Gʼaˬkʼehˇ 17:10 - Akha

¹⁰ Uˬ ciꞈ ciꞈ le-eu nehˬ-ehˇ, jah-eu tsawˇ haˬ deuˬ Pawˇluˆ hawˇ-eu Siˬlaˆ-ahˇ Beˬliˇ meuˬ-ahˇ tiˬ poˆ tehꞈ-ehˇ bi iˇ-euˬ meh. Aˬ yawꞈ nyaꞈ kʼoeˇ gaˇ iˇ keuˆ ngeh, uˬ duˬ tahˬ nymˇ-ahˇ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, uqcif cifle ngae, aqyuif aqnyir deuq tiqpov taef-aer, Pawrluv hawr-eu Siqlav-anr Beqlir meuq-anr khaerghae-euq mae. Aqyawfnyaf khoergar irkeuv ngae, Yurdav tsawrhaq-euq zanrdawq khawqnymr-anr urler-euq mae.

Gʼaˬkʼehˇ 17:10 Referans Kwoze

1 Teˇsaˬloˇni 2:2

Naw maꞈ jawˇ-eu Teˇsaˬloˇni meuˬ-ahˇ nga maꞈ maˬ oe mi naˆ-ehˇ, Piˇliˇpiˆ meuˬ laꞈ kʼoeˇ aˬ cawˬ nga maꞈ-ahˇ kʼehˬ nehˬ kʼaˆ nehˬ laꞈ-awˇ yehˬ bawˬ sehˇ lu-ehˇ ehˇ nehˬ laꞈ gaˇ ya daˬ-euˬ naw maꞈ siˬ nya meh. Laˆ tsoeˬ-eu gʼawˬ mya jeˬ jaˆ kʼawꞈ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ naw maꞈ-ahˇ mehˬ nehˬ nya ni, aˬ dui-euˬ Miˬyehˇ nga maꞈ-ahˇ gʼaˬ biꞈ laꞈ-euˬ meh.

Gʼaˬkʼehˇ 17:2

Pawˇluˆ-aˬ, aˬ myah myah loꞈ-ehˇ uˬ duˬ tahˬ nymˇ-ahˇ le-euˬ meh. Jawˇ nah smˬ nah keuˆ ni, aˬ yawꞈ maꞈ nehˬ-ehˇ Jaˇliꞈ gaˇ kawˆ ja sawˇ-euˬ meh.

Gʼaˬkʼehˇ 20:4

Beˬliˇ meuˬ-ahˇ jawˇ-eu Buˇluˆ-euˬ aˬ li Soˇbaˬdaˬluˇ, Teˇsaˬloˇni meuˬ-ahˇ jawˇ-eu Aˬliˬdaˬguˇ hawˇ-eu Seˬguˬduˇ, Deˬbeˬ meuˬ-ahˇ jawˇ-eu Gaˬyuˇ, Aˬshaˆ miˇ kʼahˬ-ahˇ jawˇ-eu Duˇjiˇ hawˇ-eu Daˬloˇbeˬ aˬ ha maꞈ hawˇ-eu Tiˆmoˇseˬ kʼawꞈ, Pawˇluˆ nehˬ-ehˇ iˇ-euˬ meh.

Gʼaˬkʼehˇ 9:25

Ehˇ kʼawꞈ, aˬ yawꞈ-euˬ mehˬ nah caw teh-eu tsawˇ haˬ deuˬ, uˬ ciꞈ paw aˬ yawꞈ-ahˇ kʼaˆ kaˇ-ahˇ bi uˇ-iˇ-awˇ, meuˬ lahˇ kʼoeˇ taˆ neh laꞈ nyiˇ paw aˬ za za-ehˇ pyehˬ ka nehˬ-euˬ meh.

1 Saˬmeuˬlaˆ 20:42

Kʼoeˇ naˇ, Yawˇnaˆshaˬ Daˬbiˇ-ahˇ ehˇ nehˬ-eu, “Miˬyehˇ nawˬ nehˬ-ehˇ jawˇ luꞈ-uˇ. Aˇ nyaꞈ neh dzaˬ taˬ-euˬ muiˬ-eu shawˇ-eu saˇ jaˇ-ahˇ, nawˬ-euˬ zaˬ deuˬ uˆ deuˬ hawˇ-eu ngaˬ-euˬ zaˬ deuˬ uˆ deuˬ maˬ ehˇ, mˬ maˬ maˬ byaˆ zaˇ ziˇ ziꞈ ni, Sahˬpaˬ Miˬyehˇ saˇ kiˇ geuꞈ luꞈ-uˇ.” Kʼoeˇ naˇ, Daˬbiˇ doˆ-iˇ-awˇ, Yawˇnaˆshaˬ meuˬ-ahˇ gʼoꞈ-iˇ-euˬ meh.

Gʼaˬkʼehˇ 1:15

Gʼawˬ myahˇ maˬ gʼeh-ehˇ, jah-eu tsawˇ haˬ deuˬ tiˬ yaˇ nyiˬ tseˇ gʼaˬ uiˬ leˇ-awˇ jawˇ gaˇ, Beˬtuˆluˆ tuˇ laˇ-awˇ, heu loꞈ-ehˇ ehˇ-eu meh.

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

Gʼaˬkʼehˇ 15:22

Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 17:1

Pawˇluˆ hawˇ-eu Siˬlaˆ-aˬ, Aˬpiˇbawˇliˇ meuˬ hawˇ-eu Aˬpawˇlawˇniˇ meuˬ-ahˇ neh iˇ gʼeh-awˇ, Teˇsaˬloˇni meuˬ-ahˇ iˇ keuˆ-euˬ meh. Meuˬ kʼoeˇ meuˬ laꞈ kʼoeˇ Yuˇdaˆ tsawˇ haˬ-euˬ uˬ duˬ tahˬ nymˇ tiˬ nymˇ jaˆ-eu meh.

Gʼaˬkʼehˇ 17:4

Aˬ yawꞈ maꞈ tiˬ paˆ na deuˬ noeˬ pehꞈ-awˇ, Pawˇluˆ hawˇ-eu Siˬlaˆ nehˬ-ehˇ gm leˇ-euˬ meh. Myaˆ pyawˬ naˇ mehˇ jaˆ-eu zaˬ miˬ zaˬ gʼawˬ mya gʼaˬ hawˇ-eu Heˬlaˬsaˇ tsawˇ haˬ gʼawˬ mya ni Miˬyehˇ-ahˇ uˬ duˬ tahˬ-euˬ meh.

Gʼaˬkʼehˇ 17:6

Ehˇ kʼawꞈ, aˬ yawꞈ nyaꞈ-ahˇ maˬ poˆ mawˇ nya-eu miˇ neh, Yaˬsoˬ hawˇ-eu jah-eu tsawˇ haˬ tiˬ paˆ na deuˬ-ahˇ, meuˬ-ahˇ uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh-awˇ, heu loꞈ-ehˇ ehˇ nehˬ leˇ-euˬ meh. “Miˇ tsaˬ tahˬ kʼawˇ poˆ laˆ paˇ laˇ paˬ-ehˇ laˆ suˬ saˬ-eu tsawˇ haˬ deuˬ meuˬ heu meuˬ-ahˇ oe keuˆ taˬ-euˬ meh.