ lehˇ kuˇ tehꞈ-a” lehˇ ehˇ taˬ-euˬ dawˬ kʼoeˇ dawˬ, kʼoeˇ loꞈ-ehˇ byah laˇ-euˬ meh.

Aˬmoˆ 7:10

Beˬdeˬlaˇ meuˬ-ahˇ jawˇ-eu piˇ ma yaw huiˬ gʼaˬ pyeuꞈ-eu Aˬmaˬziˇ gʼaˬ, Iˇsaˬleˬlaˆ sahˬ paˬ Yeˬyawˇbamˬ jawˇ gaˇ heu loꞈ-ehˇ bi tsaꞈ gaˬ leˇ-euˬ meh. “Aˬmoˆ-aˬ, miˇ kʼahˬ zaˬ deuˬ jawˇ gaˇ nawˬ-euˬ gaˇ kawˆ maˬ muiˬ-eu jeˬ ja-awˇ, miˇ kʼahˬ bi pyaˆ laˇ-eu dawˬ ngehˬ luꞈ meh.

Yeˬlaˬmiˇ 38:4

Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Iˇsaˬtaˆ 3:8

Kʼoeˇ naˇ, sahˬ paˬ-ahˇ Haˬmaˬ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ yawˬ kʼahˬ na luꞈ jawˇ doe jiˇ taˬ-euˬ tsawˇ jeuˬ tiˬ jeuˬ jawˇ meh. Aˬ yawꞈ maꞈ-aˬ, aˬ cawˬ tsawˇ jeuˬ-ahˇ maˬ duˇ-eu zahˇ sahˇ kʼoꞈ tawˬ luꞈ-eu meh. Kʼoeˇ uˬ taꞈ, nawˬ-euˬ miˇ kʼahˬ zahˇ sahˇ kʼoꞈ deuˬ-ahˇ kʼawꞈ aˬ yawꞈ maꞈ maˬ naˇ haˬ geuꞈ-eu miˇ neh, aˬ yawꞈ maꞈ-ahˇ tiˬ jeˬ-iˬ maˬ jahˇ nehˬ ni kʼoeˇ loꞈ-ehˇ bi jawˇ-eu-aˬ, nawˬ-euˬ gʼaˇ duˬ tiˬ pawꞈ-iˬ maˬ muiˬ-a.

Yeˬlaˬmiˇ 37:13

Ehˇ kʼawꞈ, Beˬyaˬmiˬ lahˇ kʼehˬ-ahˇ ngaˇ le keuˆ ngeh, lahˇ kʼehˬ-ahˇ loꞈ piˇ-eu yehˇ pyeuꞈ-eu Iˇliˇjaˬ lehˇ kuˇ-eu gʼaˬ, “Nawˇ Baˬbuˇloˬ tsawˇ haˬ jawˇ paw cehˆ uˇ leˇ-eu lehˇ gʼeh-eu nga” lehˇ ngaˬ-ahˇ ehˇ-eu meh. Iˇliˇjaˬ-euˬ aˬ da-aˬ, Sheˬleˬmiˇ meh. Aˬ yawꞈ-euˬ aˬ bawˇ-aˬ, Haˬnaˬniˇyaˆ meh.

Maˬkuˆ 1:24

guˇ guˇ-ehˇ ehˇ-eu, “Naˬzaˬlehˇ tsawˇ haˬ Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ-eu lehˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ kʼehˇ meh.”

Gʼaˬkʼehˇ 24:4

Ehˇ kʼawꞈ, ngaˇ dawˬ gʼawˬ mya ni ngehˬ-eu laꞈ kʼoeˇ nawˬ-euˬ aˇ yamˬ maˬ laˆ jiˇ mawꞈ nya. Teu miˇ neh, nga maꞈ-euˬ gaˇ kawˆ ngaˇ yaw nymˇ nymˇ-ehˇ ehˇ gaˇ, gʼawˬ shaˬ gaˬ-eu laꞈ kʼoeˇ tiˬ poˆ naˇ haˬ nehˬ laꞈ lehˇ nawˬ-ahˇ shaˇ-eu ma.

Gʼaˬkʼehˇ 25:7

Pawˇluˆ laˇ keuˆ ngeh, Yeˬluˇsaˬlehˬ meuˬ-ahˇ neh oe-euˬ Yuˇdaˆ tsawˇ haˬ deuˬ aˬ yawˬ-euˬ tiˬ jawˬ yawꞈ-awˇ, aˬ yawꞈ lehˬ dui dui-eu gaˇ kawˆ gʼawˬ mya jeˬ ehˇ-eu meh. Ehˇ kʼawꞈ, aˬ yawꞈ maꞈ ehˇ-eu kʼoeˇ saˇ kiˇ maˬ jaˆ-eu uˬ taꞈ, yaw duˬ maˬ baw-a.