Gʼaˬkʼehˇ 19:17 - Akha

¹⁷ Eˇpeˇsu meuˬ-ahˇ kʼaˇ jawˇ-eu Yuˇdaˆ tsawˇ haˬdeuˬ hawˇ-eu aˬ cawˬ tsawˇ jeuˬ dawˬ tawˆ luꞈ gaˇ kawˆ kʼoeˇ ya gaˬ ngeh, guˆ dui dui-iˇ-awˇ, Sahˬpaˬ Yeˬsuˇ-euˬ tsawˇ myahˇ-ahˇ ciˬ huiˬ ciˬ mahˇ dui dui-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Garkawv heu-aq, Erpersu-anr jawr-eu Yurdav tsawrhaq hawr-eu, Heqlaqsar tsawrhaq dawqtawvluf yasiq-euq mae. Aqyawfmaf dawqtawvluf guv duidui-awr, Sanqpaq Yeqsur-euq tsawrmyanr-anr yawkhav-aer ciqhuiq ciqmanr-eu mae.

Gʼaˬkʼehˇ 19:17 Referans Kwoze

2 Teˇsaˬloˇni 1:12

Kʼoeˇ Loꞈ-ehˇ byah laˇ-eu laꞈ kʼoeˇ, naw maꞈ baˬ da neh Sahˬpaˬ Yeˬsuˇ-euˬ tsawˇ myahˇ yaw shehꞈ kʼahˬ sehˇ za-awˇ, aˬ yawꞈ daˬ ba neh naw maꞈ yaw shehꞈ kʼahˬ sehˇ za tehꞈ-a. Aˬ dui-euˬ Miˬyehˇ hawˇ-eu Sahˬpaˬ Yeˬsuˇ Ka li-euˬ gʼawˬ shaˬ gaˬ-eu guiˬ lahˬ yaw dzahˇ baˬ da neh, kʼoeˇ loꞈ-ehˇ pyeuꞈ laˇ tehꞈ-a.

2 Teˇsaˬloˇni 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ-aˬ, heu loꞈ-ehˇ ma. Sahˬpaˬ Yeˬsuˇ-euˬ guiˬ lahˬ dawˬ naw maꞈ jawˇ gaˇ yaw kawˇ-ehˇ gaˬ doe-iˇ-awˇ taˬ huiˬ taˬ mahˇ-eu laꞈ kʼoeˇ ha geuꞈ-eu loꞈ-ehˇ, nui gaˇ kʼawꞈ kʼoeˇ loꞈ-ehˇ gaˬ doe-iˇ-awˇ ha geuꞈ ni guiˬ lahˬ shaˇ nehˬ laꞈ-awˬ.

Piˇliˇpiˆ 1:20

Ngaˇ geuꞈ mawꞈ dui dui-awˇ noeˬ tmˬ taˬ-euˬ jeˬ-aˬ, ngaˇ mˇ paˬ-ehˇ gʼeh-eu gaˇ deuˬ-ahˇ aˬ myah luꞈ mˇ-eu uˬ taꞈ, hehˬ nymˬ-mˇ ngaˇ dehꞈ-eu maˬ ehˇ, shiˇ-eu maˬ ehˇ, kʼaˇ mˇ kʼaˇ shaˇ-eu jeˬ dawˬ tawˆ luꞈ laꞈ kʼoeˇ Ka li-ahˇ aˬ cawˬ yaw zeu baw laˇ-eu gʼaˇ duˬ nui ma kʼaˬ duˬ ni taˬ nya-eu jeˬ-ahˇ geuꞈ mawꞈ-eu ma.

Gʼaˬkʼehˇ 13:12

Kʼoeˇ loꞈ-ehˇ pyeuꞈ laˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Miˬyehˇ-ahˇ jah laˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ kawˆ mehˬ nehˬ tsoˆ nehˬ gaˇ aˬ yawꞈ zahˬ dui dui leˇ-euˬ meh.

Gʼaˬkʼehˇ 5:11

Ka li zaˬ aˇ muˇ muˇ lah ni maˬ ehˇ, gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ maˬ ehˇ, guˆ dui dui-iˇ-euˬ meh.

Gʼaˬkʼehˇ 5:5

Dawˬ kʼoeˇ dawˬ-ahˇ Haˬnaˬniˇ ya gaˬ-euˬ nehˬ-ehˇ, coˬ dzeh-awˇ shiˇ-euˬ meh. Gaˇ kawˆ kʼoeˇ kʼaˇ ya gaˬ-euˬ tsawˇ haˬ dawˬ tawˆ luꞈ guˆ dui dui-iˇ-euˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 5:13

Aˬ cawˬ aˬ yawꞈ maꞈ-ahˇ yaw kʼaˆ-ehˇ ja ceuˬ-awˇ taˬ huiˬ kʼawꞈ, tsawˇ haˬ tiˬ gʼaˬ-iˬ aˬ yawꞈ maꞈ-euˬ aˇ muˇ-ahˇ maˬ gawꞈ leˇ peuˬ-a.

Gʼaˬkʼehˇ 2:43

Gʼaˬ kʼehˇ deuˬ-ahˇ gʼoe-awˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ Miˬyehˇ jahˇ-euˬ meh. Tsawˇ haˬ yawˬ gʼaˬ na luꞈ zahˬ leˇ-awˇ guˆ-euˬ meh.

Luˇkaꞈ 7:16

Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.

Luˇkaꞈ 1:65

Tahꞈ gʼoꞈ tahˬ jawˇ jawˇ-eu tsawˇ haˬ deuˬ guˆ-iˇ-euˬ meh. Gaˇ kawˆ kʼoeˇ Yuˇdaˆ miˇ kʼahˬ dahˇ taˆ doe ni gaˬ byah jiˇ-euˬ meh.

Jaceuq 64:9

Tsawˇ haˬ dawˬ tawˆ luꞈ ya guˆ-iˇ tehꞈ-a. Miˬyehˇ nui ma pehˇ-eu gaˇ kawˆ aˬ yawꞈ maꞈ ja-awˇ, aˬ yawꞈ neh mˇ-euˬ gaˇ kawˆ shaˇ sawˇ tehꞈ-a.

2 Saˬmeuˬlaˆ 6:9

Kʼoeˇ naˇ, Sahˬpaˬ Miˬyehˇ-ahˇ Daˬbiˇ guˆ-awˇ, “Nymˬ-mˇ poˆ jawˇ-aˬ, aˬ joˆ-ehˇ jahˇ-awˇ Dawˬ ma saˇ jaˇ Bahˬ keuˆ heu hmˬ ngaˇ baꞈ gʼeh paˬ nga” lehˇ ehˇ-eu meh.

1 Saˬmeuˬlaˆ 6:20

Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Gʼaˬkʼehˇ 18:21

Aˬ yawꞈ doˆ-iˇ ngeh, “Miˬyehˇ nui ma tsaˬ naˇ, naw maꞈ jawˇ gaˇ ngaˇ tiˬ poˆ paˇ laˇ keuˆ ma” lehˇ ehˇ nehˬ yaꞈ-awˇ, saˇ baoˬ dziˬ-awˇ Eˇpeˇsu meuˬ-ahˇ neh doˆ-iˇ-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 19:16

Nehꞈ yaw haiˬ uˇ-eu tsawˇ haˬ kʼoeˇ gʼaˬ aˬ yawꞈ maꞈ-ahˇ biˬ dawꞈ leꞈ-awˇ, dawˬ tawˆ luꞈ-ahˇ dawꞈ gʼaˬ-euˬ meh. Aˬ yawꞈ maꞈ bi diˬ naˇ bi diˬ gawˇ jiˇ-awˇ mehˬ tsoeˬ bi diˬ pyaˬ jiˇ-euˬ miˇ neh, tsawˇ haˬ kʼoeˇ gʼaˬ-euˬ nymˇ-ahˇ neh neˇ myawˆ ni coeˬ doˆ gʼeh-euˬ meh.

Gʼaˬkʼehˇ 19:18

Jah-eu tsawˇ haˬ deuˬ kʼawꞈ gʼawˬ mya ni laˇ-awˇ, yawˬ ha neh kʼaˇ mˇ lehˬ dzeuˇ-euˬ jeˬ maˬ zaꞈ taˬ ni aˬ cawˬ mehˬ shi ja doˆ laˇ-euˬ meh.