Gʼaˬkʼehˇ 20:38 - Akha

³⁸ Aˬ yawꞈ maꞈ aˬ yawꞈ-ahˇ maˬ paˇ ya mawˇ-aˇ lehˇ Pawˇluˆ neh ehˇ-euˬ dawˬ kʼoeˇ dawˬ baˬ aˬ yawꞈ maꞈ-euˬ nui ma-ahˇ yaw kʼaˆ-ehˇ zaw leˇ-awˇ, noeˬ shaˬ dui dui-eu meh. Kʼoeˇ naˇ, aˬ yawꞈ maꞈ Pawˇluˆ-ahˇ saˇ baoˬ naˬ duˬ-ahˇ keuˆ ni sheuˬ ha keuˆ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁸ Aqkar nar-aq, nawmaf, ngaq-euq myavpyawq-anr maqpar ya’mawr-a laer Pawrluv nae aer-euq dawq khoerdawq-euq baqda’nae, aqyawfmaf noeqshaq duidui-eu mae. Khoernar-aq, aqyawfmaf, Pawrluv-anr lawq-anr sheuqur naeq-ir-euq mae.

Gʼaˬkʼehˇ 20:38 Referans Kwoze

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

1 Gawˇliˬtu 16:11

Tsawˇ haˬ tiˬ gʼaˬ-iˬ aˬ yawꞈ-ahˇ yaw zeu maˬ baw ni taˬ gʼeh. Ehˇ kʼawꞈ, aˬ yawꞈ ngaˇ jawˇ gaˇ gʼoꞈ keuˆ laˇ nya ni, nui ma saˇ lehˆ ni gaˇ ma doˆ-iˇ nya ni caw ba nehˬ-awˬ. Aˬ yuiꞈ aˬ nyiˇ gaˇ mˇ cawˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ gʼoꞈ keuˆ laˇ gaˇ ngaˇ noeˬ tmˬ luꞈ-eu ma.

Gʼaˬkʼehˇ 20:25

“Naw maꞈ dawˬ tawˆ luꞈ jawˇ gaˇ ngaˇ cah doe-awˇ, Miˬyehˇ Miˇkʼahˬ gaˇ kawˆ mehˬ yaꞈ-euˬ ma. Aˬ kaˇ naˇ, naw maꞈ ngaˬ-ahˇ tiˬ jawˇ-iˬ maˬ paˇ ya mawˇ-aˇ lehˇ ngaˇ siˬ duˬ-eu ma.

Gʼaˬkʼehˇ 21:16

Gehˇsaˬliˇ meuˬ-ahˇ jawˇ-eu zaˬ lahˇ tiˬ paˆ na deuˬ nga maꞈ-euˬ mehˬ nah caw teh le-awˇ, nga maꞈ yaꞈ leˇ-eu lehˇ gʼeh-eu Maˬnaˬsoˬ lehˇ myahˇ-euˬ gʼaˬ-euˬ nymˇ-ahˇ, nga maꞈ-ahˇ sheuˬ ha laˇ-euˬ meh. Aˬ yawꞈ-aˬ, Guˇbaˬluˇ iˇ jaw lahˇ-ahˇ jawˇ-euˬ tsawˇ haˬ pyeuꞈ-awˇ, jah-eu tsawˇ haˬ pyeuꞈ laˇ-euˬ myahˇ laˇ-euˬ meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Gʼaˬkʼehˇ 25:26

Ehˇ kʼawꞈ, Huiˬ dui dui-eu Sahˬ paˬ jawˇ gaˇ aˬ yawꞈ-euˬ gaˇ kawˆ aˬ joˆ-ehˇ boꞈ nehˬ paˬ nga lehˇ maˬ ya shaˇ noeˬ duˬ-aˬ siˬ. Kʼoeˇ miˇ neh, aˬ yawꞈ-ahˇ pyehˆ tseˇ gʼaˬ ngeh jawˇ, aˬ yawꞈ-euˬ gaˇ kawˆ ngaˇ sahˬ boꞈ boꞈ nehˬ nya paˬ-ehˇ bi duˬ laˇ-eu gʼaˇ duˬ, naw maꞈ-euˬ mehˬ shi, aˬ cawˬ naˆ maˬ tseˇ sahˬ paˬ Aˬgiˇpaˆ-euˬ mehˬ shi, aˬ yawꞈ-ahˇ bi sheuˬ laꞈ taˬ-euˬ jeˬ pyeuꞈ-eu ma.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.