Gʼaˬkʼehˇ 16:27 - Akha

²⁷ Tawˬ-ahˇ haw-eu gʼaˬ tsawˬ noeˬ laˇ-awˇ, tawˬ laˇ gʼoˆ deuˬ yaw pah-ehˇ jaˆ gaˇ ya mawˇ ngeh, tawˬ-ahˇ nyehꞈ uˇ taˬ-euˬ tsawˇ haˬ deuˬ cehˆ doˆ jiˇ-euˬ ngaˇ lehˇ duˇ-awˇ, mi cehˇ gʼeu doˆ-awˇ yawˬ haˇ yawˬ ha sehꞈ-eu lehˇ gʼeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoerngae, kuv-euq aqyuif ghaq noeqlar-awr, kuv-euq larghov dawqtawvluf pantaq-euq gar ya’mawr ngae, kuv-anr ur-eu tsawrhaq dawqtawvluf caevdov jir-euq jeq nga laer noeq-awr, micaer ghawrdov-awr, yawqhar yawqha saef-eu laer ghae-eu mae.

Gʼaˬkʼehˇ 16:27 Referans Kwoze

Gʼaˬkʼehˇ 12:19

Heˬloˆ neh dawˬ biꞈ-awˇ aˬ yawꞈ-ahˇ bi poˆ kʼawꞈ, maˬ poˆ mawˇ nya-a. Kʼoeˇ miˇ neh, loꞈ-eu yehˇ kʼoeˇ deuˬ-ahˇ Beˬtuˆluˆ bi cehˆ doˆ-euˬ gaˇ kawˆ naˇ haˬ gʼaˬ-awˇ sehꞈ-eu gʼaˇ duˬ, aˬ yawꞈ dawˬ biꞈ-euˬ meh.

Maꞈtehˬ 27:5

Yuˇdaˆ-aˬ, pyuˇ maˇ byaˆ kʼoeˇ deuˬ Uˬ duˬ tahˬ nymˇ nymˇ ma laꞈ kʼoeˇ biˬ ahˇ yaꞈ-awˇ doˆ-iˇ-euˬ meh. Kʼoeˇ naˇ, yawˬ haˇ yawˬ ya paꞈ gʼeu sehꞈ-iˇ-euˬ meh.

1 Sahˬpaˬ 16:18

Teuˇzaˬ meuˬ aˬ yawꞈ maꞈ-euˬ laꞈ-ahˇ ahˇ leˇ-euˬ gaˇ Zmˇliˬ ya mawˇ ngeh, sahˬ paˬ-euˬ hawˇ nymˇ laꞈ kʼoeˇ lawˆ-ahˇ le uˇ-awˇ, sahˬ paˬ-euˬ hawˇ nymˇ-ahˇ miˬ dzaˬ keuˬ-awˇ, yawˬ haˇ yawˬ ha miˬ dzaˬ dzah puiˆ sehꞈ-euˬ meh.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

Yaˇ kʼaˬ daˇ 9:54

Kʼoeˇ ngeh, aˬ yawꞈ-euˬ guiˇ deuˆ-eu keu ka deuˬ bi baꞈ-euˬ zaˬ guˬ tiˬ gʼaˬ-ahˇ aˬ yawꞈ yaw kawˇ-ehˇ kuˇ-awˇ, “Nawˬ-euˬ mi cehˇ gʼeu doˆ-awˇ ngaˬ-ahˇ sehꞈ-awˬ. Zaˬ miˬ zaˬ neh ngaˬ-ahˇ sehꞈ-euˬ meh lehˇ aˬ cawˬ maˬ bi ehˇ mawꞈ nya.” Zaˬ guˬ kʼoeˇ gʼaˬ aˬ yawꞈ-ahˇ mi cehˇ tsawˆ-awˇ, bi shiˇ-euˬ meh.

Gʼaˬkʼehˇ 16:28

Ehˇ kʼawꞈ, Pawˇluˆ yaw kʼaˆ-ehˇ guˇ-awˇ ehˇ nehˬ-eu, “Nawˬ-euˬ gʼawˇ mawˇ-ahˇ tiˬ jeˬ-iˬ taˬ jahˇ. Nga maꞈ dawˬ tawˆ luꞈ heu gaˇ jawˇ jiˇ ma.”

Gʼaˬkʼehˇ 16:36

Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”