Gʼaˬkʼehˇ 16:3 - Akha

³ Pawˇluˆ-aˬ, Tiˆmoˇseˬ-ahˇ sheuˬ-awˇ cah mawꞈ-eu miˇ neh, baˆ kʼoˆ mehˬ dzaˬ yehˬ nehˬ-euˬ meh. Kʼoeˇ gaˇ jawˇ-eu Yuˇdaˆ tsawˇ haˬ dawˬ tawˆ luꞈ Tiˆmoˇseˬ-euˬ aˬ da Heˬlaˬsaˇ tsawˇ jeuˬ pyeuꞈ-eu gaˇ kawˆ siˬ nya jiˇ-eu miˇ neh, kʼoeˇ loꞈ-ehˇ baˆ baˆ kʼoˆ mehˬ dzaˬ yehˬ nehˬ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Pawrluv, Tivmorseq-anr sheuqcawghae mawf-eu mirnae aqyawf-anr bawkhov maeqdzaq bi yaeqler-euq mae. Aqjeq mirnae aernar-aq, Tivmorseq-euq aqda-aq, Heqlaqsar tsawrhaq mae laer khoergar jawr-eu Yurdav tsawrhaq dawqtawvluf siqnya-eu mae.

Gʼaˬkʼehˇ 16:3 Referans Kwoze

Gaˬlaˬtiˆ 2:3

Ngaˬ-euˬ gaˇ mˇ cawˬ Tiˇtuˆ-aˬ, Heˬlaˬsaˇ tsawˇ haˬ pyeuꞈ-eu meh. Ehˇ kʼawꞈ, aˬ yawꞈ-ahˇ baˆ kʼoˆ mehˬ dzaˬ ya yehˬ meh lehˇ maˬ bi ka tiˇ-aˬ.

1 Gawˇliˬtu 9:20

Yuˇdaˆ tsawˇ haˬ deuˬ-ahˇ guiˬ lahˬ dawˬ mehˬ ngeh jawˇ, aˬ yawꞈ maꞈ Ka li zaˬ bi pyeuꞈ laˇ-eu gʼaˇ duˬ ngaˬ-euˬ gʼawˇ mawˇ Yuˇdaˆ tsawˇ haˬ tiˬ gʼaˬ loꞈ-ehˇ dehꞈ-euˬ ma. Ngaˇ Moˇseˬ-euˬ Zahˇ dawˬ kʼoꞈ dawˬ uˬ moˆ jawˇ-eu tsawˇ haˬ maˬ ngeuˇ kʼawꞈ, Zahˇ dawˬ kʼoꞈ dawˬ uˬ moˆ jawˇ-eu tsawˇ ha deuˬ Ka li zaˬ bi pyeuꞈ laˇ-eu gʼaˇ duˬ, ngaˬ-euˬ gʼawˇ mawˇ Zahˇ dawˬ kʼoꞈ dawˬ uˬ moˆ jawˇ-eu tsawˇ haˬ geuꞈ-awˇ dawˬ mehˬ mehˬ-euˬ ma.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Gaˬlaˬtiˆ 2:8

Aˬ jeˬ miˇ neh ehˇ naˇ, Beˬtuˆluˆ-ahˇ Yuˇdaˆ tsawˇ haˬ deuˬ gʼaˇ duˬ gʼaˬ kʼehˇ bi geuꞈ-euˬ loꞈ-ehˇ, ngaˬ-ahˇ kʼawꞈ aˬ cawˬ tsawˇ jeuˬ gʼaˇ duˬ gʼaˬ kʼehˇ bi geuꞈ-eu lehˇ Miˬyehˇ-euˬ baoˬ neh kʼehˇ taˬ-euˬ meh.

1 Gawˇliˬtu 7:19

Aˬ jeˬ miˇ neh ehˇ naˇ, baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, beu gaˇ duˬ maˬ jaˆ-a. Miˬyehˇ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu tehꞈ-ehˇ gaˇ dahˇ tsoeˬ-eu meh.

Gʼaˬkʼehˇ 15:40

Pawˇluˆ gʼaˬ-aˬ, jah-eu tsawˇ haˬ deuˬ neh aˬ yawꞈ-ahˇ Sahˬpaˬ Miˬyehˇ-euˬ guiˬ lahˬ yaw dzahˇ laꞈ kʼoeˇ bi a nehˬ gʼaˬ miˇ tsa, Siˬlaˆ-ahˇ tseˇ doˆ-awˇ sheuˬ gʼeh-euˬ meh.

Gʼaˬkʼehˇ 15:37

Baˬnaˬbaˇ-aˬ, Maˬkuˆ lehˇ kuˇ-eu Yoˇhaˬ-ahˇ kʼawꞈ sheuˬ gʼeh mawꞈ-eu meh.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Piˇliˇpiˆ 2:22

Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.