Gʼaˬkʼehˇ 23:24 - Akha

²⁴ Pawˇluˆ bi dziˬ-eu mahˬ kʼawꞈ lehˬ hmˬ nehˬ-awˇ, sahˬ paˬ Peˬliˇ jawˇ gaˇ yaw muiˬ paˬ-ehˇ sheuˬ keuˆ na nehˬ-iˇ-awˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoeruqtaf, Pawrluv bidziq-eu jeqzaq khawf laeqhmq-awr, meuqsanr Peqlir jawr-eu gar yawmuiq paq-aer sheuqkeuv ha-ir-awq.”

Gʼaˬkʼehˇ 23:24 Referans Kwoze

Gʼaˬkʼehˇ 25:14

Aˬ nyaꞈ dzeˇ zaˬ kʼoeˇ gaˇ heu myaˆ nah jawˇ keuˆ laꞈ ngeh, saˬ paˬ Beˬtuˇ neh sahˬ paˬ Aˬgiˇpaˆ-ahˇ Pawˇluˆ gaˇ kawˆ heu loꞈ-ehˇ dzawˇ nehˬ-euˬ meh. “Sahˬ paˬ Peˬliˇ neh heu gaˇ tawˬ-ahˇ dawˆ taˬ yaꞈ-euˬ tsawˇ ha tiˬ gʼaˬ jawˇ meh.

Gʼaˬkʼehˇ 24:10

Kʼoeˇ naˇ, Pawˇluˆ dawˬ ngehˬ-eu gʼaˇ duˬ sahˬ paˬ Peˬliˇ laꞈ dzawˇ dzawˇ nehˬ ngeh, Pawˇluˆ heu loꞈ-ehˇ ehˇ-eu meh. “Nawˇ-aˬ, miˇ kʼahˬ heu kʼahˬ kʼoeˇ taˆ yaˇ kʼaˬ daˇ-eu gʼaˬ geuꞈ luꞈ-eu gʼawˬ mya kʼoꞈ byah laˇ-euˬ meh. Kʼoeˇ miˇ neh, nawˬ-euˬ mehˬ shi ngaˬ-euˬ gaˇ kawˆ ya dzawˇ mehˬ-eu nui kʼahˇ shiˇ dui dui nya.

Gʼaˬkʼehˇ 23:26

“Huiˬ-eu mahˇ-eu sahˬ paˬ Peˬliˇ jawˇ gaˇ, ngaˇ Gaˬlawˇdiˇ Luˇsiˆ sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 23:33

Aˬ yawꞈ maꞈ aˬ yawꞈ-ahˇ Gehˇsaˬliˇ meuˬ-ahˇ sheuˬ keuˆ gʼeh-awˇ, sahˬ boꞈ kʼoeˇ taꞈ sahˬ paˬ kʼoeˇ gʼaˬ-ahˇ biꞈ-awˇ, Pawˇluˆ-ahˇ kʼawꞈ aˬ yawꞈ-euˬ aˬ laꞈ laꞈ kʼoeˇ a nehˬ-euˬ meh.

Luˇkaꞈ 10:34

Tsawˇ haˬ kʼoeˇ gʼaˬ ga gaˇ aˬ yawꞈ iˇ-awˇ, diˬ leuꞈ diˬ kʼaw taˬ-euˬ maˇ kʼehˬ maˇ naˇ-ahˇ aˬ gaꞈ dzaˇ uiˇ hawˇ-eu tsiˇ shehˆ lehꞈ nehˬ-awˇ, saˬ paˇ neh lahˇ cuꞈ nehˬ-euˬ meh. Kʼoeˇ naˇ, aˬ yawꞈ neh dziˬ leꞈ-euˬ mahˬ tahˬ laˆ kʼoeˇ taˆ ciˬ dziˬ-awˇ, daˬ yah yaꞈ duˬ nymˇ laꞈ kʼoeˇ ciˬ ahˇ-awˇ, yaw muiˬ paˬ-ehˇ bo saˆ nehˬ-euˬ meh.

Luˇkaꞈ 3:1

Gehˇsaˬ Deˬbeˬliˇ dzoeˬ dzaˬ-eu tseˇ ngaˬ kʼoꞈ byah laˇ ngeh, Yuˇdaˆ miˇ kʼahˬ-ahˇ BoˬtiˆPiˇlaˆ uˆ lahˇ-awˇ, Gaˬliˬlehˇ miˇ kʼahˬ-ahˇ Heˬloˆ uˆ lahˇ-awˇ, Iˇtuˬlehˇ miˇ kʼahˬ hawˇ-eu Daˬlaˬgawˇniˇ miˇ kʼahˬ-ahˇ Heˬloˆ-euˬ aˇ doˆ Piˇliˇpuˆ uˆ lahˇ-awˇ, Aˬbiˇleˬ miˇ kʼahˬ-ahˇ Luˇsaˬniˇ uˆ lahˇ luꞈ-eu meh.

Maꞈtehˬ 27:2

Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Iˇsaˬtaˆ 8:12

Ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah, Yuˇdaˆ tsawˇ haˬ deuˬ-ahˇ ya sehꞈ meh lehˇ ehˇ taˬ-euˬ kʼoeˇ nah-ahˇ neh dahˬ beh-awˇ, sahˬ boꞈ heu taꞈ laꞈ kʼoeˇ kʼaˇ ehˇ taˬ-euˬ dawˬ deuˬ-ahˇ Paˇshaˇ miˇ kʼahˬ kʼahˬ lah ni ya caw teh meh.

Neˬhaˬmiˇ 2:12

Yeˬluˇsaˬlehˬ meuˬ gʼaˇ duˬ aˬ joˆ-ehˇ ya mˇ ya shaˇ-eu gaˇ kawˆ Miˬyehˇ neh ngaˬ-ahˇ mehˬ nehˬ laꞈ-euˬ jeˬ, tsawˇ haˬ tiˬ gʼaˬ-ahˇ-iˬ ngaˇ maˬ dzawˇ mehˬ nehˬ-aˬ. Uˬ ciꞈ sehˇ gʼahˇ ceh laˇ ngeh ngaˇ tsawˬ tuˇ-awˇ, cawˬ heu myaˆ gʼaˬ sheuˬ-awˇ doˆ-iˇ-euˬ ma. Nga maꞈ nehˬ-ehˇ ahˇ-eu jeˬ zaˬ-aˬ, ngaˇ dziˬ luꞈ-eu mahˬ tahˬ laˆ tiˬ mawˇ tehꞈ ma.

Gʼaˬkʼehˇ 23:25

Yaw huiˬ yaw mahˇ kʼoeˇ gʼaˬ sahˬ paˬ Peˬliˇ-ahˇ heu loꞈ-ehˇ sahˬ boꞈ boꞈ ahˇ gʼeh-euˬ meh.

Gʼaˬkʼehˇ 24:1

Ngaˬ nah byah laˇ ngeh, Piˇ ma Yaw huiˬ gʼaˬ pyeuꞈ-eu Aˬnaˬniˇ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ, dawˬ ngehˬ-eu bym dui dui-eu Deˬlaˬduˇluˆ lehˇ myahˇ-euˬ tsawˇ haˬ tiˬ gʼaˬ sheuˬ-awˇ Gehˇsaˬliˇ meuˬ-ahˇ iˇ-euˬ meh. Sahˬ paˬ Peˬliˇ-euˬ mehˬ shi aˬ yawꞈ maꞈ le-awˇ, Pawˇluˆ gaˇ kawˆ daˬ leˇ-euˬ meh.

Gʼaˬkʼehˇ 24:3

Nawˬ neh mˇ-euˬ gaˇ heu deuˬ-ahˇ, yawˬ gaˇ na luꞈ, yawˬ jawˇ na luꞈ nga maꞈ ha geuꞈ-awˇ, nawˬ-euˬ guiˬ lahˬ-ahˇ ja ceuˬ dui dui-eu ma.