Gʼaˬkʼehˇ 18:3 - Akha

³ Aˬ nyaꞈ dzeˇ zaˬ nehˬ-ehˇ aˬ yawꞈ jawˇ-awˇ gaˇ mˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼawꞈ, aˬ nyaꞈ dzeˇ zaˬ loꞈ-ehˇ saˬ paˇ sehˬ gʼawˆ guꞈ ahˬ-awˇ dehꞈ-eu tsawˇ haˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqnyaf dzerzaq-aq, saqpar saeqghawv janranq-eu tsawrhaq mae. Pawrluv khawf aqnyaf dzerzaq lof-aer gar aqyawf tiqjeq mr-eu mirnae, Pawrluv, aqyawfnyaf naeq-aer jawr-awr gar mr-euq mae.

Gʼaˬkʼehˇ 18:3 Referans Kwoze

1 Teˇsaˬloˇni 2:9

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ aˇ naˆ ni shaˬ shaˬ-ehˇ mˇ dui dui-euˬ gaˇ kawˆ naw maꞈ siˬ duˬ luꞈ meh. Naw maꞈ-ahˇ Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ ngeh, nga maꞈ gʼaˇ duˬ naw maꞈ pyuˇ shuiˇ maˬ bi jiˇ mawꞈ-eu miˇ neh, uˬ ciꞈ nah gʼahˇ maˬ ehˇ maˬ naˬ ni nga maꞈ leh jeh-euˬ ma.

1 Gawˇliˬtu 4:12

Nga maꞈ gaˇ mˇ sehꞈ leꞈ miˇ-a. Nga maꞈ-ahˇ yaˬ kʼehˇ yaˬ laˇ gaˇ dawˬ ngehˬ gʼeh nehˬ-awˇ, nga maꞈ-ahˇ kʼehˬ laˇ kʼaˆ laˇ gaˇ oˇ oˇ-ehˇ daˬ-eu ma.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 12:13

Pyuˇ shuiˇ caw ba nehˬ laꞈ lehˇ naw maꞈ-ahˇ ngaˇ maˬ shaˇ-euˬ kʼoeˇ tiˬ jeˬ maˬ ngeuˇ naˇ, Ka li zaˬ aˇ muˇ nui deuˬ-ahˇ naˆ maˬ tseˇ naw maꞈ-ahˇ ngaˬ neh jahˇ doeˇ nehˬ-euˬ aˬ jeˬ jaˆ ta. Ehˇ kʼawꞈ, ngaˬ-euˬ yaw lehˬ-ahˇ aˬ joˆ-ehˇ gʼeh-awˇ neh kʼawꞈ iˬ baˇ tiˬ poˆ pyehˬ nehˬ laꞈ lehˇ shaˇ-eu ma.

2 Gawˇliˬtu 11:7

Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ nehˬ-euˬ aˇ poeˬ, ngaˇ naw maꞈ-ahˇ tiˬ jeˬ-iˬ maˬ shaˇ haw-aˬ. Naw maꞈ-ahˇ taˬ huiˬ-eu gʼaˇ duˬ, ngaˬ-euˬ gʼawˇ mawˇ-ahˇ ngaˇ taˬ nyiˇ-euˬ ma. Ngaˇ kʼoeˇ loꞈ-ehˇ mˇ-euˬ lehˬ ta loˇ.

1 Gawˇliˬtu 9:14

Kʼoeˇ loꞈ-ehˇ duˇ ni, Laˬ kʼaˬ cehˇ-eu Guiˬ lahˬ dawˬ kʼaˇ mehˬ-eu tsawˇ haˬ kʼawꞈ, kʼoeˇ loꞈ-ehˇ mehˬ-eu miˇ neh ya bi dzaˬ ya bi dawˇ meh lehˇ, Sahˬpaˬ Miˬyehˇ neh dawˬ biꞈ taˬ-euˬ jaˆ meh.

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

1 Gawˇliˬtu 9:18

Toˆ-ehˇ ngeuˇ naˇ, ngaˇ aˬ geu jeˬ aˇ poeˬ za ta. Aˇ poeˬ maˬ yuˇ ni Laˬ kʼaˬ cehˇ-eu Guiˬ lahˬ dawˬ mehˬ-awˇ, kʼoeˇ loꞈ-ehˇ mˇ-euˬ baˬ da neh ngaˇ za geuˇ-eu jeˬ-ahˇ ngaˇ maˬ geuꞈ-euˬ kʼoeˇ-aˬ, ngaˬ neh za-euˬ guiˬ lahˬ ma.

1 Teˇsaˬloˇni 4:11

Nga maꞈ neh naw maꞈ-ahˇ ehˇ nehˬ yaꞈ-euˬ loꞈ-ehˇ, yawˬ ha-euˬ kʼaˬ boeˬ yawˬ ha boeˬ-awˇ, yawˬ haˬ-euˬ gaˇ yawˬ ha mˇ mˇ-ehˇ ciˬ cuˇ ni dehꞈ daˆ leꞈ-awˬ.

2 Sahˬpaˬ 6:2

Kʼoeˇ miˇ neh, nga maꞈ jawˇ-eu jawˇ duˬ tsoˆ lahˬ-eu gʼaˇ duˬ, Yawˇdaˬ lawˇ baˬ-ahˇ iˇ-awˇ aˇ bawˇ bi deuˆ-iˇ laꞈ” lehˇ shaˇ ngeh, “Iˇ-awˇ deuˆ-iˇ-awˬ” lehˇ Eˇliˇshehˇ ehˇ nehˬ-euˬ meh.