Gʼaˬkʼehˇ 15:33 - Akha

³³ Aˬ yawꞈ nyaꞈ kʼoeˇ gaˇ tiˬ kʼehˬ jawˇ gʼaˬ ngeh, aˬ yawꞈ nyaꞈ-ahˇ kʼehˇ gʼeh laꞈ-euˬ deuˬ jawˇ gaˇ bi gʼoꞈ-iˇ-eu gʼaˇ duˬ, jah-eu tsawˇ haˬ kʼoeˇ deuˬ aˬ yawꞈ nyaꞈ-ahˇ laˬ kʼaˬ cehˇ taˆ ni pyehˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³³ Aqyawfnyaf khoergar tiqkhaeq jawr-awr, aqyuif aqnyir deuq nae dawqcawq puqanr laf-euq dawq yur-awr, ghaqkhaer deuq jawr-eu gar bighof-ir-euq mae.

Gʼaˬkʼehˇ 15:33 Referans Kwoze

1 Gawˇliˬtu 16:11

Tsawˇ haˬ tiˬ gʼaˬ-iˬ aˬ yawꞈ-ahˇ yaw zeu maˬ baw ni taˬ gʼeh. Ehˇ kʼawꞈ, aˬ yawꞈ ngaˇ jawˇ gaˇ gʼoꞈ keuˆ laˇ nya ni, nui ma saˇ lehˆ ni gaˇ ma doˆ-iˇ nya ni caw ba nehˬ-awˬ. Aˬ yuiꞈ aˬ nyiˇ gaˇ mˇ cawˬ deuˬ nehˬ-ehˇ tiˬ kawˆ loꞈ-ehˇ aˬ yawꞈ gʼoꞈ keuˆ laˇ gaˇ ngaˇ noeˬ tmˬ luꞈ-eu ma.

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

Gʼaˬkʼehˇ 16:36

Kʼoeˇ miˇ neh, tawˬ-ahˇ haw-eu kʼoeˇ gʼaˬ Pawˇluˆ-ahˇ ehˇ nehˬ-eu, “Siˬlaˆ naw nyaꞈ-ahˇ pyehˬ nehˬ-eu gʼaˇ duˬ yaw huiˬ yaw mahˇ deuˬ-euˬ dawˬ oe keuˆ gʼaˬ-euˬ meh. Teu miˇ neh doˆ laˇ-awˇ laˬ kʼaˬ tiˬ cehˇ gʼoꞈ leˇ-awˬ.”

Aˇ dahˬ 26:29

Nawˬ-ahˇ coeˬ leˇ ni nga maꞈ neh mˇ taˬ-euˬ tiˬ jeˬ-iˬ maˬ jaˆ-eu loꞈ-ehˇ, nga maꞈ-ahˇ coeˬ laˇ ni nawˇ tiˬ jeˬ-iˬ maˬ mˇ lehˇ bi ehˇ tsehˆ mawꞈ-eu ma. Nga maꞈ nawˬ-ahˇ tiˬ jeˬ-iˬ maˬ laˆ tsoeˬ ni, nui ma saˇ lehˆ ni bi doˆ le-euˬ ma. Nymˬ-mˇ poˆ jawˇ-aˬ, Sahˬpaˬ Miˬyehˇ nawˬ-ahˇ guiˬ lahˬ biꞈ-eu gaˇ kawˆ, nga maꞈ yaw muiˬ paˬ-ehˇ siˬ duˬ-eu ma.”

2 Yoˇhaˬ 1:10

Kʼoeˇ miˇ neh, Ka li neh mehˬ-euˬ tsoˆ-euˬ jeˬ maˬ yuˇ laꞈ ni naw maꞈ jawˇ gaˇ kʼaˇ laˇ-eu tsawˇ haˬ deuˬ-ahˇ iˇ kahˇ laꞈ kʼoeˇ taˬ ha ahˇ. Dawˬ cawˬ kʼawꞈ taˬ puˬ nehˬ.

Maˬkuˆ 5:34

Yeˬsuˇ aˬ yawꞈ-ahˇ ehˇnehˬ-eu, “Ngaˬ buˇ-oˇ. Nawˬ-euˬ jah-eu nui ma nawˬ-ahˇ bi taˬ leˇ-euˬ meh. Nui ma saˇ lehˆ ni gʼoꞈ-iˇ-awˬ. Nawˬ-euˬ naˇ gawˇ teu tiˬ jawˇ-iˬ maˬ paˇ naˇ poˆ laˇ-aˇ.”

Doˆ-iˇ 4:18

Aˬ yawꞈ-euˬ tsawˇ mawˬ Yeˬdaˬyoˇ jawˇ gaˇ Moˇseˬ gʼoꞈ-iˇ-awˇ, “Iˇjiˇtuˆ miˇ kʼahˬ laꞈ kʼoeˇ jawˇ-eu ngaˬ-eu aˬ yuiꞈ aˬ nyiˇ deuˬ dehꞈ luꞈ jawˇ luꞈ nga siˬ loˇ lehˇ haw-iˇ-eu gʼaˇ duˬ, ngaˬ-ahˇ Iˇjiˇtuˆ miˇ kʼahˬ-ahˇ bi gʼoꞈ-iˇ laꞈ-awˬ” lehˇ ehˇ nehˬ ngeh, “Gʼoꞈ-iˇ nya tehꞈ-a” lehˇ Yeˬdaˬyoˇ aˬ yawꞈ-ahˇ ehˇ nehˬ-euˬ meh.

Gʼaˬkʼehˇ 15:22

Kʼoeˇ naˇ, aˬ yawꞈ maꞈ laꞈ kʼoeˇ tsawˇ haˬ tseˇ doˆ-awˇ, Pawˇluˆ hawˇ-eu Baˬnaˬbaˇ nehˬ-ehˇ Aˬdiˇawˬ meuˬ-ahˇ bi le-eu gʼaˇ duˬ, gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ Ka li zaˬ aˇ muˇ nehˬ-ehˇ bawˬ dzaˬ tsehˆ-euˬ meh. Jah-eu tsawˇ haˬ deuˬ yaw zeu baw dui dui-eu Baˬsaˬbaˆ lehˇ kuˇ-eu Yuˇdaˆ hawˇ-eu Siˬlaˆ aˬ nyaꞈ-ahˇ tseˇ doˆ-awˇ,

Gʼaˬkʼehˇ 15:34

Ehˇ kʼawꞈ, Siˬlaˆ gʼaˬ-aˬ, kʼoeˇ gaˇ jawˇ yaꞈ-eu gʼaˇ duˬ noeˬ tsehˆ-euˬ meh.