Gʼaˬkʼehˇ 22:22 - Akha

²² Dawˬ kʼoeˇ dawˬ ngehˬ laˇ gaˇ keuˆ ni, Pawˇluˆ ehˇ gaˇ aˬ yawꞈ maꞈ ciˬ cuˇ ni naˇ haˬ luꞈ-eu meh. Ehˇ kʼawꞈ, dawˬ kʼoeˇ dawˬ-ahˇ ya gaˬ ngeh, aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Tsawˇ haˬ teu gʼaˬ-ahˇ taˬ paˇ bi dehꞈ. Sehꞈ-awˬ. Yaw dehꞈ bi dehꞈ-eu maˬ paˇ geuˇ ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Tsawrhaq armaf mafma deuq, Pawrluv dawq khoerdawq aer-eu gar narhaq keuvlaf-euq nar-aq, tersar yawkhav khav-aer gur-eu, “Teulof-aer ghae-eu tsawrhaq-aq, mirtsaq-euq khoertav nae lavbyov dzae-awq. Aqyawf daef-eu maqgeux-a.”

Gʼaˬkʼehˇ 22:22 Referans Kwoze

Gʼaˬkʼehˇ 25:24

Sahˬ paˬ Beˬtuˇ ehˇ-eu, “Sahˬ paˬ Aˬgiˇpaˆ hawˇ-eu heu gaˇ uiˬ laˇ taˬ-euˬ cawˬ deuˬ-oˇ, tsawˇ haˬ heu gʼaˬ-ahˇ haw sheˇ. Heu gaˇ jawˇ-eu Yuˇdaˆ tsawˇ haˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ, tsawˇ haˬ heu gʼaˬ gaˇ kawˆ ngaˬ-ahˇ daˬ laˇ taˬ-euˬ meh. Aˬ yawꞈ-ahˇ yaw dehꞈ bi dehꞈ-eu maˬ geuˇ-a lehˇ aˬ yawꞈ maꞈ guˇ dui dui-eu meh.

Gʼaˬkʼehˇ 21:36

Tsawˇ haˬ aˇ maꞈ kʼoeˇ maꞈ “Aˬ yawꞈ-ahˇ sehꞈ-awˬ” lehˇ guˇ guˇ-ehˇ, aˬ yawꞈ-euˬ mehˬ nah caw teh gʼeh laꞈ-euˬ meh.

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Luˇkaꞈ 23:18

Tsawˇ haˬ aˇ maꞈ maꞈ lah-ehˇ guˇ-eu, “Aˬ yawꞈ-ahˇ sehꞈ-awˇ Baˬlaˬbaˇ-ahˇ pyehˬ doˆ nehˬ laꞈ-awˬ.”

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.