Gʼaˬkʼehˇ 14:17 - Akha

¹⁷ Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqjox-aer law-awr khawf, aqyawf yawmuiq jeq mr-euq mae laer aqyawf-euq gharduq sarkir maqbi jawr-aer maqbyaerni, aqyawf, aqdui-anr mq-anr nae uqyaer bif-awr, yamqlaw tsaqni dzaqla ghovcaer bibaw bi zale-eu mae. Khoer-aq, aqdui-euq nuima-anr dzaqdzaq dawrdawr hawr-eu laqkhaq caer-eu jeq bibyan-eu gharduq mae.”

Gʼaˬkʼehˇ 14:17 Referans Kwoze

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Dawˬmehˬ 11:14

Naw maꞈ kʼoeˇ loꞈ-ehˇ mˇ naˇ, dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, yehˇ gʼahˇ ahˇ dahˬ beh ngeh maˬ ehˇ, yehˇ gʼahˇ jiˇ le ngeh maˬ ehˇ, kʼaˇ loˬ-eu loꞈ-ehˇ, miˇ kʼahˬ kʼoeˇ kʼahˬ laꞈ kʼoeˇ uˬ yehˇ bi yehˇ le tehꞈ-a.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

Yeˬsaˬgeˬlaˇ 34:26

“Aˬ yawꞈ maꞈ-ahˇ ngaˇ guiˬ lahˬ biꞈ-awˇ, ngaˬ-euˬ muiˬ-eu shawˇ-eu gawˬ duˇ jawˬ jawˬ-ehˇ bi jawˇ ma. Aˇ yamˬ tsaˬ ni, aˬ yawꞈ maꞈ gʼaˇ duˬ ngaˇ uˬ yehˇ bi yehˇ le ma.

Yeˬlaˬmiˇ 5:24

Tsahˬ gaˆ uˬ yehˇ hawˇ-eu jawˇ la uˬ yehˇ biꞈ-awˇ, naw maꞈ-ahˇ ngaˇ aˬ yawꞈ kʼoꞈ yawꞈ cehˇ bi yehˬ dzaˬ-euˬ kʼawꞈ, ngaˬ-ahˇ taˬ huiˬ ma lehˇ naw maꞈ tiˬ pawꞈ-iˬ maˬ noeˬ-a.

Jaceuq 145:9

Aˬ yawꞈ-aˬ, yawˬ gʼaˬ na luꞈ kʼoeˇ taˆ muiˬ-awˇ, aˬ yawꞈ neh kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ, gʼawˬ shaˬ gaˬ-eu nui ma jaˆ-eu meh.

Dawˬmehˬ 28:12

Tsawˇ jeuˬ gʼawˬ mya jeuˬ nawˬ-ahˇ ya shaˇ ngaˬ ya shaˇ paˇ laˇ kʼawꞈ, aˬ cawˬ tsawˇ jeuˬ-ahˇ nawˇ ya shaˇ paˇ-iˇ gaˇ maˬ bi keuˆ ni, mˬ kʼoeˇ taˆ guiˬ lahˬ yaw dzahˇ laˇ gʼoˆ aˬ yawꞈ pah-awˇ, aˇ yamˬ tsaˬ tsaˬ ni uˬ yehˇ bi yehˇ le-awˇ, nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ nawˬ-ahˇ guiˬ lahˬ biꞈ nehˬ laꞈ tehꞈ-a.

Uˬ duˬ 26:4

dzaˬ la gʼo cehˇ deuˬ bi muiˬ laˇ-awˇ, aˇ siˬ aˇ bawˇ deuˬ aˇ siˬ bi siˬ laˇ-eu gʼaˇ duˬ, aˇ yamˬ tsaˬ tsaˬ ni uˬ yehˇ bi yehˇ le ma.

Luˇkaꞈ 6:35

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Jaceuq 52:1

Baoˬ yaw shehꞈ kʼahˬ sehˇ jaˆ-eu tsawˇ haˬ deuˬ-oˇ, naw maꞈ-euˬ haiˬ-eu gaˇ-ahˇ gʼoe-awˇ, aˬ jeˬ miˇ neh kʼahˬ sehˇ jehˆ te. Miˬyehˇ-euˬ gʼoeˇ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Yawˇbaˆ 37:6

Ngehˇ hawˇ-eu uˬ yehˇ miˇ tsaˬ kʼoeˇ taˆ ga le ni aˬ yawꞈ dawˬ biꞈ-eu meh.

Neˬhaˬmiˇ 9:25

Ziꞈ-eu meuˬ deuˬ hawˇ-eu muiˬ-eu miˇ tsaˬ maˬ ehˇ, pyuˇ shuiˇ byah-eu nymˇ deuˬ hawˇ-eu duˬ gʼaˬ taˬ-euˬ lah duˬ maˬ ehˇ, Saˬloˬ aˇ bawˇ, aˇ siˬ aˇ bawˇ, aˬ gaꞈ yaˇ kmˇ maˬ ehˇ, nawˬ-euˬ tsawˇ jeuˬ deuˆ za-euˬ meh. Aˬ yawꞈ maꞈ kʼaˇ dzaˬ mawꞈ-eu jeˬ dzaˬ-awˇ tsuˇ laˇ-euˬ meh. Nawˬ neh biꞈ-euˬ muiˬ-eu guiˬ lahˬ deuˬ-ahˇ, aˬ yawꞈ maꞈ laˬ kʼaˬ cehˇ dui dui-euˬ meh.

1 Sahˬpaˬ 18:1

Aˇ kʼoꞈ aˇ la ui cuiˆ myahˇ laˇ-awˇ, uˬ yehˇ maˬ yehˇ le-eu aˇ kʼoꞈ smˇ kʼoꞈ tiˬ kʼoꞈ-ahˇ, “Sahˬ paˬ Aˬhaˆ jawˇ gaˇ nawˇ iˇ-awˇ, nawˬ-euˬ gʼawˇ mawˇ aˬ yawꞈ-ahˇ bi mawˇ-awˬ. Ngaˇ uˬ yehˇ bi yehˇ le ma” lehˇ, Eˇliˇyaˆ-ahˇ Sahˬpaˬ Miˬyehˇ ehˇ nehˬ-euˬ meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Iˇsaˬyaˇ 22:13

Ehˇ kʼawꞈ, nawˇ uiˇ-awˇ bawˬ-iˬ gʼeh-eu laꞈ kʼoeˇ, yawˇ hawˇ-eu mawˇ neˇ sehꞈ-awˇ, aˬ gaꞈ dzaˇ uiˇ lehˬ hmˬ taˬ-awˇ, dzaˬ byawˬ dawˇ byawˬ byawˬ gʼa tehꞈ-a. “Ni shawˬ shiˇ-eu keuˆ le-euˬ-aˬ, iˬ nah dzaˬ byawˬ dawˇ byawˬ byawˬ ma” lehˇ nawˇ ehˇ tehꞈ-a.

Yawˇbaˆ 36:31

Kʼoeˇ loꞈ-ehˇ jahˇ-eu laꞈ kʼoeˇ tsawˇ haˬ zaˬ-ahˇ aˬ yawꞈ bi dzaˬ bi dawˇ-awˇ, dzaˬ dzaˬ dawˇ dawˇ tiˬ byah ni biꞈ-eu meh.

Jaceuq 4:7

Dzaˬla gʼo cehˇ, aˬgaꞈdzaˇuiˇ, za dui dui le-euˬbaˬda neh, yawꞈmaꞈlaˬkʼaˬcehˇ-eu kʼoeˇ-aˬ, nawˬneh ngaˬ-ahˇ biꞈnehˬlaꞈ-euˬ, laˬkʼaˬcehˇ-eu jeˬmaˬtawˬ-a.

Iˇsaˬyaˇ 40:21

Nawˇ maˬ siˬ nya teˬ loˇ. Nawˇ maˬ ya gaˬ-aˬ loˇ. Aˇ hu ba-euˬ gaˇ kawˆ kʼoeˇ, nawˬ-ahˇ maˬ ja mehˬ laꞈ-aˬ loˇ. Miˇ tsaˬ tahˬ kʼawˇ aˬ joˆ-ehˇ pyeuꞈ doˆ laˇ-euˬ gaˇ kawˆ, nawˇ maˬ gaˬ haw-aˬ loˇ.

Gʼaˬkʼehˇ 14:18

Aˬ yawꞈ nyaꞈ kʼoeˇ naˆ ni ehˇ keuˆ-awˇ, aˬ yawꞈ maꞈ neh aˬ yawꞈ nyaꞈ-ahˇ maˬ bi lawˇ-eu gʼaˇ duˬ maˬ gʼaˬ maˬ na-ehˇ ja gʼaˬ-euˬ meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.