Gʼaˬkʼehˇ 13:5 - Akha

⁵ Aˬ yawꞈ nyaꞈ Saˬlaˬmiˇ meuˬ-ahˇ iˇ keuˆ ngeh, uˬ duˬ tahˬ nymˇ doe ni Miˬyehˇ dawˬ kawˬ mehˬ nehˬ-euˬ meh. Aˬ yawꞈ nyaꞈ-ahˇ caw ba-eu gʼaˇ duˬ, Yoˇhaˬ kʼawꞈ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawfnyaf, Saqlaqmir meuq-anr irkeuv ngae, Yurdav tsawrhaq-euq zanrdawq khawqnymr-euq lafkhoer, Miqyaer-euq dawq maeqnaeq-euq mae. Aqyawfnyaf, Yorhaq-anr-aq, cawba-eu ghaq bigeuf-euq mae.

Gʼaˬkʼehˇ 13:5 Referans Kwoze

Gʼaˬkʼehˇ 13:14

Beˬlaˬgeˬ meuˬ-ahˇ neh tiˬ poˆ paˇ luˆ-iˇ-awˇ, Biˇsiˇdiˇ miˇ kʼahˬ Aˬdiˇawˬ meuˬ-ahˇ iˇ keuˆ-euˬ meh. Kʼoeˇ gaˇ, Jawˇ nah keuˆ laˇ ngeh, aˬ yawꞈ nyaꞈ uˬ duˬ tahˬ nymˇ-ahˇ daˆ leˇ-awˇ nuiˇ-euˬ meh.

Gʼaˬkʼehˇ 13:46

Ehˇ kʼawꞈ, Pawˇluˆ hawˇ-eu Baˬnaˬbaˇ aˬ nyaꞈ kʼaˬ duˬ ni ngehˬ-eu laꞈ kʼoeˇ, “Miˬyehˇ-euˬ dawˬ kawˬ heu naw maꞈ-ahˇ jeˬ huˬ ya ja mehˬ-eu ngeuˇ meh. Ehˇ kʼawꞈ, naw maꞈ maˬ naˇ haˬ geuꞈ-ehˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu geuˇ miˇ-a lehˇ maˬ shaˇ noeˬ-eu miˇ neh, naw maꞈ-ahˇ byehˇ-awˇ aˬ cawˬ tsawˇ jeuˬ-ahˇ mehˬ-iˇ-eu ma.

Gʼaˬkʼehˇ 19:8

Pawˇluˆ uˬ duˬ tahˬ nymˇ-ahˇ le-awˇ, ba la smˇ siˬ byah ni kʼaˬ duˬ ni ngehˬ-eu tmˇ-eu laꞈ kʼoeˇ, Miˬyehˇ Miˇ kʼahˬ gaˇ kawˆ aˬ yawꞈ maꞈ siˬ duˬ laˇ ni ja sawˇ mehˬ nehˬ-euˬ meh.

Gʼaˬkʼehˇ 18:4

Yuˇdaˆ tsawˇ haˬ maˬ ehˇ, c tsawˇ haˬ maˬ ehˇ, jah-eu tsawˇ haˬ pyeuꞈ laˇ ni, Jawˇ nah aˬ yawꞈ nah yawꞈ uˬ duˬ tahˬ nymˇ laꞈ kʼoeˇ Pawˇluˆ ja sawˇ-euˬ meh.

Gʼaˬkʼehˇ 17:17

Kʼoeˇ miˇ neh, Yuˇdaˆ tsawˇ haˬ deuˬ hawˇ-eu Miˬyehˇ-ahˇ uˬ duˬ tahˬ-eu aˬ cawˬ tsawˇ jeuˬ nehˬ-ehˇ uˬ duˬ tahˬ nymˇ laꞈ kʼoeˇ ja uˇ-eu uˬ taꞈ, lehˆ lehˆ tsmˇ miˇ kʼahˬ zaˬ baꞈ dzah dzah duˬ-ahˇ kʼawꞈ, kʼaˇ iˇ kʼaˇ laˇ doˆ-eu tsawˇ haˬ deuˬ nehˬ-ehˇ ja uˇ haw-euˬ meh.

Gʼaˬkʼehˇ 14:1

Pawˇluˆ hawˇ-eu Baˬnaˬbaˇ aˬ nyaꞈ Iˇgawˇniˇ meuˬ-ahˇ le keuˆ-awˇ jawˇ ngeh, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ daˆ leˇ-awˇ dawˬ ngehˬ leˇ-euˬ meh. Kʼoeˇ gaˇ kʼawꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ maˬ ehˇ, gʼawˬ mya ni jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 12:12

Gaˇ kawˆ kʼoeˇ deuˬ-ahˇ aˬ yawꞈ siˬ duˬ gʼaˬ ngeh, Maˬkuˆ lehˇ kʼawꞈ kuˇ-eu Yoˇhaˬ-euˬ aˬ ma pyeuꞈ-eu Maˬliˇ-euˬ nymˇ-ahˇ iˇ-euˬ meh. Tsawˇ haˬ gʼawˬ mya ni kʼoeˇ gaˇ uiˬ leˇ-awˇ guiˬ lahˬ shaˇ luꞈ-eu meh.

Gʼaˬkʼehˇ 9:20

Aˬ yawꞈ tiˬ poˆ tehꞈ-ehˇ Yuˇdaˆ tsawˇ haˬ-euˬ uˬ duˬ tahˬ nymˇ kʼaˇ jaˆ gaˇ le-awˇ, Yeˬsuˇ-aˬ Miˬyehˇ-euˬ Zaˬ maˇ pyeuꞈ-eu gaˇ kawˆ dawˬ mehˬ mehˬ-euˬ meh.

2 Tiˆmoˇseˬ 4:11

Luˇkaꞈ tiˬ gʼaˬ tehꞈ-ehˇ ngaˬ nehˬ-ehˇ jawˇ yaꞈ-euˬ meh. Nawˇ laˇ ngeh Maˬkuˆ-ahˇ sheuˬ laꞈ-awˬ. Aˬ jeˬ miˇ neh ehˇ naˇ, ngaˇ gaˇ mˇ gaˇ aˬ yawꞈ caw ba nya-eu meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Gʼaˬkʼehˇ 15:37

Baˬnaˬbaˇ-aˬ, Maˬkuˆ lehˇ kuˇ-eu Yoˇhaˬ-ahˇ kʼawꞈ sheuˬ gʼeh mawꞈ-eu meh.

Gʼaˬkʼehˇ 12:25

Baˬnaˬbaˇ hawˇ-eu Sawˇluˆ aˬ nyaꞈ-aˬ, aˬ yawꞈ nyaꞈ ya mˇ-eu saˬ saˬ naˬ gaˇ mˇ luiˆ yaꞈ-awˇ, Maˬkuˆ lehˇ kʼawꞈ kuˇ-eu Yoˇhaˬ-ahˇ sheuˬ-awˇ, Yeˬluˇsaˬlehˬ meuˬ-ahˇ neh gʼoꞈ daˆ leˇ-euˬ meh.

1 Sahˬpaˬ 19:21

Kʼoeˇ naˇ, Eˇliˇshehˇ gʼaˬ aˬ yawꞈ-euˬ mawˇ neˇ kʼoeˇ gu jawˇ gaˇ iˇ-awˇ, mawˇ neˇ sehꞈ-awˇ, nyoˬ tsehˬ laꞈ gʼahˬ miˬ dzaˬ geuꞈ-awˇ, shaˬ jiˇ jahˇ-euˬ meh. Shaˬ jiˇ kʼoeˇ tsawˇ haˬ kʼoeˇ deuˬ-ahˇ aˬ yawꞈ bi dzaˬ-euˬ meh. Kʼoeˇ naˇ, Eˇliˇyaˆ-euˬ mehˬ nah aˬ yawꞈ caw teh gʼeh-awˇ, Eˇliˇyaˆ-ahˇ caw ba nehˬ-euˬ meh.

Maꞈtehˬ 20:26

Ehˇ kʼawꞈ, naw maꞈ kʼoeˇ loꞈ-ehˇ maˬ ya geuꞈ-a. Naw maꞈ laꞈ kʼoeˇ, aˬ cawˬ naˆ maˬ tseˇ huiˬ mawꞈ mahˇ mawꞈ-eu gʼaˬ-aˬ, aˬ cawˬ-euˬ myawˬ kʼehˇ ya gʼoˆ tehꞈ-a.

2 Sahˬpaˬ 3:11

“Aˬ dui gʼaˇ duˬ Sahˬpaˬ Miˬyehˇ-ahˇ mehˬ bawˬ bi mˇ haw-eu gʼaˇ duˬ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na heu gaˇ maˬ jawˇ-a loˇ” lehˇ, sahˬ paˬ Yeˬhawˇshaˬpaˇ ehˇ ngeh, “Shaˬpaˇ-euˬ aˬ li Eˇliˇshehˇ heu gaˇ jawˇ meh” lehˇ, sahˬ paˬ Yoˇlamˬ-euˬ guiˇ maꞈ kʼoeˇ taˆ yaw huiˬ yaw mahˇ geuꞈ luꞈ-eu tiˬ gʼaˬ ehˇ-eu meh. “Aˬ yawꞈ-aˬ, Eˇliˇyaˆ-euˬ gʼaˬ zaˬ meh” lehˇ ehˇ-eu meh.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

Doˆ-iˇ 24:13

Moˇseˬ hawˇ-eu aˬ yawꞈ-euˬ gʼaˬ zaˬ Yawˇshuˆ aˬ nyaꞈ lehˬ hmˬ-awˇ, muiˬ-eu shawˇ-eu gawˬ jawˬ-ahˇ Moˇseˬ daˆ leˇ-euˬ meh.

Gʼaˬkʼehˇ 19:22

Kʼoeˇ miˇ neh, aˬ yawꞈ-ahˇ caw ba-eu tsawˇ haˬ deuˬ laꞈ kʼoeˇ, Tiˆmoˇseˬ hawˇ-eu Eˇlaˬduˇ aˬ nyaꞈ-ahˇ Maˬgeˬdawˇniˆ miˇ kʼahˬ-ahˇ bi le-awˇ, aˬ yawꞈ gʼaˬ-aˬ, Aˬshaˆ miˇ kʼahˬ-ahˇ tiˬ kʼehˬ paˇ jawˇ tehˬ-euˬ meh.

Gʼaˬkʼehˇ 19:29

Meuˬ meuˬ lah-ehˇ luiˬ gʼa laˇ-awˇ, Pawˇluˆ nehˬ-ehˇ cah-eu Maˬgeˬdawˇniˆ tsawˇ haˬ Gaˬyuˇ hawˇ-eu Aˬliˬdaˬguˇ aˬ nyaꞈ-ahˇ nyehꞈ-awˇ, Bawˬ-iˬ gʼeh duˬ-ahˇ gʼeu gʼeh-euˬ meh.